Page Text
________________
१०५
कहाणय अठ्ठगं दिनो तंबोलो, दंसियं च माहवीए अत्तणो रूवं, कहिओ य वइयरो। सुट्ट्यरं विम्हिया, पारद्धो आलावो महराहिं वियड्ढ-भणिईहिं । आगरिसियं च तेण तीए हिययं । भणियं च
अणुणय-कुसलं परिहास-पेसलं लडह-वाणि-दुल्ललियं । आलवणं पि हु छेयाण कम्मणं किं च मूलीहिं ॥३॥ [४] एत्यंतरे आगओ तत्थेगो वीणा-वायगो । वाइया तेण वीणा । रंजिया देवदत्ता । भणियं च, साह भो वीणा-वायग, साहु सोहणा ते कला। मूलदेवेण भणियं, अहो अइनिउणो उज्जेणीजणो, जाणइ सुन्दरासुन्दर-विसेसं । देवदत्ताए भणियं, भो किमेत्थ खणं । तेण भणियं, वंसो चेव असुद्धो, सगब्भा य तंती। तीए भणियं, कहं जाणिज्जइ । दंसेमि अहं । समप्पिया वीगा, कढिओ वंसाओ पाहणगो, तंतीए वालो। समारिऊण वाइउपयत्तो। कया पराहीण-माणसा स-परियणा देवदत्ता । पच्चासन्ने य करेणुया सया रवण-सीला आसि । सा वि ठिया घम्मती ओलंबिय-कण्णा । अईव विम्हिया देवदत्ता वीणावायगो य। चितियं च, अहो पच्छन्न-वेसो विस्सकम्मा एस । पुइऊण तीए पेसिओ वीणा-वायगो।।
[५] आगया भोयण-वेला । भणियं देवदत्ताए, वाहरह अंग-मद्दयं, जेण दो वि अम्हे मज्जामो। मूलदेवेण भणियं, अणुमन्त्रह, अहं चेव करेमि तुम्ह अभंगणकम्म । किमेयं पि जाणासि । न-याणामि सम्म, परं ठिओ जाणगाण सयासे । आणियं चंपग-तेलं, आढत्तो अब्भंगिउ । कया पराहीण-मणा । चितिय च णाए, अहो विन्नाणाइसओ, अहो अउब्वो करयल-फासो । ता भवियव्वं केणइ इमिणा सिद्ध-पुरिसेण पच्छन्न-रूवेण, न पयईए एवं रूवस्स इमो पगरिसो त्ति । ता पयडीकरावेमि रूवं । निवडिया चलणेसु, भणिओ य, भो महाणुभाव असरिस-गुणेहिं चेव नाओ उत्तम-पुरिसो पडिवन्नवच्छलो दक्खिण्ण-पहाणो य तुमं । ता दंसेहि मे अत्ताणयं । बाढं उक्कठियं तुह दंसणस्स मे हिययं ।
[६] मूलदेवेण य पुणो-पुणो निब्बंधे कए ईसि हसिऊण अवणीया वेसपरावत्तिणी गुलिया । जाओ सहावत्यो । दिट्टो दिण-नाहोव दिप्पंत-तेओ, अणंगो ब्व मोहयतो रूवेण सयल-जणं सव-जोव्वण-लायण्ण-संपुण्ण-देहो । हरिसवसुब्भिन्न-रोमंच, पुणो निवडिया चलणेसु । भणियं च महा-पसाओ त्ति । अब्भंगिओ स-हत्थेहिं । मज्जियाईदो वि जिमियाई महा-विभूईए, पहिराविओ देव-दूसे, ठियाइ विसिट्ठ-गोट्ठीए । भणियं च तीए, महाभाग, तुमं मोत्तूण न केणइ अणुरंजियं मे अवर-पुरिसेण माणसं । ता सच्चमेयं,
Jain Educationa International
For Personal and Private Use Only
www.jainelibrary.org
| SR No. | 003808 |
| Book Title | Prakrit Bharti |
| Original Sutra Author | N/A |
| Author | Prem Suman Jain |
| Publisher | Agam Ahimsa Samta Evam Prakrit Samsthan |
| Publication Year | 1991 |
| Total Pages | 268 |
| Language | Hindi |
| Classification | Book_Devnagari |
| File Size | 10 MB |