________________
सिरिकुम्मापुत्तचरिअं
विसयसुहं भुजंताण ताण सुवखेण वच्चए कालो । जह अ सुरिंदसईणं अह वा जह वम्महरईणं ॥१९॥ अन्न दिणे सा देवी निअसयणिज्जम्मि सुत्तजागरिआ । सुरभवणं मणहरणं पिच्छइ सुमिणम्मि अच्छरिअं ।।१००॥ जाए पभायसमए सणिज्जा उट्ठिऊण सा देवी । रायसमीवं पत्ता जपइ महुराहि वग्गूहि ।।१०१॥ अज्ज अहं सुरभवणं सुमिणम्मी पासिऊण पडिबुद्धा । एअस्स सुमिणगस्स य भविस्सई के फलविसेसे ॥१०२।। इअ सुणिअ हट्टतुट्ठो राया रोमंचअंचिअसरीरो। निअमइअणुसारेणं साहइ एआरिसं वयणं ।।१०३।। देवि तुम पडिपुन्ने नवमासे सड्ढसत्तदिणअहिए। बहुलक्खणगुणजुत्त पुत्त पाविहिसि जगनित्तं ॥१०४।। इअ नरवइणो वयणं सुणिऊणं हट्ठतुट्ठनिअहिअया। नरनाहअणुन्नाया सा जाया नियगिहं पत्ता ॥१०५॥ तत्य य कुमारजीवो देवाउं पालिऊण कुम्माए । उअरम्मि सुकयपुण्णो सरम्मि हंसु व्व अवइण्णो ॥१०६।। रयणेण रयणखाणी जहेव मुत्ताहलेण सुत्तिउडी। तह तेणं गब्भेणं सा सोहग्गं समुव्वहई ॥१०७।। गब्भस्सणुभावेणं धम्मागमसवणदोहलो तीसे । उप्पन्नो सुहपुण्णोदएण सोहग्गसम्पन्नो ॥१०८॥ तो तेणं नरवइणा छइंसणनाइणो नयरमज्झे । सद्दाविआ जणेहिं कुम्माए धम्मसवणकए ।।१०९।। व्हाया कायबलिकम्मा कयकोउयमंगलाइविहिधम्मा । निअपुत्थयसंजुत्ता संपत्ता रायभवर्णमि ॥१०॥ कयआसीसपदाणा नरवइणा दत्तमाणसंमाणा। भद्दासणोवविट्ठा नियनियधम्म पयासेति ॥१११।। इयरेसि दंसणीण य धम्मं हिंसाइसंजुयं सुणिउ । जिणधम्मरया देवी अईव खेयं समावन्ना ॥११२।।
Jain Educationa International
For Personal and Private Use Only
www.jainelibrary.org
