Page Text
________________
[८०८] जम्म-जरा-मरण-दोग्गच्च वाहीओ चिट्ठतु ता । लज्जेज्जा गब्भ-वासेणं को न बुद्धो महामती [८०९] बहु-रुहिर-पूई-जंबाले असुइ य कलिमल - पूरिए । अनि यदुभिगंधे गब्भे को धिई भे
[८१०] ता जत्थ दुक्ख- विक्खिरणं एगंत सुह-पावणं । से आणं नो खंडेज्जा आणा भंगे कुओ
||
? ।।
? ||
[८११] से भयवं ! अट्ठण्हं साहूणमसइं उस्सग्गेण वा अववाएण वा चउहिं अनगारेहिं समं गमनागमनं नियंठियं तहा दसण्हं संजईणं हेट्ठा उसग्गेणं, चउण्हं तु अभावे अववाएणं हत्थ-सयाओ उद्ध गमनं नाणुण्णायं । आणं वा अइक्कमंते साहू वा साहूणीओ वा अनंत संसारिए समक्खाए । ता णं से दुप्पसहे अनगारे असहाए भवेज्जा, सा वि य विण्डुसिरी अनगारी असहाया चेव भवेज्जा । एवं ते कहं आराहगे भवेज्जा? गोयमा ! णं दुस्समाए परियंते ते चउरो जुगप्पहाणे खाइग-सम्मत्त-नाण- दंसण-चारित्तसमण्णिए भवेज्जा । तत्थ णं जे से महायसे महानुभागे दुप्पसहे अनगारे से णं अच्चंत विसुद्ध सम्मद्दंसण-नाण-चारित्त-गुणेहिं उववेए सुदिट्ठ- सुगइ - मग्गे आसायणा- भीरु अच्चंत -परम-सद्धा-संवेग-वेरग्गसंमग्गट्ठिए निरब्भ-गयणामल-सरय- कोमुइ- पुन्निमायंद-कर-विमल-पर-परम- जसे, वंदाणं परम-वंदे पू परमपू भवेज्जा |
तहा सा वि य सम्मत्तं - नाण-चारित्त-पडागा, महायसा, महासत्ता, महानुभागा, एरिस-गुणजुत्ता चेव सुगहियनामधिज्जा विण्डुसिरी अनगारी भवेज्जा, तं पि णं जिनदत्त-फग्गुसिरी नामं सावगमिहुणं बहु-वासर-वण्णणिज्जगुणं चेव भवेज्जा । तहा तेसिं सोलस - संवच्छराइं परमं आउं अट्ठ य अज्झयणं-५, उद्देसो
परियाओ आलोइय-नीसल्लाणं च पंचनमुक्कार- पराणं चउत्थं-भत्तेणं सोहम्मे कप्पे उववाओ । तयनंतरं च हिट्ठिम-गमनं । तहा वि ते एयं गच्छ ववत्थं नो विलंधिंसु ।
[८१२] से भयवं ! केणं अट्ठेणं एवं वच्चइ जहा णं तहा वि ते एयं गच्छ ववत्थं नो विलंघिंसु ? गोयमा ! णं इओ आसन्न -काले णं चेव महायसे महासत्ते महानुभागे सेज्जंभवे नामं अनगारे महातवस्सी महामई दुवाल - संग - सुयधारी भवेज्जा | से णं अपक्खवाएणं अप्पाउक्खे भव्व-सत्तेसुयअतिसएणं विण्णाय एक्करसण्हं अंगाणं चोद्दसण्हं पुव्वाणं परमसार-नवणीय- भूयं सुपउणं सुपद्धरुज्जयं सिद्धिमग्गं दसवेयालियं नाम सुयक्खंधं निऊहेज्जा, से भयवं किं पडुच्च ? गोयमा ! मनगं पडुच्चा जहा कह नाम ? एयस्स णं मनगस्स पारंपरिएणं थेवकालेणेव महंत घोर- दुक्खागराओ चउ - गइ संसार-सागराओ निप्फेडो भवतु, भवदुगुंछेवन न विना सव्वन्नुवएसेणं, से य सव्वन्नुवएसे अनोरपारे दुरवगाढे अनंतगमपज्जवेहिं नो सक्का अप्पेणं कालेणं अवगाहिउं । तहा णं गोयमा ! अइसए णं एवं चिंतेज्जा । एवं से णं सेज्जंभवे जहा ।
[८१३] अनंतपारं बहु जाणियव्वं, अप्पो य कालो बहुले य विग्धे ।
जं सारभूयं तं गिण्हियव्वं, हंसो जहा खीरमिवंबु मी II
[८१४] तेणं इमस्स भव्व - सत्तस्स मनगस्स तत्त-परिन्नाणं भवउ त्ति काऊणं जाव णं दसवेयालियं सुयक्खंधं निज्जूहेज्जा, तं च वोच्छिण्णेणं तक्काल-दुवालसंगेणं गणिपिडगेणं जाव णं दूसमा परियंते दुप्पसहे ताव णं सुत्तत्थेणं वाएजा, से य सयलागम निस्संदं दसवेयालिय-सुयक्खंधं सुत्तओ [दीपरत्नसागर संशोधितः]
[75]
[३९-महानिसीहं]
| SR No. | 003777 |
| Book Title | Agam 39 Mahanisiham Chattham Cheyasuttam Mulam PDF File |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2012 |
| Total Pages | 153 |
| Language | Prakrit |
| Classification | Book_Devnagari, Agam, Canon, Agam 39, & agam_mahanishith |
| File Size | 3 MB |