Page Text
________________
वा जसव वा । ४००। समणस्स नं० ३ अम्मापियरो पासावचिज्जा समणोवासगा यावि हुत्था, ते णं बहूई वासाई समणोवासगपरियागं पालइत्ता उन्हें जीवनिकायाणं सारक्खणनिमित्तं आलोइत्ता निंदित्ता गरिहिता पडिकमित्ता अहारिहं उत्तरगुणपायच्छित्ताई पडिवजित्ता कुससंथारगं दुरूहित्ता भत्तं पञ्चकखायंति २ अपच्छिमाए मारणंतियाए संलेहणाए झुसियसरीरा कालमाने कालं किया तं सरीरं विष्पजहित्ता अनुए कप्पे देवत्ताए उववन्ना, तओ णं आउक्खएणं भव० ठिइ० चुए चइत्ता महाविदेहे वासे चरमेण उसासेणं मिज्झिम्मंति बुज्झिस्संति मुचिस्वंति परिनिच्वाइस्संति सङ्घदुक्खाणमंतं करिस्सति । ४०१ । तेणं कालेणं २ समणे भ० नाए नायपुते नायकुलनिवत्ते विदेहे विदेहदिने विदेहजचे विदेहसुमाले तीमं वासाई विदेहंसिनि (प्र० हेत्ति) कट्टु अगारमज्झे वसित्ता अम्मापिऊहिं कालगएहिं देवलोगमणुपत्तेहिं समत्तपइने चिया हिरन्नं चिया सुवनं चिचा बलं चिया वाहणं चिचा धणकणगरयणसंतसारसावइजं विच्छङ्गित्ता विग्गोवित्ता विस्साणित्ता दायारेसु दाणं दाइत्ता परिभाइत्ता संवच्छरं दलइत्ता जे से हेमंताणं पढमे मासे पढमे पक्खे मग्गसिरबहुले तस्स णं मग्गसिरबहुलस्स दसमीपम्येणं हत्थूत्तरा० जोग० अभिनिक्खमणाभिप्पाए यात्रि हुत्था। संवच्छरण होहिइ अभिनिक्समणं तु जिणवरिंदस्स तो अत्थसंपयाणं पवत्तई पुत्रस्राओ ।। ११२ ।। ' एगा हिरन्नकोडी अद्वेव अणूणगा सयसहस्सा सरोदयमाईयं दिजइ जा पायरासुति ॥ ११३ ॥ तिन्नेव य कोडिसया अट्ठासी च इंति कोडीओ असिदं च सयसहस्सा एवं संवछरे दिनं ॥ ११४ ॥ बेसमणकुंडधारी देवा लोगंतिया महिडीया बोहिति य तित्थयरं पन्नरससु कम्मभूमीसु ॥ ११५ ॥ वंभंमि य कप्पंमी बोदवा कण्हराइणो मज्झे। लोगंतिया विमाणा अट्टमु त्था असंखिजा ॥ ११६ ॥ एए देवनिकाया भगवं बोहिंति जिणवरं वीरं सङ्घजगज्जीवहियं अरिहं! तित्थं पवतेहि ॥ ११७॥ तओ णं समणस्स भ० म० अभिनिक्खमणाभिप्पायं जाणित्ता भवणववा० जो० त्रिमाणवासिणो देवा य देवीओ य सएहिं २ रुवेहिं सएहिं २ नेवत्थेहिं सएहिं २ चिंधेहिं सविडीए सबजुईए सङ्घबलसमुदपणं सयाई २ जाणविमाणाई दुरूति सया० • दुरुहिता अहाचायराई पोग्गलाई परिसाति २ अहासुदुमाई पुग्गलाई परियाईति २ उट्टं उपयंति उट्टं उप्पइत्ता ताए उकिट्टाए सिग्धाए चलाए तुरियाए दिवाए देवगईए अहेणं ओवयमाणा २ तिरिएणं असंखिजाई दीवसमुदाई वीडकममाणा २ जेणेव जंबुद्दीवे दीवे तेणेव उवागच्छति २ जेणेव उत्तरखत्तियकुंडपुरसंनिवेसे तेणेव उपागच्छति, उत्तरखत्तियकुंडपुरसंनिवसस्स उत्तरपुरच्छिमे दिसीभाए तेणेव झत्ति वेगेण ओवइया, तओ णं सके देविंदे देवराया सणियं २ जाणविमाणं पट्टवेति (प्र० पञ्चो० ठवेइ) सणियं २ जाण विमाणाओ पचीयर सणियं २ एगंतमवकमइ एगंतमवकमित्ता महया वेउविएणं समुग्धाएणं समोहणइ २ एवं महं नाणामणिकणगरयणभत्तिचित्तं सुभं चारुकंतरूवं देवच्छंदयं