Prakrit Bharti

SR No.: 003808
Original Sutra Author: N/A
Author: Prem Suman Jain
Publisher: Agam Ahimsa Samta Evam Prakrit Samsthan
Publication Year: 1991
Total Pages: 268
Language: Hindi
Classification: Book_Devnagari
File Size: 10 MB

Page 56

आरामसोहाकहा
[१७] अमच्चेण भणियं-'तुम्हं जइ का वि कन्नगा अत्थि, ता दिज्जउ अम्ह सामिणो ।' तेणावि "दिन्न' ।त्त पडिस्सुयं, जं अम्ह जीवियमवि देवस्स संतियं किं पुण कन्नग त्ति ?' तओ अमच्चेण भणियं-'तुम पायमवधारेसू देवस्स पासे ।' सोवि य रायसमीवं गंतण दिन्नासीवयणो, मंतिणा बाहरियं वुत्तं, तो रण्णा सहत्थदिन्नासणे उवविट्ठो, भूवइणा वि कालविलंबमसहमाणेण गंधव्वविवाहेण सा परिणीया। पुविल्लयं नामं 'परावत्तिऊण 'आरामसोह' ति तोए नाम कयं । माहणस्स वि दुवालस
गामे दाऊण पणइणि चारामसोहं हत्थिखंध आरोविऊण सनयरं पइ 'पत्थिओ पत्थिवो पमोयमुव्वहंतो
कप्पलइव्व इमीए लंभेण निवो कयत्थमप्पाणं । मन्नइ अहवा वंछियलाहाओ को न तसेइ ? ॥१२॥ सिंगारतरंगतरंगिणीइ दिव्वाणुभाव कलियाए ।
कि चुज्ज भवइणो हरियं हिययं तया तोए ॥१३॥ [१८] तओ मंचाइमंचक्रलियं निवेसियकालागुरुकु दुरुक्कतुरुक्क'धूवमघमघंतघडियं उब्भामियधयवडालोयं उल्लासियवंदणमालं तियचउक्कचच्चरचउम्मुहपट्टियअउव्वनाडयं बहुठाणठवियपुण्णकलसं वणिज्जतो आरामसोहाइसयसहयसमचुज्जविलोयणुप्फल्लविलोयणनलिणेहिं नरनारीगणेहिं, पणइणीकलिओ पाडलिपुरं पविट्ठो महाविभूइए महाराओ। सावि पूढो पासाए ठाविया, आरामो वि तोए पासायमावरिय समंतओ ठिओ 'दिव्वाणभावेण । राया वि परिहरियासेसवावारो तोइ समं भोए भुजंतो दोगुदुगसुरेवि अवमन्नंतो निमेसमित्तं व कालमवक्कमइ ।
[१९] इओ य आरामसोहा-सवक्किमायाए धूया जाया, कमेण जुव्वणमणुपत्ता, तं तहावत्थं दळूण दृट्ठा तज्जणणी एवं चितेइ-'जइ केणावि पओएण आरामसोहा मरइ, ता राया तोइ गुणक्खित्तचित्तो मम “त्तिमेयं परिणेइ । तओ य मम मणोरहभूरुहो सहलो होइ' त्ति परिभाविऊण तोए नियदइओ वाहरिओ-'नाह ! वच्छाए परिणीयाए बहकालो वइक्कतो, अओ तोसे कए किंपि भक्खभुज्जाइयं पेसिउ जुज्जइ, एसावि 'पिउहरपाहुडेण मणो रंजिज्जइ।'
[२०] तओ भद्रेण भणियं-'पिए ! तीए न किंपि ऊणय. परमहमेयं 'वियाणेमि जं कप्पदुमस्स बोरकरीराइ फलपेसणं, वइरागरसस्स कायखंडमंडणं, मेरुस्स सिलायलेहि दिढयरणं, पज्जोयणस्स खज्जोयपोयउवमाणकरणमणुचियं होइ। तहा तीए अम्हाण पाहुडपेसणं, परमेस विसेसो