________________
कपूरमंजरी
लक्खीअदि। अद्धणारीसरस्स वामद्धे अकहिआ वि गोरी मुणिज्जदि । एसो वि जोईसरो । एस उण परिअणो। (विचिन्त्य) ता किं-ति एदस्स महिला सहिदस्स वि दिट्ठी में बहु मण्णेदि
(इति व्यस्रं वीक्षते)। राजा-(विदूषकमपवार्य) जं मुक्का सवणंतरेण सहसा तिक्खा कडक्खच्छडा
भिंगाहिट्ठिकेदअ-अग्गिमदलद्दोणीसरिच्छच्छवी । तं कप्पूररसेण णं धवलिदो जोण्हाएँ णं हाविदो ___मुत्ताणं घणरेणुण-व्व छुरिदो जादो म्हि एत्तरे ॥२८॥ (विदूषकं तथैव) अहो से रूवसोहा। मण्णे मज्झं तिवलिवलिअं डिम्भमुट्ठीअ गेझं
णो बाहूहिं रमणफलअं वेढि, जादि दोहिं । णेत्तच्छेत्तं
तरुणपसईकिज्जमाणोवमाणं ता पच्चक्ख मह विलिहि, जादि एसा ण चित्ते ॥२९॥ कहं ण्हाणधोदविलेवणा वि समुत्तारिदभूसणा-वि रमणिज्जा। अह वा
रूवेण मुक्काओ विभूसीअंति ताणं अलंकारवसेण सोहा ।
णिसग्गचंगस्स ण माणुसस्स सोहा समुम्मीलदि भूसणेहिं ॥३०॥ एदाए एदं दाव । जदो।
लावण्णं णवजच्चकंचणणिहं णेत्ताण दीहत्तणं
____ कण्णेहिं खलिदं कवोलफलआ दोखण्डचंदोवमा। एसा पंचसरेण संधिदधणुदण्डेण रक्खिज्जए
__ जेणं सोसणमोहणप्पहुदिणो विधंति मं मग्गणा ॥३१॥ विदूषकः-(विहस्य) जाणे रच्छासु लुण्ठदि तुह सोण्डीरत्तणं । राजा-(विहस्य) पिअवअस्स कधेमि दे । अंगं चंगं णिअगुणगणालंकिदं कामिणीणं
पच्छाअंती तणुगुणसिरि भादि णेवच्छलच्छी । इत्थं जाणं अवअवगदा का वि सुन्दरमुद्दा
मण्णे ताणं वलइदधणू णिच्चभिच्चो अणंगो ॥३२॥
Jain Educationa International
For Personal and Private Use Only
www.jainelibrary.org
