Page Text
________________
मुणिचंद-कहाणयं विणा ण लोगजत्ता संपज्जइ त्ति । एवमायण्णिऊण भणियं मए-भयवं ! किं तुम्ह लोगजत्ताए पओयणं ?, तुम्हासीसाए चेव अत्थित्तं लोयस्स । पुणो भणियं जडहारिणा-महाभाय !
गुरुयणपूया पेम्म भत्ती सम्माणसंभवो विणओ। दाणेण विणा ण हु णिव्वडंति सच्छम्मि वि जणम्मि ॥६॥ दाणं दविणेण विणा ण होइ, दविणं च धम्मरहियाणं ।
धम्मो विणयविहूणाण, माणजुत्ताण विणओ वि ॥७॥ [७ ] एयमायण्णिऊण भणियं मए-भयवं! एवमेवेयं, किंतु तुम्हारिसाणं अवलोयणं चेव दाणं, आएसो चेव सम्माणं, ता आइसंतु भयवन्तो किं मए कायव्वं ? ति । भणियं भइरवायरिएण-महाभाग ! तुम्हारिसाणं परोवयारकरणतल्लिच्छाणं अत्थिजणदंसणं मणोरहपूरणं ति, ता अत्थि मे बहूणि य दिवसाणि कयपुव्वसेवस्स मन्तस्स, तस्स सिद्धी तुमए आयत्ता, जइ एगदिवसं महाभागो समत्तविग्घपडिघायहेउत्तणं पडिवज्जइ तओ महं सफलो अट्ठवरिसमंतजावपरिस्समो होइ त्ति । तओ मए भणियं-भयवं ! अणुग्गहिओ इमिणाएसेणं ति, ता कि मए कहिं वा दिवसे कायव्वं ? ति आइसंतु भयवन्तो। तथणंतर मेव भणियं जडहारिणा जहा-महाभाग ! इमीए किण्हचउद्दसीए तए मंडलग्गवावडकरेण णयरुत्तरबाहिरियाए एगागिणा मसाणदेसे जामिणीए समइक्कते जाम समागन्तव्वं ति, तत्थाहं तिहिं जणेहिं समेओ चिट्ठिस्सामि त्ति । तओ मए भणियं-एवं करेमि । . [८] तओ अइक्कतेसु दिवसेसु समागया जामिणी चउद्दसीए । अत्थंगयम्मि भूयणेक्कलोयणे दिणयरे उत्थरिए तिमिरप्पसरे मया विसजियासेससेवयेणं 'सिरो महं दुक्खइ' त्ति पेसिया वयंसया । तओ एगागी पविट्ठो सोवणयं । परिहिओ पट्टजुगस्स पट्टो । गहियं मंडलग्गं । णिग्गओ णयराओ परियणं वंचिरूण एगागी । दिलो य मए भइरवायरिओ मसाणभूमीए, अहं पि तेहिं । भणिओ य अहं जडहारिणा-महाभाग ! एत्थ भविस्सन्ति बिभीसियाओ, ता तए इमे तिण्णि वि रक्खियव्वा अहं च, तुज्झ पुण जम्मप्पभिइ अविण्णायभयसरूवस्स किमुच्चइ ? त्ति, ता तुहाणुवेण करेमि अहं साहणं ति । तओ मए भणियं-भयवं! वीसत्थो कूण, को तुह सीसवालं पि णामेउ समत्यो ! त्ति । एयमायण्णिऊण गहियं मडयं, जालिओ तस्स मुहे अग्गी । पत्थुयं मंतजावपुव्वं होमं । - [९] तओ आरडन्ति सिवाओ, किलिकिलन्ति वेयालगणा, हिंडंति महाडाइणीओ, उटुंति महाबिभीसियाओ, सरइ मन्तजावो, ण खुब्भन्ति
Jain Educationa International
For Personal and Private Use Only
www.jainelibrary.org
| SR No. | 003808 |
| Book Title | Prakrit Bharti |
| Original Sutra Author | N/A |
| Author | Prem Suman Jain |
| Publisher | Agam Ahimsa Samta Evam Prakrit Samsthan |
| Publication Year | 1991 |
| Total Pages | 268 |
| Language | Hindi |
| Classification | Book_Devnagari |
| File Size | 10 MB |