Prakrit Bharti

SR No.: 003808
Original Sutra Author: N/A
Author: Prem Suman Jain
Publisher: Agam Ahimsa Samta Evam Prakrit Samsthan
Publication Year: 1991
Total Pages: 268
Language: Hindi
Classification: Book_Devnagari
File Size: 10 MB

Page 128

कहाण अट्ठगं
कि सीलं परिपालिही पसविही किं पुत्तमेवं धुवं चिता मुत्तिमई पिऊण भवणे संवट्टए कन्नगा ||५||
[ ३ ] एसाय सरीर-सुंदरिम- दलिय - देव- रमणी-मडप्पा अणण्ण-गुणसोहिया हिाहिए - विचार - कुसला, सलाहणिज्ज - सीला, सीलमइ त्ति गुणनिप्पन्ननामा बालत्तणओ वि पुव्व-कय-सुकय-वसेण सउणरुय पज्जंताहि कलाहिं सहीहि व पडिवन्ना । इमीए अणुरूवं वरं अलहंतस्स मे अच्चंतं चिता । अओ मए एसा विचितत्ति वृत्ता" । मए भणियं - "सिट्ठि मा संतप्प, अत्थि नंदणपुरे रयणायर सिट्टिणो विसिट्ठरूवाइ- गुणो पुत्तो अजियो सो तुह आए अणुरूवो वरोति ।"
११९
[ ४ ] जिणदत्तेण वृत्तं - "भद्द, तुमए मे महंत चिंता समुद्द-मग्गस वरवरोवएस-बोहित्थेण नित्थारो कओ" त्ति भणिऊण तेण अजियसेणस्स सीलमई दाउ' पेसिओ जिणसेहरो निय-पुत्तो मए समं । सो इहागओ चिट्ठइ । ता जहा जुत्तमाइसउ सिट्ठी ।" "जुत्तं कथं तुमए" त्ति भणिऊण हक्काराविओ जिणसेहरो सिट्ठिणा । सगोरवं दिन्ना तेण अजियसेणस्स सीलमई । अजियसेणेणावि तेणेव सह गंतूण कयंगलाए परिणीया सीलमई । धेत्तूण तं आगओ स-नयरं अजियसेणो । भुजए भोए ।
[ ५ ] अन्नया मज्झ-रत्ते घडं घित्तूण गिहाओ निग्गया सोलमई । कित्तियवेलाए आगया दिट्ठा ससुरेण । चितियं नूणं एसा कुसील ति गोसे गहिणी- समवख वृत्तो पत्तो - "वत्थ ! तुहेसा धरिणो कुसीला, जओ अज्ज मज्झरते निग्गंतूण कत्थवि गया असि, ता एसा न जुज्जइ गिहे धरिजं ।"
जओ
घण-रस-वसओ उम्मग्ग- गामिणी - भग्ग-गुण-दुमा कलुसा । महिला दो वि कुलाई कूलाई नइ व पाडे || ६ ||
[६] ता पराणेमि एयं पिइ हरं । पुत्तेण वृत्तं -- " ताय ! जं जुत्तं तं करेसु ।" भणिया बहुया - " भद्दे ! आगओ 'सीलवई सिग्घं पेसिज्जसु ' त्ति तुह जणयसंदेसओ । ता चलसु, जेण तुमं सयं पराणेमि ।" सावि रयणि निग्गमणेण ममं कुसीलं संकमाणो एवमाइसउ ससुरो, पिच्छामि ताव एवं पि' त्ति चितिऊण चलिया रहारूढेण सिट्ठिणा समं । वच्चंतो सेट्ठी पत्तो नहं । सेट्ठिणा वृत्ता - " बहू-पाणहाओ मुत्तूण नई ओयरसु । " तीन मुक्काओ ताओ । सेट्ठिणा चित्तियं 'अविणीय' त्ति ।