________________
मुणिचंद-कहाणयं
[११] अहं पि पक्खालिऊण सरीरं पविट्ठो णिययमावासं । मुक्को पट्टसाडओ, ठिओ अत्थाइयामंडवे । गओ य कणगमतीभवणं । पयत्ता गोट्ठी । पढिया तीए पहेलिया । मए पढिया हियालिया
जइ सिक्खविओ सीसो जईण रयणीए जन्जइ ण गंतुं । त की (सो) स भणइ अज्जो ! मा कुप्पसु दो दि सरिसाइ ॥८।।
तीए भणियं-दिव्वणाणी खु सो । पुणो वि तीए पढिया हियालिया
जइ सा सहीहिं भणिया दइओ ते दोसमग्गणसयण्हो ।
ता कीस मुद्धडमुही अहिययरं गव्वमुव्वहइ ? ।।९।। मए भणियं-जेण वल्लह त्ति।
[१२] तओ अहं उटि ठऊण गओ णिययमावासं । कयमचियकरणिज्जं । अत्थमिए भुवणेक्कपदीवे दिणयरे पेसिया वयंसया । गया जाममेत्तरयणी। गहियं मए मंडलग्गं । माणुसचक्खूण अगोयरीभूयं रूवं काऊण गओ कणगमईभवणं । सा य ठिया धवलहरोवरिभूमियाए, पासेसु दुवे दासचेडओ चिट्ठन्ति, बाहिं पि जामइल्लगा। बीयभूमियाए एगदेसे ठिओ अहं । ताव य तीए भणिया एगा जणी-हले ! कित्तिया रयणी ? । तीए. भणियं-दुवे पहरा किंचण त्ति।
[१३] तओ तीए मग्गिओ ण्हाणसाडओ। पक्खालियं अंगं, लूहिअं पट्टसुएण । कओ अंगराओ। गहियं सविसेसमाभरणं । परिहियं पट्टसुयं । विउरुव्वियं विमाणं, आरूढाओ तिण्णि वि जणीओ। अहं पि एककोणम्मि समारूढो। गयं च उत्तरदिसाहुत्तं मणो व्व सिग्धं विमाणं । ओइण्णं च सरतीराए णंदणवणस्स मज्झयारदेसे। तत्थ य असोगवीहियाए हेट्रओ दिट्ठो मए विज्जाहरो। कणगमती य णीसरिऊण विमाणाओ गया तस्स समीवं, पणमिओ य। तेण भणियं उवविससु । थेववेलाए य अवराओ वि तिण्णि जणीओ तहेव समागयाओ। ताओ वि पणमिऊण तयणुमतीए उवविट्ठाओ। थेववेलाए य अण्णे वि आगया तत्थ विज्जाहरा । तेहिं च समागंतूण, पुवुत्तरदिसाभाए भगवओ उसहसामिणा चेइयहरं तत्थ गंतूण पुव्वं कयं उवलेवण-सम्मज्जणाइयं । गओ सो विज्जाहरो तत्थ । ताओ वि चत्तारि जणीओ गंतूण य तत्थ कीए वि वीणा, अण्णाए वेणू गहिओ, अवराए आढत्तं कायलीपहाणं गेयं । एवं च विहीए कयं भुवणगुरुणो मज्जणयं । विलित्तो गोसीसचंदणेण। आरोवियाणि कुसुमाणि । उग्गाहिओ धूओ । पपट्टियं पढें । विनाहरेण भणियं-अज्ज कीए वारओ ?। तओ उट्ठिया
Jain Educationa International
For Personal and Private Use Only
www.jainelibrary.org