Prakrit Bharti

SR No.: 003808
Original Sutra Author: N/A
Author: Prem Suman Jain
Publisher: Agam Ahimsa Samta Evam Prakrit Samsthan
Publication Year: 1991
Total Pages: 268
Language: Hindi
Classification: Book_Devnagari
File Size: 10 MB

Page 118

कहाणय अट्ठगं
१०९ [१२] तओ पयट्टा दो वि । मज्झण्ह-समए य वच्चंतेहिं दिटुं सरोवरं । ढक्केण भणियं, भो वीसमामो खणमेग ति। गया उदग-समीवं, धोया हत्थपाया। गओ मूलदेवो पालि-संठिय-रुवख-च्छायं । ढवकेण छोडिया संबलथइया, गहिया वट्टयम्मि सत्तुया। ते जलेण ओलित्ता लग्गो भविख। मूलदेवेण चिंतियं, एरिसा चेव बंभण-जाई-भुक्का-पहाणा हवइ, ता पच्छा मे दाही । भट्टो वि भुंजित्ता बंधिऊण थइयं पयट्टो। मूलदेवो वि, नूणं अवरण्हे दाहि त्ति चितेंतो अणुपयट्टो । तत्थ वि तहेव भुत्तं, न दिन्न तस्स । कल्लं दाहि त्ति आसाए गच्छइ एसो। वंचंताण य आगया रयगी। तओ वट्टाओ ओसरिऊण वडपायव-हेट्टओ पसुत्ता। पच्चूसे पुणो वि पत्थिया, मज्झण्हे तहेव थक्का, तहेव भुत्तं ढवकेण, न दिन्न एयस्स। जाव तइवदियहे चितियं मूलदेवेण । नित्थिण्णपाया अडवी, ता अज्ज अवस्सं मम दाही एस । जाव तत्थ वि न दिन्न । नित्थिन्ना य तेहिं अडवी । जायाओ दोण्ह वि अनन्न-वट्टाओ। तओ भट्टेण भणियं, भो तुज्झ एसा वट्टा, ममं पुण एसा। ता वच्च तुमं एयाए। मूलदेवेण भणियं, भो भट्ट, आगओ हं तुज्झ पहावेणं, ता मज्झ मूलदेवो नाम, जइ कयाइ किंपि पओयणं मे सिज्झइ ता आगच्छेज्ज बेण्णायडे । किं च तुज्झ नामं? ढक्केण भणियं, सद्धडो, जण-कयावडंकेण निग्घिणसम्मो नाम । तओ पत्थिओ भट्टो सगामं । मूलदेवो वि वेण्णायड-संमुहं ति ॥
[१३] अंतराले य दिटुं वसिमं । तत्थ पविट्ठो भिवखा-निमित्तं हिंडिय असेसं गाम, लद्धा कुम्मासा, न किंपि अन्नं । गओ जलासयाभिमुहं । एत्थंतरम्मि य तव-सुसिय देहो महाणुभावो महातवस्सी मासोववासपारणय-निमित्त दिट्ठो पविसमाणो। तं च पेच्छिय हरिस-वसुभिन्नपुलएण चिंतियं मूलदेवेण । अहो, धन्नो कयत्थो अहं, जस्स इमम्मि काले एस महा-तवस्सी दसण-पहमागओ। ता अवस्सं भवियव्वं मम कल्लाणेण । अवि य,
मरुत्थलीए जह कप्प-रुक्खो दरिद्द-गेहे जह हेम-बुट्ठी। मायंग-गेहे जह हत्थि-राया मुणी महप्पा एत्थ एसो ।।११।।
कि च,
दसण-नाण-विसुद्ध पंच-महव्वय-समाहियं धीरं । खंती-मद्दव-अज्जव-जुत्तं मुत्ति-प्पहाणं च ॥१२॥ सज्झाय-ज्झाण-तवोवहाण-निरयं विसुद्ध-लेसागं। पंचसमियं ति-गुत्तं अकिंचण चत्तगिहि-संगं ॥१३।।