विउइ. तस्स णं देवच्चछंदयस्स बहुमज्झदेसभाए एवं महं सपायपीटं नाणामणिकणयरयणभत्तिचित्तं सुभं चारुकंतरूवं सीहासणं बिउवइ २ जेणेव समणे भगवं महावीरे तेणेव उपागच्छ २ समणं भगवं महावीरं तिक्खुत्तो आग्राहिणं पयाहिणं करेइ २ समणं भगवं महावीरं वंदइ नमसइ २ समणं भगवं महावीरं महाय जेणेव देवच्छंदए तेणेव उवागच्छइ सणियं २ पुरस्थाभिमुहं सीहामणे निसीयावेइ सणियं २ निसीयाचित्ता सयपागसहस्सपागेहिं तिहिं अभंगेइ गंधकासाईएहिं उडोले २ सुद्धोदएण मज्जावेइ २ जस्स णं मुखं सयसहस्सं णं तिपडोलतिनिएणं साहिएणं मीतेण गोसीसरतचंदणेणं अणुलिंपइ २ ईसि निस्सासवायवोज्झं वरनयरपट्टणुमायं कुसलनरपसंसियं अस्सलालापेलवं छेयारियकणगखइयंतकम्मं हंसलक्खणं पट्टजुयलं नियंमावेइ २ हारं अहारं उरत्थं नेवत्थं एगावलिं पावसुतं पट्टमउडरयणमालाउ आविंधावे आविधावित्ता गंधिमवेढिमपूरिमसंघाइमेणं मणं कप्परुक्खमिव समलंकरेइ २ ना दुबंपि महया बेडत्रियसमुग्याएणं समोहणइ २ एगं महं चंदप्यहं सित्रियं सहस्सवाहणियं विडवति, तंजहा- ईहामिगउसभतुरगनरमकरविहगवानरकुंजररूरुसरभ चमरस दूलसीह वणलयभनिचित्तस्यविज्जाहरमिहुणजुयलजंतजोगजुत्तं अच्चीसहस्समालिणीयं सुनिरुत्रियं मिसिमितिरूवगसहस्सकलियं ईसि भिसमाणं भिम्भिसमाणं चक्खुडोयणले मुत्ताहलम्ताजातरोधियं तवणीयपचरलंबूसपलंवंतमुत्तदामं हारबहारभूसणसमोणयं अहियपिच्छणिजं पउमलयभत्तिचित्तं असोगलयभत्तिचित्तं कुंदलयभत्तिचित्तं नाणालयभत्तिः विरइयं सुभं चारुकंतरुवं नाणामणिपंचवचघंटापडायपडिमंडियग्गसिहरं पासाईयं दरिसणिज्जं सुरूपं, सीया उवणीया जिणवरस्स जरमरणविष्पमुकस्स ओसत्तमहदामा जलथलयदिन कुसुमेहिं ॥ ११८ ॥ सित्रियाइ मज्झयारे दिवं वररयणरुवचिचइयं सीहासणं महरिहं सपायपीटं जिणवरस्स ॥ ११९॥ आलइयमालमउडो भासुरसुंदी वराभरणधारी । खोमियवत्थनियत्थो जस्स य मुखं सयमहस्सं ॥ १२० ॥ उद्वेग उ भत्तेणं अज्झवसाणेण सुंदरेण जिणो लेसाहिं विमुज्झतो आरुटई उत्तमं सीयं ॥ १२१ ॥ सीहासणे निविट्टो सकीसाणा य दोहि पासेहिं । वीर्यति चामराहिं मणिरयणविचित्तदंडाहिं ॥ १२२ ॥ पुत्र उक्खित्ता माणुसेहिं साहद्दु रोमकूवेहि पच्छा वहति देवा सुरअसुरा गरुलनागिंदा ॥ १२३ ॥ पुरओ सुरा बहती असुरा पुण दाहिणमि पासंमि । अवरे बहंति गरुला नागा पुणे उत्तरे पासे ॥ १२४॥ वणमंडं व कुसुमियं पउमसरो वा जहा सरयकाले सोहइ कुसुमभरेणं इय गगणयलं सुरगणेहिं ॥ १२५॥ सिद्ध33 आचारांग अझयणे - १५
1
मुनि दीपरत्नसागर
| SR No. | 003901 |
| Book Title | Aagam Manjusha 01 Angsuttam Mool 01 Aayaro |
| Original Sutra Author | N/A |
| Author | Anandsagarsuri, Sagaranandsuri |
| Publisher | Deepratnasagar |
| Publication Year | 2012 |
| Total Pages | 38 |
| Language | Prakrit |
| Classification | Book_Devnagari, Agam, Canon, & agam_acharang |
| File Size | 30 MB |