Page Text
________________
कहाणय अट्ठगं तीए घरं अवसरमंतरेण । भणिया य देवदत्ता जणण,ए। पुत्ति, परिच्चय मूलदेवं । न किंचि निद्धण-चंगेण पओयणमे एण। सो महाणुभावो दाया अयलो पेसेइ पुणो पूणो बहुयं दव्वं-जायं। ता तं चेव अंगीकरेसु सव्वप्पणयाए। न एक्कम्मि पडियारे दोन्नि करवालाइ मायति, न य अलोणियं सिलं कोइ चट्टेइ । ता मंच य जरियमिमं ति। तीए भणियं, नाहं अंब, एगतेण धणाणुरागिणी, गणेसु चेव मे पडिबंधो। जणणीए भणियं, केरिसा तस्स ज्यगारिस्स गुण। । तीए भणियं, अंब, केवल-गुणमओ खु सो । जओ
धीरो उदार-चित्तो दक्खिण्ण-महोयही कला-निउणो।
पिय-भासी य कयन्न गुणाणुराई विसेसन्नू ।।९।। अओ न परिच्चयामि एयं । तओ साअ णेगेहि दिद्रुतेहिं आढत्ता पडिबोहिउ । अलत्तए मग्गिए नीरसं पणामेइ । चोइया य पडिभणइ । जारिसमेयं तारिसो एसो ते पिययमो, तहा वि तुमं न परिच्चयसि । देवदत्ताए चितिय, मूढा एसा, तेणेवविहे दिट्टते देइ ।।
[९] तओ अन्नया भणिया जणणी, अम्मो मग्गेहि अयलं उच्छु । कहियं च तीए तस्स । तेण वि सगडं भरेऊण पेसियं । तीए भणिय, किमहं करिणिया जेणेवंविहं स-पत्त-डालं उच्छु पभूयं पेसिज्जइ। तीए भणियं, पुत्ति, उदारो खु तेण एवं पेसियं ति । चितियं च णेण, अन्नाणं पि सा दाहि त्ति । अवरदियहे देवदत्ताए भणिया माहवी । हला, भणाहि मूलदेवं जहा, उच्छुण उवरि सद्धा ता पेसेहि मे। तीए वि गंतूण कहियं । तेण वि गहियाओ दोन्नि उच्छुलट्ठीओ, निच्छोलिऊण कयाओ दुयगुल-पमाणाओ गंडियाओ, चाउज्ज एण य अवचुण्णियाओ, कप्पूरेण य मणागं वासियाओ मलाहि य मणागं भिन्नाओ। गहियाइं अभिणव-मल्लगाई, भरिऊण ताई ढक्किऊण य पेसियाणि । ढोइयाइच गंतूण माहवीए, दंसियाणि तीए वि जणणीए भणिया य, पेच्छ, अम्मो, पुरिसाण अंतर ति । ता अहं एएसि गुणाणमणुरत्ता। जणणीए चिंतियं । अच्चंत-मोहिया एसा, न परिचयइ अत्तणा इमं । ता करेमि कि पि उवायं जेण एसो वि कामुओ गच्छइ विएसं। तओ सूत्थं हवइ त्ति चितिऊण भणिओ अयलो। कहसु एईए. पुरओ अलिय-गामंतर-गमणं । पच्छा मूलदेवे पविट्ठ मणुस्ससामग्गीए आगच्छेजह विमाणेजह य तं, जेण विमाणिओ संतो देस-च्चायं करेइ । ता संजुत्ता चिठ्ठजह, अहं ते वत्तं दाहामि । पडिवन्नं च तेण ।
[१०] अन्नम्मि दिणे कयं तहेव तेण । निग्गओ अलिय-गामंतर-गमणमिसेण । पविट्ठो य मूलदेवो । जाणाविओ जणणीए अयलो, आगओ महा
Jain Educationa International
For Personal and Private Use Only
www.jainelibrary.org
| SR No. | 003808 |
| Book Title | Prakrit Bharti |
| Original Sutra Author | N/A |
| Author | Prem Suman Jain |
| Publisher | Agam Ahimsa Samta Evam Prakrit Samsthan |
| Publication Year | 1991 |
| Total Pages | 268 |
| Language | Hindi |
| Classification | Book_Devnagari |
| File Size | 10 MB |