________________
३०. थूलिभद्र-मुनि-वर्णना-बोली
सुरराय समहरि करवि निज्जिय चक्कवह हरि-हलहरा । पायालि पन्नग सैव मन्नहि कवण मत्त नरेसरा ॥ . तसु कुसुमसरि कोदंड खंडिवि बाण-पसर विहंडिउ । सिरि-थूलभदिण तेम निज्जिउ जम्म कह-वि न निजि ॥१ जाम्व निय-कोदंड सज्जह करइ किरि टंकारवो । सुर-भुवणु कंपइ सेसु संकइ घर पडइ बुंबारवो ॥ जिण-लील-मत्तिण सुह-पसत्तिण सयलु तिहुयण दंडिउ ।। तसु पंचबाणह थूलभदिण माणु लीलइ खंडिउ ॥२ जसु सरिसु समरि न कोइ मंडइ को-वि करु नहु उब्भए । जिणि हणिउ हक्किउ को न भज्जइ कवणु कवणु न खुब्भए ॥ तसु थूलभद्दह सरिसु तुडि करि मयण-मल्लु विगुत्तओ । इणि सुहडि सरिसु न खणु वि खिल्लिउ इयरु जगु सहु जित्तभो ॥३ साहण-सहस्सहिजा न जिप्पइ असि-पहारि न छिज्जए । तसु सेल-सव्वल-सत्थ समहरि रोमु इक्कु न भिज्जए । जो गरुय-सद्दिण थूलभदिण रहसि (?) जा हक्किउ । तिम्व किम्वइ पडिउ अणंगु खडहडि वलिवि सरु नह संघिउ ॥४ अरिरि मत्त-गयंद भज्जहि जेम्व हरि-हुंकारवे । जिम्ब इयर कायर के-वि नासहि समरि हय-हिंसा-रवें ॥ जेम तिमिरु झडत्ति भिज्जइ पिक्खि रवि गयणंगणे । तिम्व मयणु मयण जिम्व विलिजइ थूलिभइह दंसणे ॥५ तह ठाण झत्ति पट्ठि उट्ठिउ गिरिहि मज्झि पइट्ठउ । संकुडिवि लिक्किवि किम्बइ थक्कउ पुणवि कह-वि न दिउ ॥ सिरि-थूलभदिण समरि भग्गउ वलिवि अंगि न लग्गए। जाणियइ किरि तह दिणह पच्छए इमु अणंगु भणिज्जए ॥६
मूल के भ्रष्ट पाठ : १. २. पन्नघ. २. २. बिबा; पसित्त'; १. वाणष, 'गुं, लीलई. ३. ३. भद्दघ. ४. जित्तउ. ४. २. पडिडिउ. ५. १. वे. २. वे. ४. घ. ६. २. संकिंवई. ३. में. ४. तद दिलश, इम्मे.
Jain Educationa Interational
For Personal and Private Use Only
www.jainelibrary.org
