Prakrit Bharti

SR No.: 003808
Original Sutra Author: N/A
Author: Prem Suman Jain
Publisher: Agam Ahimsa Samta Evam Prakrit Samsthan
Publication Year: 1991
Total Pages: 268
Language: Hindi
Classification: Book_Devnagari
File Size: 10 MB

Page 44

कंसवहो
अवच्च-जुग्गे चिरमक्खदे वि दे सहति जं णो पिदरा णिअंतणं । सरीरिणो ता दुरवच्च-लंभदो वदंति सच्चं णिरवच्चदा वरं ॥१२॥ कहं परिच्चेमु सरीर-पोसए इमे वि मादा-पिदरे व वच्छले । जअम्मि जे कोइल-रीइ-गामिणो ण दे जुउच्छंति कहं महाअणा ॥१३।। कअं खु जं वा कहिदेण भूरिणा किणो भगेज्जाअम-कालणं भवं । इदं वदंतो विरमेइ माहवो भणंति भव्वा हि जणा मिदक्खरं ॥१४॥ विसुद्ध-सीलेण विणम्म-मोलिणा स कंस-दूएण कहिज्जए हरी । तुह व्व साहिट्ठ-जहिट्ट-दंसणं विसिट्टमम्हाअमण-प्पओअणं ॥१५॥ णिरत्थ-संगा णिअमंत-पंथआ जमादि-जोअब्भसणुब्भड-स्समा । चिरं विइण्णंति तवोहणा वि जं स दिट्ठिए मज्झ सि दिट्ठि-गोअरो॥१६॥ जिअं जिअं मे णअणेहि जेहि दे सुजाअ-संदेर-गणेक्क-मंदिरं। पसण्ण-पुण्णामअ-मोह-सच्छहं मुहं पहासुज्जलमज्ज पिज्जए ।॥१७॥ णिसिज्झए माहव माउलेण दे विअंभमाणेण व पावरासिणा। इमस्स पच्चक्ख-णिरिक्खणूसवो मुहस्सं जं वा विहिवामदा खु सा ॥१८॥ ममम्मि तुटुं विहिणा णु संपअं महं मह च्चेअ णु पुण्ण-संभवो । जमज्ज तेण च्चिअ भोअ-राइणा विसज्जिओ हं तुइ कज्ज-गोरवा ॥१९॥ सुणाहि तासेण सआ समाउलो जमीहए माहव दे स माउलो। स वंचिउ वंछइ तं पि संपअं जअस्स जो देसि खु के पि संपअं ॥२०॥ पलंब-बाहुस्स वहस्स जस्स दे पलंब-केसि-प्पमुहा ण पारिआ। तमप्पणा संपइ संपमद्दि तम-प्पहाणो स हि सण्णहेइ हि ॥२१॥ धराहिणाओ धणुहसव-च्छला खलो तिलोईवइ हिंसि तुम।। समं समारंभइ कुभि-राइणा समं च मल्लेहि स मंचमाठिओ ॥२२॥ रहम्मि हक्कारिअ राअ-पंसणो भणीअ मं कि पि स तं पि सुव्वउ। अमंदमक्करअ वच्च गोउलं भणेहि बाले वि अ राम-केसवे ॥२३॥ चअत्थि भोआहिव-बाहु-पालिए सरास-जण्णो महुरा-महाघरे। तमिक्खिउ वो जइ कि पि कोदुअं तदो समाअच्छह पेच्छहसवं ॥२४॥ स गंदगोवो वि स-मित्त-बंधवो जवा समावच्चउ भज्झ मंदिरं ।। अतुच्छओ तुज्झण विक्खणाअरो मह त्ति तेण च्चिअ सव्वमीरिअं ॥२५।। इमस्स कज्जस्स सरीरमेरिसं जहिं खु पाणाअइ विप्पलंभणं । ण वच्च वा णंदअ वच्च वा नुवं विही-णिसेहो वि ण दूअ-कत्तओ ।।२६।।