Page Text
________________
१०८
प्राकृत भारती
सामग्गीए । दिट्ठो य पविसमाणो देवदत्ताए । भणिओ य मूलदेवो, ईइसो 'चेव अवसरो, पडिच्छियं च जणणीए एय-पेसियं दव्वं, ता तुमं पलंकहेट्ठओ मुहुत्तगं चिट्ठह ताव । ठिओ सो पलंक -हेट्ठओ । लक्खिओ अयलेणं । निसण्णो पलंके अयलो । भणिया य सा तेण करेह पहाण - सामग्ग । देवदत्ताए भणियं एवं ति, ता उट्ठह, नियंसह पोत्ति, जेण अब्भंगिज्जइ । अथ लेण भणियं । मए दिट्ठो अज्ज सुमिणओ जहा नियओ चेव अब्भंगिय-गत्तो एत्थ पलके आरूढो पहाओ त्ति । ता सच्चं सुमिणयं करेसु । देवदत्ताए भणियं, नणु विणासिजए महग्घियं तूलियं गंडुयमाइयं । तेण भणियं, अन्नं ते विसिट्ठतरं दाहामि । जणणीए भणियं, एवं ति ।
ओ तत्थ - ओ व अब्भंगिओ उन्वटिओ उण्ह- खलि-उदगेहिं पमन्जिओ । भरिओ ते हेट्ठ-ट्ठिओ मूलदेवो । गहियाउहा पविट्ठा पुरिसा | ओ arity अलो । गहिओ तेण मूलदेवो बालेहि भणिओ य । रे संपयं निवेहि, जइ कोइ अस्थि ते सरणं । मूलदेवेणे य निरूवियाई पासाई,
दिट्ठनिसियासि हत्थे हि वेढियमत्ताणयं माणुसेहिं । चितियं च नाहमेएसि उच्चरामि कायव्वं च मए वइर-निज्जायणं, निराउहो संपयं ता न पोरिसस्सावसरोत्ति वितियं भणियं । जं ते रोयइ तं करेहि । अयलेण चितियं, उत्तम पुरिसो कोइ एस आगईए चेव नज्जइ । सुलभाणि य संसारे महा-पुरिसाण वसणाई' । भणियं च,
को एत्थ सया सुहिओ कस्स व लच्छी थिराइं पेम्माई । कस्स व न होइ खलियं भण को व न खंडिओ विहिणा ||१०|| भणिओ मूलदेवो । भो एवंविहावत्था - गओ मुक्को संपथं तुमं, ममं पि विहिवसेण कावि वसण-पत्तस्स एवं चेव करेज्जह ||
[११] तओ विमण- दुम्मणो निग्गगो नयराओ मूलदेवो । पेच्छ, कहं एएण छलिओ त्ति चितयंतो पहाओ सरोवरे, कया पडिवत्ती । चितिय, गच्छामो विएस, तत्थ गंतूण करेमि किंपि इमस्स पडिविप्पिउवायं । पट्टिओ वेण्णायड-संमुहं । गाम-नयराई - मज्झेण वच्चंतो पत्तो दुवालस-जोयणमाणा अडवीए मुहं । चितिथं च तत्थ, जइ कोइ वच्चतो वाया साहेज्जो वि दुइओ लब्भइ ता सुहं चेव छिज्जइ अडवी । जाव थेव वेलाए आगओ विसिट्ठाकार - दंसणीओ संबल-थइयासणाहो ढक्क बंभो । पुच्छिओ, भ भट्ट, दूरं गतव्वं । तेण भणियं, अस्थि अडवीए परओ वीरनिहाणं नाम ठामं तं गमिस्सामि । तुमं पुण कत्थ पत्थिओ | इयरेण भणियं, वेण्णायडं । भेण भणियं, ता एहि, गच्छम्ह ।
Jain Educationa International
For Personal and Private Use Only
www.jainelibrary.org
| SR No. | 003808 |
| Book Title | Prakrit Bharti |
| Original Sutra Author | N/A |
| Author | Prem Suman Jain |
| Publisher | Agam Ahimsa Samta Evam Prakrit Samsthan |
| Publication Year | 1991 |
| Total Pages | 268 |
| Language | Hindi |
| Classification | Book_Devnagari |
| File Size | 10 MB |