Page Text
________________
नायाधम्मकहा
तए णं से इंदभूई जायसड्ढे समणस्स भगवओ महावीरस्स एवं वयासी'कहं णं भंते ! जीवा गुरुयत्तं वा लहुयत्तं वा हव्वमागच्छंति ?'
(५) 'गोयमा ! से जहानामए केइ पुरिसे एगं महं सुक्कं तुम्बं णिच्छिदं निरुवयं दब्भेहिं कुसे हि वेढेइ, वेढित्ता मट्रियालेवेणं लिपई, उण्हे दलयइ, दलइत्ता सूचकं समाणं दोच्चं पि दब्भेहि य कुसेहि य वेढेइ, वेढित्ता मट्टियालेवेणं लिपइ, लिपित्ता उण्हे सुक्कं समाणं तच्चं पि दब्भेहि य कुसेहि य वेढेइ, वेढित्ता मट्टियालेवेणं लिपइ । एवं खलु एएणुवाएणं अंतरा वेढेमाणे अंतरा लिंपेमाणे, अंतरा सुक्कवेमाणे जाव अहिं मट्रियालेवेहिं आलिंपइ, अत्थाहमतारमपोरिसियंसि उदगंसि पक्खिवेज्जा । से णूणं गोयमा ! से तुंबे तेसि अट्टण्हं मट्टियालेवेणं गुरुययाए भारिययाए गुरुयभारिययाए उप्पि सलिलमइवइत्ता अहे धरणियलपइट्ठाणे भवइ ।
(६) एवामेव गोयमा! जीवा वि पाणाइवाएणं जाव मिच्छादसणसल्लेणं अणुपुव्वेणं अट्ठकम्मपगडीओ समज्जिणंति । तासिं गुरुययाए भारिययाए गरुयभारिययाए कालमासे कालं किच्चा धरणियलमइवइत्ता अहे नगरतलपइट्ठाणा भवंति । एवं खल गोयमा ! जीवा गुरुयत्तं हव्वमागच्छति।
(७) अहण्णं गोयमा ! से तुम्बे तंसि पढमिल्लगंसि मट्रियालेसि तिन्नंसि कूहियंसि परिसडियंसि ईसिं धरणियलाओ उप्पइत्ता णं चिट्टइ। ततोऽणंतरं च णं दोच्चं वि मट्टियालेवे जाव उप्पइत्ता णं चिट्ठइ । एवं खलु एएणं उवाएणं तेसु अटुसु मट्टियालेवेसु तिन्नेसु जाव विमुक्कबंधणे अहे धरणियलमइवइत्ता उप्पि सलिलतलपइट्ठाणे भवइ ।।
(८) एवामेव गोयमा ! जीवा पाणाइवाय वेरमणेणं जाव मिच्छादसणसल्लवेरमणेणं अणुपुव्वेणं अट्टकम्मपगडीओ खवेत्ता गगणतलमुप्पइत्ता उप्पि लोयग्गपइट्ठाणा भवंति । एवं खलु गोयमा ! जीवा लहुयत्तं हन्तमागच्छति ।
(९) एवं खलु जंबू ! समणेणं भगवया महावीरेणं छठ्ठस्स नायज्झयणस्स अयमढे पन्नत्ते त्ति बेमि ।
Jain Educationa International
For Personal and Private Use Only
www.jainelibrary.org
| SR No. | 003808 |
| Book Title | Prakrit Bharti |
| Original Sutra Author | N/A |
| Author | Prem Suman Jain |
| Publisher | Agam Ahimsa Samta Evam Prakrit Samsthan |
| Publication Year | 1991 |
| Total Pages | 268 |
| Language | Hindi |
| Classification | Book_Devnagari |
| File Size | 10 MB |