Page Text
________________
कहाण अट्ठगं
११३
अयलेण भणियं, सामि, पेसेह कोवि उवरिगो, जो भंडं निरूवेइ । तओ राणा भणियं, अहं यमेव आगच्छामि ।
[२२] तओ पंच-उल-सहिओ गओ राया । दंसियं वहणेसु संखफोप्फलचंद गागरु-मंजिद्वाइयं भंडं । पुच्छियं पंचउल- समक्ख राइणा । भो सेट्टि, एत्तियं चेव इमं । तेग भणियं, देव, एत्तियं चेव । राइणा भगियं, करेह सेट्टिस अद्ध-दाणं, परं मम समक्खं तोलेह चोल्लए । तोलियाई पंचउलेण । भारेण व पाय-पहारेण य वंस वेहेण य लक्खियं, मंजिट्ट माइ-मज्झ गयं सार-भंडं । राइणा उक्केल्लावियाई चोल्लयाई, निरूवियाइं समंतओ, जाव दिट्ठ कत्थइ सुवणं, कत्थइ रुप्पयं, कत्थइ मणि - मोत्तिय - पवालाई महग्घं भंडं । तं च दट्ठूण रुद्वेण निय-पुरिसाण दिन्नो आएसो । अरे, बंधह पच्चक्ख चोरं इमं ति । बद्धो य धगधगत- हियओ तेहिं । दाऊणं रक्खवाले जाओ या भव । सो वि आणिओ आरक्खिण राय- समीवं । गाढ- बद्ध ं च दट्ठूण भंगियं राइणा । रे, छोडेह छोडेह | छोडिओ अन्नेहि । पुच्छिओ राइणा, परियागसि ममं । तेण भणियं सयल - पुहवि - विक्खाए महा-नरिंदे को न याणइ ?
1
[२३] राइणा भणियं, अलं उवयार भासणेहि, फुडं साहसु, जइ सि । अलेण भणियं देव, न याणामि सम्मं । तओ राइणा बाह राविया देवदत्ता | आगया वरच्छर व्व सव्वंग - भूसण-धरा, विन्नाया अयलेण । लज्जिओ मणम्मि बाढं । भणियं च तीए, भो एस सो मूलदेवो, जो तुम ओ तम्मि काले, ममावि कयाइ विहि-जोगेण बसणं पत्तस्स उवयारं करेज | ता एस सो अवसरो । मुक्को य तुमं अत्थ- सरीर - संसयमावन्नो विपय-दी-जण - वच्छलेण राइणा संपयं । इमं च सोऊन विलक्ख-माणसो, महा-पसाओ त्ति भणिऊण निवडिओ राइणो देवदत्ताए य चलणेसु । भणियं च, कथं मए जं तया सयलजण निव्वुइ-करस्स नीसेस - कला - सोहियस्स देवस्स निम्मल सहा वस्स पुष्णिमाचंदस्सेव राहुणा कयत्थणं, ता तं खमउ मम सामी । तुम्ह कत्थणामरिसेण महाराओ वि न देइ मे उज्जेणीए पवेसं । मूलदेवे भणियं खमियं चेव मए, जस्स तुह देवीए कओ पसाओ । तओ सो पुणो वि निवडिओ दोह वि चलणेसु परमायरेण । पहाविओ य देवदत्ताए पहिराविओ महग्घ-वत्थे । राइणा मुक्कं दाणं । पेसिओ उज्जेणि । मूलदेव - राइणो अभत्थणा खमियं वियारधवलेण । निग्घिणसम्मो वि रज्जे निविट्ठ सोऊण मूलदेवं आगओ बेण्णायडं दिट्ठो । राया । दिन्नो सो चेव अदिट्ठसेवाए गामो तस्स रन्ना । पणमिऊण महा-पसाओ त्ति भणिऊण य सो ओ गामं ॥
1
८
Jain Educationa International
For Personal and Private Use Only
www.jainelibrary.org
| SR No. | 003808 |
| Book Title | Prakrit Bharti |
| Original Sutra Author | N/A |
| Author | Prem Suman Jain |
| Publisher | Agam Ahimsa Samta Evam Prakrit Samsthan |
| Publication Year | 1991 |
| Total Pages | 268 |
| Language | Hindi |
| Classification | Book_Devnagari |
| File Size | 10 MB |