________________
तो तेसिं पुत्ताणं चितियमेगेणमम्हमेस पिया । पाएण दोहदरिसी धम्मपियो सुइ-समायारो ॥७।। पाणच्चए वि अम्हाणमूवरि न कयावि चितइ विरूवं ।। केणावि कारणेणं ता नूणं एत्थ भवियव्वं ॥८॥ इय परिभाविय तहियं तह कहवि हु नियमईए ववहरियं । जह विढविऊरण कोडी वरिसन्ते पूरिया तेण ।।६।। बीएण चितियमिमं मम पिउणो विज्जए पभूय धणं । ता किं किलेसजाले पाडेमि मुहाए अप्पाणं ॥१०॥ जइ सव्वं पि य विलसामि ता गयो कह मुहं पयंसिस्सं । तम्हा मूलं रक्खिय सेसं भक्खेमि किं बहुणा ॥११॥ तइएणमजोगत्ता विगप्पियं नियमणम्मि मह जणयो। वुड्ढत्तणदोसेहिं संपइ कोडिको जम्हा ॥१२।। तिट्ठा लज्जानासो भयबाहुल्लं विरूवभासित्तं । पाएण मण स्साणं दोसा जायन्ति वुड्ढत्ते ॥१३।। अन्नह कहमम्हे पट्टवेइ देसंतरम्मि सइ विहवे । इय परिभाविय सव्वं वरिसंते भक्खियं दव्वं ॥१४॥ संपत्ता सव्वे वि हु नियसमए वन्नियस्सरूवा ते । पुणरवि तहेव विहिऊरण सेट्ठिणा भोयणाईयं ।।१५।। सयणाईण समक्खं पढमो संठाविमो कुडुम्बपए। बीअो भण्डारपए तइयो किसिमाइकज्जेसु ॥१६॥*
000
* 'आख्यानमणिकोश'-सं०- मुनि पुण्यविजय, से उद्ध त । गाथानुक्रम-आख्यानक ६२,
पृ० १७७-७८, गाथा २ से १७ तक ।
प्राकृत काव्य-मंजरी
Jain Educationa International
For Personal and Private Use Only
www.jainelibrary.org
