________________
प्राकृत भारतो
एयमवलोइऊणं सुरभवणं भुवणचित्तचुन्जकरं । अइविम्हयमावन्नो कुमरो इअ चितिउ लग्गो ॥२७॥ किं इंदजालमेअं एअं सुमिणम्मि दीसए अहवा । अहंय नियनयराओ इह भवणे केण आणीओ ॥२८॥ इय संदेहाकुलिअं कुमरं विनिवेसिऊण पल्लंके । विन्नवइ वंतरवहू सामिअ वयणं निसामेसु ॥२९॥ अन्ज मए अञ्जमए चिरेण कालेण नाह दिट्ठो सि । सुरभिवणे सुरभवणे निअकज्जे आणिओ सि तुमं ॥३०॥ अज्जं चिअ मज्झ मणोमगोरहो कप्पपायवो फलिओ । जं सुकयसुकयवसओ अज्ज तुमं मज्झ मिलिआसि ॥३१॥ इअ वयणं सोऊणं वयणं दळूण सुनयणं तीसे। पुव्वभवस्स सिणेहो तस्स मणम्मी समुल्लसिओ ॥३२॥ कत्थ वि एसा दिट्ठा पुत्वभवे परिचिआ य एअस्स । इय ऊहापोहवसा जाईसरणं समुप्पण्णं ॥३३॥ जाइसरणेण तेणं नाऊणं पुव्वजम्मवृत्तंतो।। कहिओ कुमरेणं निअपियाइ पुरओ समग्गो वि ॥३४॥ तत्तो नियसत्तीए असुभाणं पुग्गलाण अवहरणं । सुभपुग्गलपक्खेवं करिअ सुरी तस्सरीरम्मि ॥३५।। पुव्वभवंतरभज्जा लजाइ विमुत्तु भंजए भोगे । एवं विसयसुहाई दुन्नि वि विलसंति तत्थ ठिया ॥३६॥ अह तस्सम्मापियरो पुत्तविओगेण दुक्खिा निच्चं । सव्वत्थ वि सोहंति अ लहंति न हि सुद्धिमत्तं पि ॥३७।। देवेहि अवहरिशं नरेहि पाविज्जए कहं वत्थु । जेण नराण सुराणं सत्तीए अंतरं गरुअं ॥३८।। अह तेहि दुक्खिएहिं अम्मापियरेहि केवली पुटठो । भयवं कहेह अम्हं सो पुत्तो अत्थि कत्थ गओ ॥३९॥ तो केवली पयंपइ सुणेह सवणेहि सावहाणमणा । तुम्हाणं सो पुतो अवहरिओ वंतरीए अ॥४०।। ते केवलिवयणेणं अईव अरिअविम्हिआ जाया । साहंति कहं देवा अपवित्तनरं अवहरंति ॥४१॥
Jain Educationa International
For Personal and Private Use Only
www.jainelibrary.org
