________________
१२ कर्पूरमंजरी
प्रथम जवनिकान्तर भदं भोदु सरस्सईएँ कइणो णंदन्तु वासाइणो
अण्णाणं पि परं पअट्टदु वरा वाणी छइल्लप्पिआ। वच्छोमी तह मागही फुरदु णो सा कि पि पंचालिया
रीदीआ ओलिहंतु कव्वकुसला जोण्हं चओरा विअ ॥१॥ अकलिअपरिरंभबिब्भमाइं अजणिअचुम्बणडम्बराइँ दूरं ।
अघडिअघणताडणाई णिच्चं णमह अणंगरईण मोहणाइं ॥२॥ (नान्द्यन्ते) सूत्रधारः।
ससिहण्डमण्डणाणं संमोहणासाण सुरअणपियाणं ।
गिरिसगिरिंदसुआण संघाडी वो सुहं देउ ॥३॥ अवि अ इसारोसप्पसादप्पणदिसु बहुसो सग्गगंगाजलेणं
आमूलं पूरिदाए तुहिणकरकलारुप्पसिप्पीअ रुद्दो । जोण्हामुत्ताहलिल्लं णदमउलिणिहित्तग्गहत्थेहिं दोहिं
अग्धं सिग्धं व देंतो जअदि गिरिसुआपाअ पंकेरुहाणं ॥४॥
( परिक्रम्य नेपथ्याभिमुखम् अवलोक्य ) किं पुण णट्टपअट्टो विअ दीसदि अम्हकुसीलवाण पवञ्चो । जदो एक्का पत्तोचियाइं सिचआई उच्चिणोदि। इअरा कुसुमावलीओ गुम्फेदि । अण्णा पडिसीसआई पसारेदि । कावि हु पट्टए वण्णिआओ वट्टेदि । एस वंसो ठविदो ठाणे । इअं वीणा पडिसारीअदि । इमे तिण्णि वि मुअंगा सज्जिज्जति । एस कंसतालाणं पक्खाउज्जाण हलवोलो। एवं धुवागीदं आलवीअदि । ता किंप कुटुम्बं हक्कारिअ पूच्छिस्सं ।
( नेपथ्याभिमुखम् संज्ञापयति )। (प्रविश्य ) पारिपाश्विकः-आणवेदु भाओ। सूत्रधारः-किं पुण णट्टपअट्टा विअ दीसध । पारिपाश्विकः-सट्टअंगच्चिदव्वं ।
* पाठ-सम्पादन : डॉ० आर० पी० पोद्दार, प्राकृत शोध संस्थान,
वैशाली १९७४।
Jain Educationa International
For Personal and Private Use Only
www.jainelibrary.org
