Page Text
________________
· ४६
प्राकृत भारती
माइसइ । नियासणं च चारुचूयतरुतले ठाविय सयमुवविसइ । सिन्नंपि : तस्स चउद्दिसिपि आवासेइ | अविइ
तरलतरंगवलच्छा बज्यंति समंतओ य तरुमूले । कविकालं विज्जति पल्लाणज्जुया य साहासु ॥९॥ बज्झति निविडथुडपायवेसु मयमत्तदतिपंतीओ | सहकर हाइवाहण परंपराओ ठविज्जति ॥ १० ॥
[१४] तम्मिय समए सिन्नकोलाहलेण विज्जुपहा विगयनिद्दा समाजी उट्ठिऊण करहाइपलोयणुत्तट्ठाओ गावीओ दूरंगयाओ पलोइय तासि चालणट्ठा तुरियतुरियं रायाइलोयस्स पिक्खंतस्सवि पहाविया । तीए - समं च करभतुरियाइसमेओ आरामोवि पत्थिओ । तओ ससंभंतो राया सपरियणा उट्ठिओ, अहो किमेयमच्छरियं ति पुच्छर मंति, सोवि जोडियकरसंysो रायं विन्नवेइ - 'देव ! अहमेवं वियक्केमि, जइओ परसाओ विगयनिद्दामुद्दा उठिऊण करसंपुडेणं नयणे चमहंती उट्ठित्ता पहाविया • एसा बाला । इमीए सद्धि आरामोवि, ता माहप्पमेयमेईए चेव संभाविज्जइ । एसा देवगणा वि न संभाविज्जइ, निमेसुम्मेसभावेण नूणमेसा • माणुसी ।'
[१५] तओ रण्णा वृत्तं - 'मंतिराय ! एयं मे समीवमाणेह ।' मन्ति- णाविधाविऊण सद्दो कओ । सावि तस्सद्दस्सवणेण आरामसहिया तत्थेव ठिया । तओ 'एहि' त्ति मंतिणा वृत्ता । सा पडिभणइ - ' मम गावीओ दूरं गयाओ ।' तओ मंतिणा नियअस्सवारे पेसिऊण आणावियाओ गावीओ । सावि आरामकलिया रायसयासमाणीया । राया वि तीए सव्वमवि चंगमंगमवलोइय 'कुमारि' त्ति निच्छीय साणुराओ मंतिसंमुह. मवलोएइ । तेणावि रण्णो मणोभिप्पायं नाऊण वज्जरिया । 'विज्जुपहा ! - नमिरन रेसर से हर अमंदमय रंदवा सियकमग्गं । रज्जसिरिइ सव्वक्की होऊण इमं वरं वरसु || ११ ||
[१६] तओ तीस साहियं - 'नाहं सवसा किंतु जणणिजणयाणमायत्ता ।' तओ मंतिणा उत्तं- ' को ते पिया ? कत्थ वसइ ?' तीए वि संलत्तंइत्थेव गामे अगिसम्मो माहणो परिवसइ ।' तओ मंति तत्थ गमणाय रणा आइट्ठो । सोवि गामे गंतूण तस्स घरे पविट्ठो । तेणावि सागयवयणपुरस्सरं आस निवेसिऊण भणिओ - 'जं करणिज्जं तं मे पसीय - आइसह ।'
Jain Educationa International
For Personal and Private Use Only
-
www.jainelibrary.org
| SR No. | 003808 |
| Book Title | Prakrit Bharti |
| Original Sutra Author | N/A |
| Author | Prem Suman Jain |
| Publisher | Agam Ahimsa Samta Evam Prakrit Samsthan |
| Publication Year | 1991 |
| Total Pages | 268 |
| Language | Hindi |
| Classification | Book_Devnagari |
| File Size | 10 MB |