Page Text
________________
कहाणय अट्ठगं
१११ अम्हाणं । पडिवन्नं च मूलदेवेण । हाओ जिमिओ य विभूईए। भुत्तुत्तरे य 'भणिओ उवज्झाएण, पुत्त, पत्त-वरा मे एसा कन्नगा, ता परिणेसू ममोव
रोहेण एयं तुमं ति । मूलदेवेण भणियं, ताय, कहं अन्नाय-कुल-सोलं जामाउयं करेसि । उवज्झाएण भणियं, पुत्त, आयारेण चेव नज्जइ अकहियं पि कुलं । भणियं च
आचारः कुलमाख्याति देशमाख्याति जल्पितम् ।
संभ्रमः स्नेहमाख्याति वपुराख्याति भोजनम् ।।१६।। तहा
को कुवलयाण गंधं करेइ महरत्तणं च उच्छणं ।
वर-हत्थीण य लीलं विणयं च कुल-प्पसूयाणं ॥१७॥ अहवा
जइ होंति गुणा तो किं कुलेण गुणिणो कुलेण न हु कज्ज ।
कुलमकलंक गुण-वज्जियाण गरुयं चिय कलंक ॥१८॥ [१७] एवमाइ-भणिईहिं पडिवज्जादिओ सुह-महुत्तेण परिणाविओ। कहियं वियण-फलं, सत्त-दिणभंतरे राया होहिसि । तं च सोऊग जाओ पहल-मणो अच्छइ य तत्य सुहेणं । पंचमे य दिवसे गओ नयर-बाहिं, नुवण्णो य चंपगच्छायाए ।
[१८] इओ य तीए नयरीए अपुत्तो राया कालाओ। तत्थ अहियासियाणि पंच दिव्वाणि । ताणि आहिंडिय नयर-मज्झे निग्गयाणि बाहिं, पत्ताणि मलदेव-सयास। दिट्ठो सो अपरियत्तमाण-छायाए हेट्टओ। तं पेच्छिय गुलुगुलियं हत्थिणा, हेसियं तुरंगेण, अहिसित्तो भिंगारेण, वीइओ चामरेहिं, ठियमवरि पुडरीयं तओ कओ लोएहिं जयजया-रओ । चडाविओ गएण खंधे, पइसारिओ य नयरिं । अहिसित्तो मंति-सामंतेहिं । भणियं च गयण-तल-गयाए देवयाए। भो, भो, एस महाणुभावो असेस-कलाधारगो देवयाहिट्ठिय-सरीरो विक्कमराओ नाम राया। ता एयस्स सासणे जो न वट्टइ, तस्स नाहं खमामि ति। तओ सव्वो सामंत-मंति-पुरोहियाइओ परियणो आणा-विहेओ जाओ। तओ उदारं विसय-सुहमणुहवंतो चिट्ठइ । आढत्तो उज्जेणि-सामिणा वियारधवलेण सह संववहारो जाव जाया परोप्परं निरंतरा पीई ।।
[१९] इओ य देवदत्ता तारिस विडवणं मलदेवस्स पेच्छिय विरत्ता अईव अयलोवरि । तओ य निब्भच्छिओ अयलो; भो अहं वेसा, न उण
Jain Educationa International
For Personal and Private Use Only
www.jainelibrary.org
| SR No. | 003808 |
| Book Title | Prakrit Bharti |
| Original Sutra Author | N/A |
| Author | Prem Suman Jain |
| Publisher | Agam Ahimsa Samta Evam Prakrit Samsthan |
| Publication Year | 1991 |
| Total Pages | 268 |
| Language | Hindi |
| Classification | Book_Devnagari |
| File Size | 10 MB |