Page Text
________________
EFEES-GOPERANARASOPIEOMAHESHRSPIRARBP6567898PRBIRMIRPSSAGIPRAISPOSHANCHARPENSPIARPER-6
वत्थवणं व जहा कणयारवणं व चंपयवर्ण वा। सोहइ कुसुमभरणं इय गयणयलं सुरगणेहिं ॥१२६।। वरपडहभेरिझाल्डरिसंखसयसहस्सिएहिं तुरेहिं । गयणयले धरणियले तरनिनाओ परमरम्मो ॥१२७॥ ततविततं घणझुसिरं आउजं चउचिहं बहुविहीयं । वाइंति तत्व देवा बहूहिं आनहगसएहिं ॥१२८॥ तेणं कालेणं तेणं समएणं जे से हेमंताणं पढमे मासे पढ़मे पक्खे मग्गसिरबहुले तस्स णं मग्गसिरबहुलस्स दसमीपक्सेणं सुबएणं दिवसेणं विजएणं मुहुत्तेणं हत्थुत्तरानक्खत्तेणं जोगोषगएणं पाईणगामिणीए छायाए चिइयाए (प० वियत्ताए) पोरिसीए छट्टेणं भत्तेणं अपाणएणं एगसाडगमायाए चंदप्पभाए सिबियाए सहस्सवाहिणियाए सदेवमणुयासुराए परिसाए समणिजमाणे उत्तरखनियकुंडपुरसंनियसम्म मझम झणं निगद २ जेणेव नायसंडे उज्जाणे तेणेव उवागच्छद २ इंसिं रयणिप्पमाणं अच्छोप्पेणं भूमिभाएण सणियं २ चंदप्पभं सिवियं सहस्सवाहिणि ठवेइ२ मणियं २ चंदप्पभाओ सीयाओं सहस्सवाहिणीओ पञ्चोयरह २ सणियं २ पुरत्याभिमुहे सीहासणे निसीयह आभरणालंकारं ओमुअइ, तओ णं वेसमणे देवे जन्नु(प० भत्तु०)वायपडिओ भगवओ महावीरस्म हंसलक्षणेणं पडेणं आभरणालंकारं पडिच्छा, तओणं समणे भगवं महावीरे दाहिणेणं दाहिणं वामेणं वामं पंचमुट्टियं लोयं करेइ, तओणं सके देविंद देवराया समणस्स भगवओ महावीरस्स जन्नुबायपडिए वाइरामएणं थालेणं केसाई पडिच्छइ २ अणुजाणेसि भंतेत्तिकट्टु खीरोयसागरं साहरइ, तओणं समणे जाव लोयं करित्ता सिद्धाणं नमुकारं करेइ २ सच्चं ने अकरणिजं पावकम्मंतिकट्ठ सामाइयं चरित्तं पडिवजह २ देवपरिसं च मणुयपरिसं च आलिक्वचित्तभूयमिव ठवेइ-दिवो मणुस्सघोसो तुरियनिनाओ य सकवयणेणं । खिप्पामेव निलुको जाहे पडिवजइ चरित्तं ॥१२९॥ पडिवजित्तु चरितं अहोनिसं सञ्चपाणभूयहियं । साहट्ट लोमपुलया सवे (प० पयया) देवा निसामिति ॥१३०॥ तओणे समणस्स भगवओ महावीरम्म सामाइयं खओवसमियं चरित्तं पडियन्नस्स मणपज्जवनाणे नामं नाणे समुपन्ने अडाइजेहिं दीवेहिं दोहि य समुद्देहिं सन्नीणं पंचिदियाणं पज्जत्ताणं वियत्तमणसाणं मणोगगाई भाचाई जाणेइ । तओ णं समणे भगवं महावीरे पवइए समाणे मित्तणाइसयणसंबंधिवगं पडिविसजेइ, २ इमं एथारुवं अभिग्गहं अभिगिण्हइ-चारस वासाई वोसट्टकाए चियत्तदेहे जे केइ उवसग्गा समुप्पजिस्संति, तंजहा-दिवा या माणुस्सा वा तेरिच्छिया वा, ते सवे उवसग्गे समुप्पने समाणे सम्मं सहिस्सामि खमिस्मामि अहिआसइस्सामि, तओ णं स० भ० महावीरे इमं एयारूवं अभिम्गह अभिगिमिहत्ता बोसिट्ठचत्तदेहे दिवसे मुहुत्तसेसे कु(प० क)म्मा(प० मा)रगाम समणुपत्ते, तओणं स० भ०म० योसिट्टचत्तदेहे अणुत्तरेणं आलएणं अणुत्तरेणं बिहारेणं एवं संजमेणं परगहेणं संवरेणं तवेणं बंभचेरवासेणं खंतीए मुत्तीए समिईए गुत्तीए तुट्टीए ठाणेणं