________________
प्राकृत भारतो तं चंदं दळूणं निअचित्ते चिंतए स वाणियओ। चिंतामणिस्स तेअं अहिअं अह वा मयंकस्स ॥८५॥ इअ चिंतिऊण चिंतारयणं निअकरतले गहेऊणं । नियदिठ्ठीइ निरक्खइ पुणो पुणो रयणमिदं य ॥८६॥ इअ अवलोअंतस्स य तस्स अभग्गेण करतलपएसा।। अइसकूमालमुरालं रयणं रयणायरे पडिअं ॥८॥ जलनिहिमज्झे पडिओ बहु बहु सोहंतएण तेणावि ।। किं कह वि लब्भइ मणी सिरोमणी सयलरयणाणं ।।८८॥ तह मणअत्त बहविहभवभमणसएहि कहकह वि लद्ध। खणमित्तेणं हारइ पमायभरपरवसा जीवो ।।८।। ते धन्ना कयपुन्ना जे जिणधम्म धरंति निअहियए । तेसिं चित्र मणुअत्त सहलं सलहिज्जए लोए ॥९०।। इअ देसणं सुणेउ सम्मत्तं जक्खिणीइ पडिवन्नं । कुमरेण य चारित्त गुरुयं गुरुयंतिए गहिरं ।।११।। थेराणं पयमूले चउदसपुवीमहिजइ कुमारो । दुक्करतवचरणपरो विहरइ अम्मापिऊहि समं ॥९२।। कुमरो अम्मापियरो तिन्नि वि ते पालिऊण चारित्त । महसुक्के सुरलोए अवइन्ना मंदिरविमाणे ॥९३।। सा जक्खिणी वि चइउ वेसालीए अ भमरभूवइणो।। भन्ना जाया कमला नामेणं सच्चसोलधरा ।।९४।। भमरनरिंदो कमलादेवी य दुवे वि गहियजिणध ।। अंतसुहज्झवसाया तत्थेव य सुरवरा जाया ॥९५।। इतश्चरायगिहं वरनयरं वरनयरंगंतमंदिरं अत्थि । धणधन्नाइसमिद्ध सुपसिद्ध सयललोगम्मि ॥१६॥ तत्थ य महिंदसिंहो राया सिंहु व्व अरिकरिविणासे । नामेण जस्स समरंगणम्मि भन्जइ सुहडकोडी ।।९७॥ तस्स य कुम्मादेवी देवी विअ रूवसंपया अस्थि । विणयविवेगवियारप्पमुहगुणाभरणपरिकलिया ॥९८॥
Jain Educationa International
For Personal and Private Use Only
www.jainelibrary.org
