________________
१००
प्राकृत भारती
राजा-इदं आसणं । उवविसद भइरवाणंदो। भैरवानन्दः-(उपविश्य) किं कादव्वं । राजा-कहिं पि विसए अच्छरिअं दमे॒ इच्छामि । भैरवानन्दःदंसेमि तं पि सणिणं वसुहावइण्णं
थम्भेमि तस्स वि रविस्स रहं णहद्ध । आणेमि जक्खसुरसिद्धगणंगणाओ
तं णत्थि भूमिबलए मइ जं ण सझं ॥२४॥ ता भणं किं कीरदु। राजा-वअस्स भण किं-पि अउव्वं दिट्टं महिलारअणं । विदूषकः-अस्थि एत्थ दक्षिणावहे वच्छोमं णाम णअरं । तहिं मए एक्कं
___ कण्णआरअणं दिटुं । तं इह आणीअदु। भैरवानन्दः-आणीअदि । राजा-अवदारिज्जदु पुण्णिमाहरिणको धरणीअलम्मि ।
(भैरवानन्दो ध्यानं नाटयति) (ततः प्रविशति पटाक्षेपेण नायिका । सर्वे अवलोकयन्ति ।) राजा-अहह अच्छरिअं अच्छरिअं।
जं धोअंजणसोणलोअणजुअं लग्गालअग्गं मुहं हत्थालम्बिदकेसपल्लवचए दोलंति जं बिंदुणो। जं एक्कं सिचअंचलं शिवसिदं तं हाणकेलिदिदा
आणीदा इअमन्भूदेक्कजणणी जोईसरेणामुणा ।।२५।। अवि अ एक्केण पाणिणलिणेण णिवेसअंती
वत्थंचलं घणथणत्यलसंसमाणं । चित्ते लिहिज्जदि ण कस्स-वि संजमंती
अण्णेण चंकमणदो चलिदं कडिल्लं ॥२६।। विदूषकः
णहाणावमुक्काहरणुच्चआए तरंगभंगक्खदमण्डणाए ।
ओल्लंसुउल्लासिथगल्लगाए सुन्देरसवस्समिमाएँ दिट्ठी ॥२७॥ नायिका-(सर्वानवलोक्य स्वगतम्) एस महाराओ को-वि इमिणा गम्भीर
महुरेण सोहासमुदएण जाणीअदि । एसा वि एदस्स महादेवी
Jain Educationa International
For Personal and Private Use Only
www.jainelibrary.org
