Page Text
________________
प्राकृत भारती __ [४] तओ मए चितियं-केण उण उवाएण इमीए अभिप्पाओ णज्जिही ? । एवं चिंतावरो रयणीए सुत्तो । दिट्ठो य रयणीय चरिमजामम्मि सुविणो जहा-“गहिथकुसुममाला एगा इत्थिया मह समीवे आगया। तीए आगंतूण भणियं जहा-गिण्ह एयं कुसुममालं बहुणि दिवसाणि तुह इमीए संकप्पियाए” त्ति । तओ अहं कुसुममालं गेण्हतो चेव विउद्धो । कयं मए उचियकरणिज्जं । उवविठो अत्थाइयामंडवे । चितियं च मएसंपण्णं सभीहियं ति।
[५] ताव व पडिहारेण जाणावियं जहा-देव ! एगो परिव्वायगो दारे चिट्ठति, भणइ य 'अहं भइरवायरिएण पेसिओ रायपुत्तस्स दसणणिमित्तं' ति । एवमायण्णिऊण भणियं मए-लह पवेसय । तओ पडिहारेण पेसिओ। दिट्ठो य सो मए दीहचिविडणासो ईसीसिरत्तवट्टलोयणो थलतिकोणत्तिमंगो समय दीहदसणो लंबोयरो दीहसण्हजंघो सिराउलसंवलियसव्वा वयवो। पगमिओ य सो भए । दाऊण आसीसं उवविट्ठो णियए कट ठासणे । भणियं च तेण-रायउत्त ! भइरवायरिएण अहं पेसिओ तुम्ह समीठं । [भए भणियं-] कहिं पुण भगवन्तो चिट्ठन्ति ?। तेण भणियं--णयरस्स बाहिरियाए। मए भणियं-अम्हं ते दूरत्था वि हु गुरवो, ता सोहणं भयवंतेहिं अणुट्ठियं जमिहागय त्ति, वच्चह तुब्भे सुए दच्छामि । त्ति भणिऊण विसज्जिओ परिव्वायओ, गओ य ।।
[६] बीयदिवसे पच्चूसे कयसयलकरणिज्जो गओ भइरवायरियदंसणत्थं उज्जाणं । दिट्ठो य वग्घकत्तीए उवविट्ठो भइरवायरिओ । अब्भुट्टिओ य अहं तेणं । पडिओ य अहं चलणेसु । आसीसं दाऊण मियकत्ति दंसिऊण भणियं तेण जहा-उवविससु त्ति। मए भणियंभयवं ! ण जुत्तमेवं अवरणरवतिसमाणत्तणेण मं खलीकाउ, अवि य ण तुम्ह एस दोसो, एस इमीए एवंविहणरवइसयसेवियाए रायलच्छीए दोसो त्ति, जेण भयवन्तो वि सीसजणे ममम्मि णियआसणप्पयाणेणं एवं ववहरन्ति भयवं ! तुम्हे मज्झ दूरट्टिया वि गुरवो, अहं पुण णिययपुरिसुत्तरीए उवविद्रो । थेववेलाए भणिउमाढत्तो भयवं ! कयत्थो सो देसो णयरं गाम पएसोवा जत्थ तुम्हारिसा पसंगेणावि आगच्छन्ति किमंगपुण उद्दिसिउति, ता अणुग्गहिओ अहं तुम्हागमणेणं । जडहारिणा भणियं-णिरीहा वि गुणसंदाणिया कुणंति पक्खवायं भइयजणे, ता को ण तुम्ह गुणेहिं समागरिसिओ ? त्ति, अवि य तम्हारिसाण वि समागयाणं णिकिंचणो अम्हारिसो किं कुणउ ?, ण हु मया जम्मप्पभिति परिग्गहो कओ, दविणजाएण य
Jain Educationa International
For Personal and Private Use Only
www.jainelibrary.org
| SR No. | 003808 |
| Book Title | Prakrit Bharti |
| Original Sutra Author | N/A |
| Author | Prem Suman Jain |
| Publisher | Agam Ahimsa Samta Evam Prakrit Samsthan |
| Publication Year | 1991 |
| Total Pages | 268 |
| Language | Hindi |
| Classification | Book_Devnagari |
| File Size | 10 MB |