________________
उत्तराध्ययनसूत्र
अणासवा थूलवया कुसीला मिउ पि चण्डं पकरिन्ति सीसा । चित्ताणुया लहु दक्खोववेया
पसायए ते हु दुरासयं पि ॥१३।। नापुट्ठो वागरे किंचि पुट्ठो वा नालियं वए । कोहं असच्चं कुव्वेज्जा धारेज्जा पियमप्पियं ॥१४॥ अप्पा चेव दमेयव्वो अप्पा हु खलु दुद्दमो।। अप्पा दन्तो सुही होइ अस्सि लोए परत्थ य ॥१५॥ वरं मे अप्पा दन्तो संजमेण तवेण य । माहं परेहि दम्मन्तो बन्धणेहि वहेहि य ॥१६॥ पडणीयं च बुद्धाणं वाया अदुव कम्मणा । आवी वा जइ वा रहस्से नेव कुज्जा कयाइ वि ॥१७॥ न पक्खओ न पुरओ नेव किच्चाण पिट्टओ। न जुजे ऊरुणा ऊरु सयणे नो पडिस्सुणे ।।१८।। नेव पल्हत्थियं कुज्जा पक्खपिण्डं च संजए। पाए पसारिए वावि न चिठे गुरुणन्तिए ॥१९॥ आयारिएहिं वाहित्तो तुसिणीओ न कयाइ वि । पसायपेही नियागट्ठी उवचिढ़े गुरु सया ।।२०।।
(ख) रहनेमिजं द्वाविंशं अध्ययनम् सोरियपुरंमि नयरे आसि राया महिड्ढिए । वसुदेवे ति नामेणं रायलक्खणसंजुए ॥१॥ तस्स भज्जा दुवे आसी रोहिणी देवई तहा। तासिं दोण्हं दुवे पुत्ता इट्ठा रामकेसवा ॥२॥ सोरियपुरंमि नयरे आसी राया महिड्ढिए । समुद्दविजए नामं रायलक्खणसंजुए ॥३॥ तस्स भज्जा सिवा नाम तीसे पुत्तो महायसो । भगवं अरिट्ठनेमि त्ति लोगनाहे दमीसरे ॥४॥ सोरिट्ठनेमिनामो उ लक्खणस्सरसंजुओ। अट्ठसहस्सलक्खणधरो गोयमो कालगच्छवी ।।५।।
Jain Educationa International
For Personal and Private Use Only
www.jainelibrary.org
