Page Text
________________
प्राकृत भारतो होलणिज्जे परलोए वि य णं आगच्छइ बहूणि दंडणाणि जाव अणुपरियट्टइ, जहा कुम्मए अगुत्तिदिए।
(१३) तए णं ते पावसियालया जेणेव से दोच्चए कुम्मए तेणेव उवागच्छंति, उवागच्छित्ता तं कुम्मयं सव्वओ समंता उव्वत्तेति जाव दंतेहि अक्खुडेंति जाव करित्तए ।
(१४) तए णं ते पावसियालया दोच्चं पि तच्चं पि जाव नो संचाएंति तस्स कुम्मगस्स किंचि आबाहं वा विबाहं वा जाव छविच्छेयं वा करित्तए, ताहे संता तंता परितंता निम्विन्ना समाणा जामे व दिसि पाउन्भूआ तामेव दिसिं पडिगया।
(१५) तए णं से कुम्मए ते पावसियालए चिरंगए दूरगए जाणित्ता सणियं सणियं गौवं नेणेइ, नेणित्ता दिसावलोयं करेइ, करित्ता जमग-समगं चत्तारि वि पाए नीणेइ, नीणेत्ता ताए उक्किटाए कूम्मगईए वीइवयमाणे वीइवयमाणे जेणेव मयंगतीरद्दहे तेणेव उवागच्छइ । उवागच्छित्ता मित्तनाइनियगसयणसंबंधिपरियणेणं सद्धि अभिसमन्नागए यावि होत्था ।
(ख) छठा तुंबक अध्ययन (१) 'जइ णं भंते ! समणेणं भगवया महावीरेणं जाव संपत्तेणं पंचमस्स नायज्झयणस्स अयम? पन्नत्ते, छटुस्स णं भंते ! णायज्झयणस्स समणेणं जाव संपत्तेणं के अढे पण्णत्ते ?'
(२) एवं खल जंबू ! तेणं कालेणं तेणं समए णं रायगिहे णाम नयरे होत्था। तत्थ णं रायगिहे णयरे सेणिए नाम राया होत्था । तस्स णं रायगिहस्स बहिया उत्तरपुरस्थिमे दिसीभाए एत्थ णं गुणसिलए नाम चेइए होत्था ।
(३) तेणं कालेणं तेणं समएणं समणे भगवं महावीरे पुवाणुपुवि चरमाणे जाव जेणेव रायगिहे णयरे जेणेव गुणसिलए चेइए तेणेव समोसढे । अहापडिरूवं उग्गहं गिण्हित्ता संजमेणं तवसा अप्पाणं भावेमाणे विहरइ। परिसा निग्गया, सेणिओ वि निग्गओ, धम्मो कहिओ, परिसा पडिगया ।
(४) तेणं कालेणं तेणं समएणं समणस्स भगवओ महावीरस्स जेटे अंतेवासी इंदभूई नामं अणगारे अदूरसामते जाव सुक्कज्झाणोवाए विहरइ ।
Jain Educationa International
For Personal and Private Use Only
www.jainelibrary.org
| SR No. | 003808 |
| Book Title | Prakrit Bharti |
| Original Sutra Author | N/A |
| Author | Prem Suman Jain |
| Publisher | Agam Ahimsa Samta Evam Prakrit Samsthan |
| Publication Year | 1991 |
| Total Pages | 268 |
| Language | Hindi |
| Classification | Book_Devnagari |
| File Size | 10 MB |