Agam 39 Mahanisiham Chattham Cheyasuttam Mulam PDF File

SR No.: 003777
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 153
Language: Prakrit
Classification: Book_Devnagari, Agam, Canon, Agam 39, & agam_mahanishith
File Size: 3 MB

Page 87

सव्वेसिं अण्हाणं ? सावज्जायरीओ एत्थ पमाणं ति तेहिं भणियं जहा एवं होउ त्ति हक्कारावे तओ हक्काराविओ गोयमा!
सो तेहिं सावज्जायरिओ आगओ दूरदेसाओ अप्पडिबद्धत्ता विहरमाणो, सत्तहिं मासेहिं जाव णं दिवो एगाए अज्जाए, सा य तं कदुग्ग-तव-चरण-सोसिय-सरीरं चम्मट्टि-सेस तणुं अच्चंतं तव-सिरिए दिप्पंतं सावज्जायरियं पेच्छिय सुविम्हियंतक्करणा वियक्किडं पयत्ता अहो किं एस महानुभागो णं सो अरहा किं वा णं धम्मो चेव मुत्तिमंतो ? किं बहुना-तियसिंदवंदाणं पि वंदणिज्ज-पाय-जुओ एस त्ति चिंतिऊणं भत्ति-भरणिब्भरा आयाहिण-पयाहिणं काऊणं उत्तिमंगेणं संघट्टेमाणी झत्ति निवडिया चलणेसं गोयमा ! तस्स णं सावज्जायरीयस्स, दिट्ठो य सो तेहिं दुरायारेहिं पणमिज्जमाणो, अन्नया णं सो तेसिं तत्थ जहा जग-गुरुहिं उवइडं तहा चेव गुरुवएसानुसारेणं आनुपुव्वीए जह-ट्ठियं सुत्तत्थं वागरेइ । ते वि तहा चेव सद्दहति अन्नया ताव वागरियं गोयमा ! जाव णं एक्कारसण्हमंगाणं चोद्दसण्हं पुव्वाणं दुवालसंगस्स णं सुयनाणस्स नवनीयसारभूयं सयल-पाव-परिहारट्ठ-कम्म-निम्महण आगयं इणमेव गच्छमेरा-पन्नवणं महानिसीह-सुयक्खंधस्स पंचममज्झयणं ।।
एत्थेव गोयमा ! ताव णं वक्खाणियं जाव णं आगया इमा गाहा :
[८४१] जत्थिथी-कर-फरिसं अंतरियं कारणे वि उप्पन्ने |
अरहा वि करेज्ज सयं तं गच्छं मूल गुण-मुक्कं
[८४२] तओ गोयमा अप्प-संकिएणं चेव चिंतियं तेन सावज्जायरिएणं जहा णं-जइ इह एयं जहट्ठियं पन्नवेमि तओ जं मम वंदनगं दाउमाणीए तीए अज्जाए उत्तिमंगेणं चलणग्गे पुढे तं सव्वेहिं पि दिट्ठमेएहिं ति । ता जहा मम सावज्जायरियाहिहाणं कयं तहा अन्नमवि किंचि एत्थ मुद्दकं काहिंति, अहन्नहा सत्तत्थं पन्नवेमि ता णं महती आसायणा, ता किं करियव्वमेत्थं ? ति किं एयं गाहं पओवयामि किं वा णं अन्नहा पन्नवेमि ? अहवा हा हा न जुत्तमिणं उभयहा वि अच्चंतगरहियं आयहियट्ठीणमेयं, जओ न-मेस समयाभिप्पाओ जहा णं जे भिक्खू दुवालसंगस्स णं सुयनाणस्स असई चुक्कक्खलियपमायासंकादी-सभयत्तेणं पयक्खरमत्ता-बिंदुमवि एक्कं पओवेज्जा अन्नहा वा पन्नवेज्जा, संदि वा सुत्तत्थं वक्खाणेज्जा, अविहीए अओगस्स वा वक्खाणेज्जा | से भिक्खू अनंतसंसारी भवेज्जा, ता किं रेत्थं जं होही तं च भवउ, जहट्ठियं चेव गुरुवएसानुसारेणं सुत्तत्थं पवक्खामि त्ति चिंतिऊणं गोयमा ! पवक्खाया निखिलावयवविसुद्धा सा तेन गाहा । अज्झयणं-५, उद्देसो
एयावसरंमि चोइओ गोयमा! सो तेहिं दुरंत-पंत-लक्खणेहिं जहा जइ एवं ता तुमं पि ताव मूल-गुण-हीनो जाव णं संभरेसु तं जं तद्दिवसं तीए अज्जाए तुज्झं वंदनगं दाउकामाए पाए उत्तिमंगेणं पुढे | ताहे इह-लोइगायस-हीरू खरसत्थरीहूओ | गोयमा ! सो सावज्जायरिओ चिंतिओ जहा जं मम सावज्जायरियाहिहाणं कयं इमेहिं तहा तं किं पि संपयं काहिति । जे णं तु सव्व-लोए अपुज्जो भविस्सं, ता किमेत्थं पारिहारगं दाहामि ? त्ति चिंतमाणेणं संभरियं तित्थयर-वयणं जहा णं जे केई आयरिए इ वा मयहरए इवा गच्छाहिवई सुयहरे भवेज्जा, से णं जं किचि सव्वन्न अनंत-नाणीहिं पावाववाय-द्वाणं पडिसेहियं तं सव्वं स्यानुसारेणं विन्नायं सव्वहा सव्व-पयारेहि णं नो समायरेज्जा नो णं समायरिज्जमाणं समनजाणेज्जा | से कोहेण वा माणेण वा मायाए वा लोभेण वा, भएण वा हासेण वा, गारवेण वा वा पमाएण वा, असती-चुक्क-खलिएण वा, दिया वा राओ वा, एगओ वा, परिसागओ वा, सुत्ते वा [दीपरत्नसागर संशोधितः]
[86]
[३९-महानिसीह