Page Text
________________
११२
प्राकृत भारती
अहं तुज्झ कुल-घरिणी। तहा वि मज्झ गेहत्थो एवंविहं ववहरसि । ता ममत्थाए पुणो न खिज्जियव्वं ति भणिय गया राइणो सयासं । भणिओ य निवडिय चलणेसु राया । सामि तेण वरेण कीरउ पसाओ। राइणा भणियं । भण, कओ चेव तुज्झ पसाओ । किमवरं भणीयइ । देवदत्ताए भणियं । ता, सामि, मलदेवं वज्जिय न अन्नो पुरिसो मम आणावेयव्वो। एसो अयलो मम घरागमणे निवारेयव्वो। राइणा भणि यं एवं, जहा तुज्झ रोयए परं कहेह, को पुण एस वुत्तन्तो। तओ कहिओ माहवीए। रुट्ठो राया अयलोवरि । भणियं च, भो मम एईए नयरीए एयाइ दोन्नि रयणाई ताइं पि. खली-करेइ एसो। तओ हक्कारिय अंबाडिओ भणिओ य । रे, तुम एत्थ राया जेण एवंविहं ववहरसि । ता निरूवेहि संपयं सरणं, करेमि तुह पाण-विणासं। देवदत्ताए भणियं, सामि, किमेइणा सुणहपाएण पडिखद्धणं ति । ता मंचइ एयं । राइणा भणिओ, रे, एईए महाणुभावाए वयणेणं छटो संपयं, सुद्धी उण तेणेवेह आणिएणं भविस्सइ । तओ चलणेसु निवडिऊण निग्गओ राय-उलाओ। आढत्तो गवेसिउ दिसो-दिसि । तहा वि न लद्धो । तओ. तीए चेव ऊणिमाए भरिऊण भंडस्स वहणाइं पत्थिओ पारसउलं ।।
[२०] इओ य मूलदेवेण पेसिओ लेहो कोसल्लियाइं च देवदत्ताए तस्स य राइणो। भणियो य राया, मम एईए देवदत्ताए उवरि महतो पडिबंधो। ता जइ एईए अभिरुचियं, तुम्हं वा रोयए, तो कुणह पसायं, पेसेह एयं । तओ राइणा भणिया राय-दोवारिगा। भो किमेयं एवंविहं लिहावियं विक्कमराएण । किं अम्हाणं तस्स य अस्थि कोइ विसेसो। रज्जपि सव्वं तस्सेयं किं पुण देवदत्ता। परं इच्छउ सा। तओ हक्कारिया देवदत्ता । कहिओ वुत्तंतो, ता जइ तुम्ह रोयए, ताहे गम्मउ तस्स सगासं। तीए भणियं, महा-पसाओ, तुम्हाणुन्नायाण मणोरहा एए अम्हं। तओ महाविभवेणं पूइऊण पेसिया गया य । तेण वि महा-विभूईए चेव पवेसिया। जायं च परोप्परमेगरज्जं। अच्छए मूलदेवो तीए सह विसयसुहमणुहवंतो जिण-भवण-बिंब-करण-तप्परो त्ति ।।
[२१.] इओ य सो अयलो पारस-उले विढविय बहुयं दव्वं पवरं च भण्ड भरेऊण आगओ बेण्णायडं । आवासिओ य बाहिं। पुच्छिओ लोगो. किं नामाभिहाणो एत्थ राया । कहियं च, विक्कमराओ त्ति । तओ हिरण्णसुवण्णमोत्तियाणं थालं भरेऊण गओ राइणो पेक्खगो। दवावियं राइणा आसणं । निसण्णो पच्चभिन्नाओ य । अयलेण य न नाओ एसो। रत्ना पूच्छियं, कुओ सेट्ठी आगओ। तेण भणियं, पारस-उलाओ। रन्ना पूइएण
Jain Educationa International
For Personal and Private Use Only
www.jainelibrary.org
| SR No. | 003808 |
| Book Title | Prakrit Bharti |
| Original Sutra Author | N/A |
| Author | Prem Suman Jain |
| Publisher | Agam Ahimsa Samta Evam Prakrit Samsthan |
| Publication Year | 1991 |
| Total Pages | 268 |
| Language | Hindi |
| Classification | Book_Devnagari |
| File Size | 10 MB |