________________
प्राकृत भारतो दोसेण दुगंछाए समाहिगत्तस्स मुणिवरिंदस्स । धणवइणो कमलसिरी सहसच्चिय अप्पिया जाया ॥२९॥ भणिया सा धणवइणा मा पुरओ ठासु मज्झ नयणाणं । अचिरेणं चिय बच्चसु नियपिउगेहम्मि किं बहुणा ॥३०॥ कमलसिरीए भणियं नाह ! म जंपेसु एरिसं वयणं । निक्कारणरोसणयं डिभाण वि जेण हसणीयं ॥३१॥ गहिऊण तओ कंठे निस्सारइ निययगेहदाराओ। एगागिणी रुयंती कमलसिरी सो दढं कूविओ ॥३२॥ नायं ताओ अणाए रुट्रो नियमेण एस मह अज्ज।। एयारिसं अणेणं कइया वि न चिट्ठियं जेण ॥३३।। तत्थेव य वरनयरे पिउगेहे सा गया सुविच्छाया । दटुं च तइं इंति पिउलोओ दुक्खिओ जाओ ॥३४॥ रुयमाणि संठविसं पुच्छंति य कारणं च आगमणे । सा वि हु साहइ तेसिं सव्वं पि य भत्तु णो चरियं ॥३५।। एत्थंतरम्मि पत्तो भविस्सदत्तो वि णायवुतंतो । कमलसिरीए भणिओ पुत्त ! न जुत्त कयं तुमए ॥३६।। तुह पिउगा पुत्त ! अहं केण वि दोसेण जइ विनिच्छूढा । तह वि हु तुह तं गेहं मोत्तृण न जुज्जए कह वि ॥३७॥ जंपइ भक्स्सिदत्तो न हु जुत्त अंबि ! एरिसं वयणं । जणणाविरहे जम्हा जणओ खलु पित्तिओ होइ ।।३८।। तत्थेव य अच्छंतो वाणिज्जं चेव कुणइ सो कुमरो। सव्वकलासु वि कुसलो सव्वाण वि तोस-संज जणओ ॥३९।। तत्थेव य वरदत्तो तस्स य घरिणी मणोरमा नाम । ताण य नागसरूवा धूया वररूवसंपन्ना ॥४०॥ सा परिणीया पच्छा धणवइणा मग्गिऊण वरदत्त । तीसे जाओ पुत्तो नामेण बंधुदत्तो त्ति ॥४१।। कालेणं संपत्तो तारुन्नं जाव रम्मयं सूठ्ठ ।। ताव क्यंसेहिं इमो भणिओ काऊण एगते ॥४२।। जो तरुणत्ते दव्वं विढवेइ न नियबलेण केणावि । सो विद्धत्तं सोयइ कज्जेसु विसूरमाणेसु ॥४३।।
Jain Educationa International
For Personal and Private Use Only
www.jainelibrary.org
