Page Text
________________
५८
प्राकृत भारती तिण्णि वि जणा। जाव य अहं उत्तरदिसाए गहियमंडलग्गो चिट्ठामि ताव य बहिरंतो तियणं पलयब्भरसियाणकारी भरन्तो महिहरकुहराई समुच्छलिओ भूमिणिहाओ । सहसा समासण्णमेव विहडियं धरणिमंडलं । समुट्ठिओ सीहणायं मुयन्तो कालमेहो व्व कालो कुडिलकसिण केसो पुरिसो। तस्स य सीहणाएणं पडिया ते तिण्णि वि जणा दिसायाला । भणियं च तेणं-रे रे दिव्वंगणाकामुय ! सइवायरियाहम ! ण विण्णाओ अहं तए मेहणायाहिहाणो खेत्तपालो इह परिवसंतो? महं पूयमकाऊण मंतसिद्धि अहिलससि ? एसो संपयं चेव ण होसि, एसो वि तुमए वियारिओ रायउत्तो अणुहवउ सगीयस्स अविणयस्स फलं । तओ मए तं दठूण भणियं-रे रे परिसाहम ! किमेवं पलवसि ? जइ अत्थि ते पोरुसं ता किमेवं पलविएणं? अहिमहो समागच्छ जेण दंसेमि ते गजियस्स फलं ति, पुरिसस्स हि भुएसु वीरियं, ण सद्दददरे त्ति । तओ एसो अमरिसिओ वलिओ मज्झ सम्मुहं । अणाउहं च दण मए समुज्झियं मंडलग्गं । संजमीकयं परिहणयं सह केसपासेणं । पयट्ठ दोण्ड वि बाहुजुद्ध । लग्गा जुज्झिउ विविहकरणेहिं कत्तरिप्प-हारेहिं । एवं च जुज्झंताणं मए पाडिओ सो दुद्रुवाणमन्तरो। सत्तप्पहाणत्तणेण य वसोकओ। भणियं च तेणभो महापुरिस ! मुंचसु तुमं सिद्धो हं तुह इमीए महासत्तयाए, ता भण किं तुह कीरइ ? त्ति, मए भणियं-जं एस जडहारी समीहइ तं तुम कुणसु जइ सिद्धो । तेण भणियं-एयस्स तुहावटुंभसिद्धमन्तस्स सइ चेव सिद्ध सव्वं तुह पुण किं कीरउ ? त्ति । मए भणियं-मज्झ एत्तिएण पओयणं जमेयस्स सिद्धि त्ति, तहा वि जइ सा मम भज्जा कह वि वसत्तणं महं णिजउत्ति। तेण उवओगं दाऊण भणियं-भविस्सइ सा तुहं कामरूवित्तणपसाएण तुमं पुण मज्झाणुहावेण कामरूवी भविस्ससि । दाऊण वरं गओ वेयालो। __ [१०] इयरेण सिद्धमन्तेण भणियं-"महाभाग ! तुहाणुहावेण सिद्धो मंतो, सम्पन्नं समोहियं, जाया दिव्वदिट्ठी, उल्लसियं अमाणुसोच्चियं वीरियं, समुप्पण्णा अण्ण च्चिय देहप्पहा, ता कि भणामि तुम ? को सुविणे वि तुमं मोत्तृण अण्णो एवंविहं मग्गं परोक्यारेक्करसियं पडिवज्जइ ? अहं तुम्ह गुणेहि उवकरणीकओ ण सक्कुणोमि भासिउ 'गच्छामि' त्ति सकजणिठुरया, 'परोवयारतप्परो सि' त्ति अत्थेणं चेव दिट्ठस्स पुणरुत्तं, 'तुम्हायत्तं जीवियं' ति ण णेहभावोचियं, 'बंधवो सि' त्ति दूरीकरणं 'णिक्कारणं परोवयारित्तणं' ति अणुवाओ कयग्घालावेसु, 'संभरणीओ अहं' ति आणत्तियादाणं" । एवमादि भणिऊण गओ भइरवायरिओ सह तेहिं सीसेहि।
Jain Educationa International
For Personal and Private Use Only
www.jainelibrary.org
| SR No. | 003808 |
| Book Title | Prakrit Bharti |
| Original Sutra Author | N/A |
| Author | Prem Suman Jain |
| Publisher | Agam Ahimsa Samta Evam Prakrit Samsthan |
| Publication Year | 1991 |
| Total Pages | 268 |
| Language | Hindi |
| Classification | Book_Devnagari |
| File Size | 10 MB |