Agam 39 Mahanisiham Chattham Cheyasuttam Mulam PDF File

SR No.: 003777
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 153
Language: Prakrit
Classification: Book_Devnagari, Agam, Canon, Agam 39, & agam_mahanishith
File Size: 3 MB

Page 78

सत्तरस विहस्स णं संजमस्स, दुवालसविहस्स णं सब्भतरबाहिरस्स तवस्स जाव णं खंताइ-अहिंसालक्खणस्सेव य दस-विहस्सानगार-धम्मस्स, जत्थेक्केक्कपयं चेव सुबहएणं पि कालेणं थिर-परिचिएण दुवालसंग-महासुयक्खंधेणं बहु-भंग-सय-संघत्तणाए दुक्खं निरइयारं परिवालिऊणं जे, एयं च सव्वं जहाभणियं निरइयारमनुढेयं ति ।
एवं संसरिऊण चिंतियं तेण गच्छाविहइणा जहा णं मे विप्परोक्खेणं ते दुट्ठ-सीसे मज्झं अनाभोग-पच्चएणं सबहुं असंजमं काहिंति, तं च सव्वं मे मच्छंतियं होही जओ णं हं तेसिं गुरू, ता हं तेसिं पढ़ीए गंतणं ते पडिजागरामि. जेणाहमेत्थ पए पायच्छित्तेणं नो संवज्झेज्ज त्ति वियप्पिऊणं सो आयरिओ तेसिं पट्ठीए जाव णं दिवो तेणं असमंजसेणं गच्छमाणे ।
ताहे गोयमा सुमहुर-मंजुलालावेणं भणियं तेणं गच्छाहिवइणा । जहा-भो भो ! उत्तमकुलनिम्मल-वंस-विभूसणा अमुग-पमुगाइ-महासत्ता साहू ! उप्पहपडिवन्नाणं पंच-महव्वया-हिट्ठिय-तणूणं महाभागाणं साहु-साहुणीणं सत्तावीसं सहस्साइं थंडिलाणं सव्वदंसीहिं पन्नताई ते य सुउवउत्तेहिं विसोहिज्जति न उणं अनोवउत्तेहिं । ता किमेयं सुन्नासुन्नीए अनोवउत्तेहिं गम्मइ इच्छायारेणं ? उवओगं देह, अन्नं च-इणमो सुत्तत्थं किं तुम्हाणं विसुमरियं भवेज्जा जं सारं सव्व-परम-तत्ताणं ? जहा एगे बेइंदिए पाणी एगं सयमेव हत्थेण वा पाएण वा अन्नयरेण वा सलागाइ-अहिगरण-भूओवगरण-जाएण जे णं केई संघदृज्जा संघट्टावेज्जा वा, एवं संघट्टियं वा परेहि
से णं तं कम्मं जया उदिण्णं भवेज्जा तया जहा उच्छ-खंडाइं जंते तहा निप्पीलिज्जमाणा छम्मासेणं खवेज्जा, एवं गाढे दुवालसेहिं संवच्छरेहिं तं कम्मं वेदेज्जा । एवं अगाढपरियावणे वास-सहस्सं गाढपरियावणे दस-वास-सहस्से एवं अगाढ-किलावणे वास-लक्खं गाढ-किलावणे दस-वास-लक्खाइं उद्दवणे वास-कोडी । एवं तेइंदियाईसु पि नेयं । ता एवं च वियाणमाणा मा तुम्हे मुज्झह त्ति, एवं च गोयमा ! अज्झयणं-५, उद्देसो
गेज्जा ,
सुत्तानुसारेणं सारयंतस्सावि तस्सायरियस्स ते महा-पावकम्मे गम-गम-हल्लप्फलेणं हल्लोहल्लीभूएणं तं आयरियाणं वयणं असेस-पाव-कम्मट्ठ-दुक्ख-विमोयगं न बहु मन्नंति ।
ताहे गोयमा मुणियं तेणायरिएणं जहा-निच्छयओ उम्मग्गपट्ठिए सव्वपगारेहिं चेव इमे पावमई दुट्ठ-सीसे, ता किमहमहमिमेसिं पट्ठीए लल्ली-वागरणं करेमाणो अनुगच्छमाणो य सुक्खाए गयजलाए नदीए उबुज्झं ? एए गच्छंतु दस-दुवारेहिं अहयं तु तावाय-हियमेवानुचिट्ठेमो । किं मज्झं पर-कएणं सुमहंतेणावि पुन्न-पब्भारेणं ? थेवमवि किंचि परित्ताणं भवेज्जा | स-परक्कमेणं चेव मे आगमुत्त-तवसंजमानु-हाणेणं भवोयही तरेयव्वो | एस उणं तित्थयराएसो [जहा]
[८१७] अप्पहियं कायव्वं जइ सक्का परहियं पि पयरेज्जा ।
अत्त-हिय-पर-हियाण अत्त-हियं चेव कायव्वं
[८१८] अन्नं च-जइ एते तव-संजम-किरियं अनुपालेहिंति तओ एतेसिं चेव सेयं होहिइ, जइ न करेहिंति तओ एएसिं चेव दुग्गइ-गमनमनुत्तरं हवेज्जा | नवरं तहा वि मम गच्छो समप्पिओ, गच्छाहिवई अहयं भणामि अन्नं च
जे तित्थयरेहिं भगवंतेहिं छत्तीसं आयरियगुणे समाइढे तेसिं तु अहयं एक्कमवि नाइक्कमामि जइ वि पाणोवरमं भवेज्जा । जं च आगमे इह-परलोग-विरुद्धं तं नायरामि न कारयामि न कज्जमाणं समणुजाणामि । तामेरिसगुण-जुत्तस्सावि जइ भणियं न करेंति ताहमिमेसिं वेसग्गहणा [दीपरत्नसागर संशोधितः]
[77]
[३९-महानिसीह