कमेणं सुचरियफलनिवाणमत्तिमग्गेण अप्पाणं भावमाणे विहरइ. एवं वा विहरमाणस्स जे केइ उवसग्गा समुप्पज्जति त०-दिवा वा माणुस्सा वा तिरिच्छिया वा, ते सत्वे उवसम्गे समुष्पन्ने समाणे अणाउले अवहिए अहीणमाणसे तिविहमणवयणकायगुत्ते सम्म सहइ खमइ तितिक्वइ अहियासेइ, तओ णं समणस्स भगवओ महावीरस्स एएणं विहारेणं विहरमाणस्स बारस बासा बीइकता तेरसमस्स य वासस्स परियाए वट्टमाणस्स जे से गिम्हाणं दुचे मासे चउत्थे पक्खे वइसाहसुद्धे तस्स णं साहसुद्धस्स दसमीपक्षेणं सुधएणं दिवसेणं विजएणं मुहुत्तेणं हत्युत्तराहिं नक्खनेणं जोगोषगएणं पाईणगामिणीए छायाए वियत्ताए पोरिसीए जंभियगामस्स नगरस्स बहिया नईए उज्जुवालियाए उत्तरकूले सामागस्स गाहावइस्स कट्टकरणंसि उडूंजाणूअहोसिरस्स झाणकोट्ठोवगयस्स येयापत्तस्स चेइयस्स उत्तरपुरच्छिमे दिसीभागे सालरुक्खस्स अदूरसामंते उकुडुयस्स गोदोहियाए आयावणाए आयावेमाणस्स छट्टेणं भत्तेणं अपाणएणं सुकज्झाणंतरियाएवढमाणस्स निवाणे कसिणे पडिपुग्ने अवाहुए निरावरणे अणंते अणुत्तरे केवलबरनाणदंसणे समुप्पने, से भगवं अरहं जिणे (प० जाणए) केवली सञ्बनू सवभावदरिसी सदेवमणुयासुरस्स लोगस्स पज्जाए जाणइ, तं०-आगई गई ठिई चयणं उक्वायं भुत्तं पीयं कडं पडिसेवियं आविकम्मं रहोकम्मं लवियं कहियं मणोमाणसियं सञ्चलोए सबजीवाणं सबभावाइं जाणमाणे पासमाणे एवं च णं विहरइ, जण्णं दिवस समणस्स भगवओ महावीरस्स निवाणे कसिणे (प्र० निच्चप्पणो, णिचणेए) जाव समुप्पन्ने तण्णं दिवसं भवणवइवाणमंतरजोइसियविमाणवासिदेवेहि य देवीहि य उवयंतेहिं जाच उप्पिजलग भए यावि हुत्या, तओ णं समणे भगवं महावीरे उप्पन्नवरनाणदंसणधरे अप्पाणं च लोगं च अभिसमिक्ख पुर्व देवाणं धम्ममाइक्खइ, ततो पच्छा मणुस्साणं, तआ णं समणे भगवं महावीरे उप्पन्ननाणदसणधरे गोयमाईणं समणाणं पंच महत्वयाई सभावणाई छज्जीवनिकाया आतिक्वति भासइ० परूवेइ, तं-पुढविकाए जाव तसकाए, पढर्म भंते : महवयं पञ्चक्खामि सर्व पाणाइयायं से सुहुमं वा वायरं वा तसं वा थावरं वा नेव सर्व पाणाइवायं करिज्जा ३ जावज्जीवाए तिविहंतिविहेण मणसा वयसा कायसा तस्स भंते ! पडिकमामि निंदामि गरिहामि अप्पाणं बोसिरामि, तस्सिमाओ पंच भावणाओ भवंति, तत्थिमा पढमा भावणा-ईरियासमिए से निग्गंथे नो अणईरियासमिएत्ति, केवली व्या अणईरियासमिए से निग्गंथे पाणाई भूयाई जीवाइं सत्ताई अभिहणिज्ज वा वत्तिज वा परियाविज्ज वा लेसिज्ज वा उद्दविज वा, ईरियासमिए से निमांथे नो ईरियाअसमिइत्ति पढमा भावणा १। ३४ आचारांग - अन्य -१५
मुनि दीपरत्नसागर
| SR No. | 003901 |
| Book Title | Aagam Manjusha 01 Angsuttam Mool 01 Aayaro |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 38 |
| Language | Prakrit |
| Classification | Book_Devnagari, Agam, Canon, & agam_acharang |
| File Size | 30 MB |