________________
सिरिकुम्मापुत्तचरि
निअमायतायदंसणसमुल्लसंतप्पमोअभरभरिअं । केवलनाणिसगासे अमरी विणिवेसए कुमरं ॥७०॥ अह केवली वि सव्वेसि तेसिमुवगारकारणं कुणइ । धम्मस्स देसणं समयेऽमयरसंसारणीसरिसं ॥७१॥ जो भविओ मणुअभवं लहिउं घम्मप्पमायमायरइ।। सो लद्ध चितामणिरयणं रयणायरे गमइ ॥७२॥ एगम्मि नयरपवरे अस्थि कलाकुसलवाणिओ को वि । रयणपरिक्खागंथं गुरूण पासम्मि अब्भसइ ॥७३।। सोगंधियकक्केयणमरगयगोमयइंदनीलाणं जलकंतसूरकत यमसारगल्लंकफलिहाणं ॥७४।। इच्चाइयरयणाणं लक्खणगुणवण्णनामगुत्ताई। सव्वाणि सो विआणइ विअक्वणो मणिपरिक्खाए ॥७५।। अह अन्नया विचिंतइ सो वणिओ किमवरेहि रयणेहिं । चितामणी मणीणं सिरोमणी चितिअत्थकरो ।।७६।। तत्तो सो तस्स कए खणेइ खाणीओ णेगठाणेसुं । तह वि न पत्तो स मणी विविहेहि उवायकरणेहिं ॥७७।। केण वि भणि वच्चसु वहणे चडिऊण रयणदी। तत्थत्थि आसपूरी देवी तुह वंछियं दाही ।।७८।। सो तत्थ रयणदीवे संपत्तो इक्कवीसखवणेहिं । आराहइ तं देविं संतुठा सा इमं भणइ ॥७९॥ भो भद्द केण कज्जेण अज्ज आराहिआ तए अहयं । सो भणइ देवि चितामणीकए उज्जमो एसो ॥८॥ देवी भणेइ भो भो नत्थि तहं कम्ममेव सम्मकरं । जेणप्पंति सुरा वि अ धणाणि कम्माणुसारेणं ॥८१|| सं भणइ जइ मह कम्म हवेइ तो तुज्झ कीस सेवामि । तं मज्झ देसु रयणं पच्छा जं होउ तं होउ ॥८२।। दत्तं चितारयणं तो तीए तस्स रयणवणिअस्स । सो निअगिहगमणत्थं संतुठो वाहणे चडिओ ॥८३।। पोअपएसनिविठ्ठो वणिओ जा जलहिमज्झमायाओ। ताव य पुव्वदिसाए समुग्गओ पुण्णिमाचंदो ।।८४॥
Jain Educationa International
For Personal and Private Use Only
www.jainelibrary.org
