________________
३. सीलवइ-चरियं इत्थेव जंबुदीवे भारहवासंमि वासवपुरं व । कय-विबुह जणाणंदं नंदणपुरमत्थि वर-नयरं ॥१॥ पडिहय-पडिवक्ख-बलो हरिव्व अरिमहणो तहिं राया। गुण-रयण-निही रयणायरु त्ति सिट्ठी तहि अत्थि ।।२।। तस्स सिरिनाम-पिया रूव-गुणेणं सिरिव्व पच्चक्खा ।
तीए न अत्थि पुत्तो तेण दढं तम्मए सेट्ठी ।।३।। [१] अन्नया भणिओ भज्जाए-'अज्जउत्त, अत्थि इत्थेव नयरुज्जाणे अजियजिणिंद-मंदिर-दुवार-देसे अजियबला देवया अपुत्ताण पुत्तं, अविताण वित्तं, अरज्जाण रज्ज, अविज्जाण विज्ज, असुक्खाण सुक्ख, अचक्खूण चक्खु सरोयाण रोय-क्खयं देइ एसा ।" कयं सेट्ठिणा तीए ओवाइयं । कमेण जाओ पुत्तो। तस्स कयं 'अजियसेणो' त्ति नाम । जाओ जिणधम्मुज्जुओ सिट्ठी। जणयमणोरहेहिं सह वढिओ अजियसेणो । सिक्खिय कलाकलावो लावन्नलच्छिन्नं पवन्नो तारुन्न । तस्स य सयलजणब्भहिए रूवाइ-गुणे पिच्छिऊण चिंतियं सेट्ठिणा-"जइ एस मह नंदणो निय-गुणाणुरूवं कलत्तं न लहइ ता इमस्स अकयत्था गुणा ।"
जओसामी अविसेसन्नू अविणीओ परियणो पर-वसत्तं ।
भज्जा य अणणुरूवा चत्तारि मणस्स सल्लाई ॥४॥ [२] इत्थंतरे आगओ एगो वाणिउत्तो पणमिऊण सिट्ठि निविट्ठो समीवे । पुट्ठो य सेठिणा ववहार सरुवं । कहियं तेण सव्वं । अन्नं च, तुहाएसेण गओहं कयंगलाए नयरीए। जाओ मे जिणदत्त-सिट्ठिणा समं ववहारो। निमंतिओहं तेण भोयणत्थं । दिट्ठा मए तीगहे चंदकतेणं वयणेणं पओअराएहि, हत्थपाएहिं पवालेणं अहरेणं दिप्पमाणेहिं रयणेहिं रयएणं नियंवेणं सुवन्नेणं अंगेणं, मयण-महाराय-भंडार-मंजूस व्व संचारिणो एगा कन्नगा । पुट्ठो मए सिट्ठी-“का एस" त्ति ? सिट्ठिणा वुत्तं"भद्द ! मह धूया-मिसेण मुत्तिमई एसा चिंता ।"
जओकिं लट्ठ लहिही वरं पिययम किं तस्स संपज्जिही
कि लोयं ससुराइयं निय-गुणग्गामेण रंजिस्सए ।
Jain Educationa International
For Personal and Private Use Only
www.jainelibrary.org
