________________
६. उत्तराध्ययनसूत्र
(क) विणयसुयं प्रथम अध्ययनम् संजोगा विप्पमुक्कस्स अणगाररस्स भिक्खुणो। विणयं पाउकरिस्सामि आणुपुबि सुणेह मे ॥१॥ आणानिदेसकरे
गुरूणमुववायकारए । इंगियागारसम्पन्ने से विणीए ति वुच्चई ।।२।। आणानिदेसकरे
गुरूणमणुववायकारए । पडणीए असंबुद्ध अविणीए ति वुच्चई ।।३।। जहा सुणी पूइकण्णी निक्कसिज्जइ सव्वसो । एवं दुस्सीलपडिणीए मुहरी निक्कसिज्जई ॥४॥ कणकुण्डगं चइत्ताणं विट्ठे भुजइ सूयरे । एवं सीलं चइत्ताणं दुस्सीले रमई मिए ॥५॥ सुणिया भावं साणस्स सूयरस्स नरस्स य । विणए ठवेज्ज अप्पाणमिच्छन्तो हियमप्पणो ॥६॥ तम्हा विणयमेसिज्जा सीलं पडिलभेज्जए । बुद्धपुत्ते नियागट्ठी न निक्कसिज्जइ कण्हुई ।।७।। निसन्ते सियाऽमुहरी बुद्धाणं अन्तिए सया। अट्ठजुत्ताणि सिक्खिज्जा निरट्ठाणि उ वज्जए ॥८॥ अणुसासिओ न कुप्पिज्जा खंति सेविज्ज पण्डिए। खुड्डेहि सह संसरिंग हासं कीडं च वज्जए ।॥९॥ मा य चण्डालियं कासी बहुयं मा य आलवे । कालेण य अहिज्जित्ता तओ झाइज्ज एगगो ॥१०॥ आहच्च चण्डालियं कटु न निण्हविज्ज कयाइ वि। कडं कडे त्ति भासेज्जा अकडं नो कडे त्ति य ।।११।। मा गलियस्से व कसं वयणमिच्छे पुणो पूणो।। कसं व दळुमाइण्णे पावगं परिवज्जए ॥१२॥
* पाठ-सम्पादन, प्रो० एन० वी० वैद्या, उत्तराध्ययनसूत्रम्, पूना, १९५९ ।
Jain Educationa International
For Personal and Private Use Only
www.jainelibrary.org
