Page Text
________________
अज्झीहीय गोयमा! से णं दुप्पसहे अनगारे तओ तस्स णं दसवेयालिय-सुत्तस्सानुगयत्थानुसारेणं तहा चेव पवत्तेज्जा, नो णं सच्छंदयारी भवेज्जा तत्थ | य दसवेयालिय-सुयक्खंधे तक्कालमिणमो दुवालसंगे सुयक्खंधे पइट्ठिए भवेज्जा । एएणं अटेणं एवं वुच्चइ जहा तहा वि णं गोयमा ! ते एवं गच्छ-ववत्थं नो विलंप्रिंसु ।
[८१५] से भयवं जइ णं गणिणो वि अच्चंत-विसुद्ध-परिणामस्स वि केइ दुस्सीले सच्छंदत्ताए इ वा गारवत्ताए इ वा जायाइमयत्ताए इ वा आणं अइक्कमेज्जा, से णं किमाराहगे भवेज्जा ? गोयमा ! जे णं गरु सम सत्तमित्त-पक्खो गरु-गणेसं ठिए सययं सत्तानसारेणं चेव विसद्धासए विहरेज्जा, तस्साणमइक्कंतेहिं नव-नउएहिं चउहिं सएहिं साहणं जहा तहा चेव अनाराहगे भवेज्जा ।
[८१६] से भयवं कयरे णं ते पंच सए एक्क विवज्जिए साहणं जेहिं च णं तारिसगुणोववेयस्स महानुभागस्स गुरुणो आणं अइक्कमिडं नाराहियं? गोयमा! णं इमाए चेव उसभ-चउवीसिगाए अतीताए तेवीसइमाए चळवीसिगाए जाव णं परिनिव्वुडे चउवीसइमे अरहा ताव णं अइक्कंतेणं केवइएणं कालेणं गुण-निप्फन्ने कम्मसेल-मुसुमूरणे महायसे महासत्ते महानुभागे सुगहिय-नामधेज्जे, वइरे नामं गच्छाहिवई भूए | तस्स णं पंच-सयं गच्छं निग्गंथीहिं विना निग्गंथीहिं समं दो सहस्से य अहेसि । ता गोयमा! ताओ निग्गंथीओ अच्चंत परलोग भीरुयाओ सुविसुद्ध निम्मलंतकरणाओ खंताओ दंताओ मत्ताओ जिइंदियाओ अच्चंत भणिरीओ निय-सरीरस्सा वि य छक्काय-वच्छलाओ जहोवइट्ठ-अच्चंतघोर-वीर-तवचरण-सोसिय-सरीराओ जहा णं तित्थयरेणं पन्नवियं तहा चेव अदीन-मनसाओ माया-मयअहंकार-ममाकार रतिहास-खेड्ड-कंदप्प-नाहवाय-विप्पमुक्काओ तस्सायरियस्स सगासे सामण्णमनुचरंति ।
ते य साहुणो सव्वे वि गोयमा! न तारिसे मनागा, अहण्णया गोयमा ते साहुणो त आयरियं अज्झयणं-५, उद्देसो
भणंति जहा जइ णं भयवं ! तुमं आणवेहिं ता णं अम्हेहिं तित्थरजत्तं करिय चंदप्पह-सामियं वंदिय धम्म-चक्कं गंतूणमागच्छामो, ताहे गोयमा ! अदीनमनसा अनुत्तावल-गंभीर-महराए भारतीए भणियं तेनायरिएणं जहा इच्छायारेणं न कप्पइ तित्थजत्तं गंतुं सुविहियाणं ता जाव णं बोलेइ जत्तं ताव णं अहं तुम्हे चंदप्पहं वंदावेहामि | अन्नं च-जत्ताए गएहिं असंजमे पडिवज्जइ | एएणं कारणेणं तित्थयत्ता पडिसेहिज्जइ । तओ तेहिं भणियं जहा भयवं ! केरिसो उण तित्थयत्ताए गच्छमाणाणं असंजमो भवइ सो पुण इच्छायारेणं बिइज्ज-वारं एरिसं उल्लावेज्जा बहु-जनेणं वाउलगो भण्णिहिसि । ताहे गोयमा ! चिंतियं तेणं आयरिएणं जहा णं ममं वइक्कमिय निच्छयओ एए गच्छिहिंति तेणं तु मए समयं चडुत्तरेहिं वयंति
अहण्णया सुबहं मनसा संधरेऊणं चेव भणियं तेणं आयरिएणं - जहा णं तुब्भे किंचि वि सुत्तत्थं वियाणह च्चिय, ता जारिसं तित्थयत्ताए गच्छमाणाणं असंजमं भवइ तारिस सयमेव वियाणेह, किं एत्थ बहु-पलविएणं ? अन्नं च-विदियं तुम्हेहिं पि संसारसहावं जीवाइयपत्थ-तत्तं च |
अहण्णया बहु उवाएहिं णं विनिवारिंतस्स वि तस्सायरियस्स गए चेव ते साहुणो णं कुद्धेणं कयंतेणं पेरिए तित्थयत्ताए, तेसिं च गच्छमाणाणं कत्थइ अनेसनं, कत्थइ हरिय-काय-संघट्टणं कत्थई बीयक्कमणं कत्थइ पिवीलियादीणं तसाणं संघटण-परितावणोद्दवणाइ-संभवं, कत्थइ बइठ्ठपडिक्कमणं कत्थइ न कीरए चेव चाउक्कालियं सज्झायं, कत्थइ न संपाडेज्जा मत्तभंडोवगरणस्स विहीए उभय-कालं पेहपमज्जण-पडिलेहण-पक्खोडणं, किं बहना ? गोयमा ! केत्तियं भणिहिई अट्ठारसण्हं सीलंगसहस्साणं,
दीपरत्नसागर संशोधितः]
[76]
[३९-महानिसीह
| SR No. | 003777 |
| Book Title | Agam 39 Mahanisiham Chattham Cheyasuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 153 |
| Language | Prakrit |
| Classification | Book_Devnagari, Agam, Canon, Agam 39, & agam_mahanishith |
| File Size | 3 MB |