Page Text
________________
आरामसोहाकहा राया कसाहिं ताडिउं पउत्तो, ताव विन्नतो चलणेसु निवडिऊण सहावसरलाए आरामसोहाए
जइ मह उवरि पसायं करेसि ता सामि ! मुंच मे भइणि । करिय दयं हियदइयं एवं पुव्वं व पिक्खेसु ॥ १८॥ रायावि भणइ जइविहु एयाए देवि ! दुठ्ठचित्ताए। ठावणयंपि न जुत्तं वयणं तुह तहवि दुल्लंघं ॥ १९ ।। मोयाविया य तीए नियपासे ठाविया य भइणि त्ति। पच्चक्खं सज्जणदुज्जणाण परिपिच्छह विसेसं ॥ २० ॥
[४३ ] तओ पलयानलं व पज्जलतेण राइणा नियपूरिसा हक्कारिऊण समाइट्ठा--रे रे दुवालस वि गामे हरिऊण अग्गिसम्म माहणं तस्स माहणि च कण्णनासऊडे छिदिऊण मज्झ देसाओ निवासेह, एयं रायवयणं वज्जग्गिफुल्लिगउग्गं सोऊण आरामसोहा भतुणो चलणेसु निवडिऊण विन्नवेइ--
जइ कहवि डसइ भसणो पुणो वि किं कोवि खाइ तं सुयणो। इय मुणिय नाह! मुचसु मह जणए करिय मइ पणयं ॥ २१॥
[ ४४ ] एवं देवीए भणिओ रायावि तच्चित्तखेयपणोयणत्थं तेसिं पुव्वं व गामे देइ, तओ तेसिं विसयसुहमणुहवंताणं सुहंसुहेण वच्चइ कालो।
[ ४५ ] एगया परुप्परं धम्मवियारं कुणंताणं एरिसो संलावो संवुत्तो आरामसोहाए-'पिययम ! पुस्विमहं दुक्खिया होऊण पच्छा सुहभायणं जाया, ता मन्ने कस्सवि कम्मस्स एस परिणामो । एयमत्थं च पुच्छामि जइ कोवि नाणी एइ।'
[४६ ] एवं सलवतीए तोए उज्जाणपालओ आगंतूण पणामपुव्वं नरवरं विन्नवेइ-'देव ! नंदणुज्जाणे करकलियमुत्ताहलमिव सयलभावे वियाणमाणो पंचसयसाहुपरियरिओ सिरिवीरचंदसूरी समोसरिओ।' तं सुणिय हरिसभरुभिन्नरोमंचो राया तस्स पीइदाणं दाऊण विसज्जेइ । तओ रण्णा भणियं-'पिए ! उठेसु, संपुण्णो ते मणोरहो, जं अज्जेवागओ महप्पा ।' तओ राया आरामसोहासहिओ सयललोयपरियरिओ य उज्जाणे गंतण तिपयाहिणापुव्वं मुणिदं पणमिय जहोच्चियट्ठाणे उवविट्ठो! भगवयावि पारद्धा देसणा
अणोरपारे संसारे भमंतो वि जणो सया । पावाओ दुक्खरिछोलि लहंते धम्मओ सुहं ॥ २२ ॥
Jain Educationa International
For Personal and Private Use Only
www.jainelibrary.org
| SR No. | 003808 |
| Book Title | Prakrit Bharti |
| Original Sutra Author | N/A |
| Author | Prem Suman Jain |
| Publisher | Agam Ahimsa Samta Evam Prakrit Samsthan |
| Publication Year | 1991 |
| Total Pages | 268 |
| Language | Hindi |
| Classification | Book_Devnagari |
| File Size | 10 MB |