Prakrit Bharti

SR No.: 003808
Original Sutra Author: N/A
Author: Prem Suman Jain
Publisher: Agam Ahimsa Samta Evam Prakrit Samsthan
Publication Year: 1991
Total Pages: 268
Language: Hindi
Classification: Book_Devnagari
File Size: 10 MB

Page 134

कहाणय अट्ठगं
किमेयमच्छेरयं ?" तोए वुत्तं-“देव, मह सिद्धा चिटुंति चत्तारि जवखा ते सव्वं संपाडियंति ।" रन्ना वुत्तं-"समप्पेहि मे जक्खे।" तीए वुत्तं"देव, गिण्हेसु ।" तुट्ठो राया गओ नियावासं ।
[ २० ] तीए वि ते चच्चिया चंदणेण, अच्चिया कुसुमेहि, चउसु चुल्लग्गेसु चत्तारि वि खित्ता, सगडेसु आरोविऊण वज्जतेहि नीया रायभवणं संझाए । 'पभाए य अज्ज जक्खा भोयणाई दाहिति' त्ति निवारिया रन्ना सयाराइणो । भोयण-समए सयं कुसुमाईहिं पूइऊण चुल्लगाइ भणियं 'रसवई होउं चुल्लगगएहिं वुत्तं-‘एवं होउ' ति जाव न कि पि होइ, रन्ना विलक्खवयणेण उग्घाडियाई चुल्लगाई। दिट्ठा छुहा-सुसियत्तणेण पणट्ठ-मंससोणिया फुडोवलखिज्जमाण अट्ठिसंचया पयड-दीसंत-नसाजाला गिरि-कंदर-सोयरोयरा खाम-कवीला मिलाण-लोयणा असंसत्तसीय-वायत्तणेण विच्छाय-कायच्छविणो विसन्नचित्ता पयाव-चत्ता-चत्तारि जणा। 'अहो, न हति एए जक्खा, किं तु रक्खस' त्ति भणंतो भणिओ अणेहिं राया--"देव, न जक्खा न रक्खसा अम्हे, किन्तु कामंकुराइणो तुह वयंसव" त्ति जंपंता पडिया पाएसु ।
[२१ ] रन्ना वि सम्मं निरुवंतेण उवलक्खिऊण भणिया स-विम्हयं'भद्दा, कहं तुम्हाणमेरिसी अवस्था जाया ?' तेहिं पि कहिओ जहावित्तो वुत्तंतो । हक्कारिऊण रन्ना-"अहो, ते बुद्धि-कोसल्लं, अहो, ते सीलपालण-पयत्तो, अहो, ते उभय-लोय-भयालोयण-प्पहापयत्ति सलाहिया सीलमई । वुत्तं च 'अमिलाण-कुसुममाला-दंसणेण पयर्ड पि ते सील-माहप्पं असदहतेण मए चेव इमे पछविया। ता न कायव्वो कोवो त्ति खमाविया। तीए वि धम्म कहिऊण पडिबोहिओ राया। राय-नम्म-सचिवा य कराविया सव्वे पर-दार-निविति । रन्ना य सक्कारिया सीलमई । गया. सट्ठाणं ।
[२२] अन्नया आगओ गंध-गओ व्व कलहेहिं परिगओ समणेहिं चउनाणी दमघोसो आयरियो । गओ तस्स वंदणत्थ समं सीलमईऐ अजियसेणो । वंदिऊण गुरुं निविट्ठो पुरओ।
[ २३ ] भणिया गुरुणा सीलमई-“भद्दे, धन्ना तुम पुव्व-भवब्भासाओ चेव ते सोल-परिपालण-पयत्तो ।" मंतिणा वुत्तं-"भयवं, कहमेयं ति? वागरियं गुरुणा-"कुसुमउरे नयरे कूसलाणुट्ठाण-लालसो पावकम्म-करणालसो सुलसो सावओ । तस्स सुजसा भज्जा । ताण घरे पयइभद्दओ दुग्गओ कम्मयरो। दुग्गिला से घरिणि । कयाइ सुजसाए समं