Agam 39 Mahanisiham Chattham Cheyasuttam Mulam PDF File

SR No.: 003777
Original Sutra Author: N/A
Author: Dipratnasagar, Deepratnasagar
Publisher: Deepratnasagar
Publication Year: 2012
Total Pages: 153
Language: Prakrit
Classification: Book_Devnagari, Agam, Canon, Agam 39, & agam_mahanishith
File Size: 3 MB

Page 62

ता भद्दमुह! एएणं समं संजमत्थानंतराणं एगमवि नो परिक्खियं, ता किमेस साहू भणेज्जा जस्सेरिसं पमत्तत्तणं ? न एस साह जस्सेरिसं निद्धम्म-संपलत्तणं भद्दमुह ! पेच्छ पेच्छ सूणो इव नित्तिंसो छक्काय-निमद्दणो कहाभिरमे एसो | अहवा वरं सूणो जस्स णं सुहमं वि नियम-वय-भंगं नो भवेज्जा, एसो उ नियम-भंग करेमाणो केणं उवमेज्जा ? ता वच्छ ! सुमइ भद्दमुह ! न एरिस कत्तव्वायरणाओ भवंति साहू, एतेहिं च कत्तव्वेहिं तित्थयर-वयणं सरेमाणो को एतेसिं वंदनगमवि करेज्जा ?
अन्नं च एएसिं संसग्गेणं कयाई अम्हाणं पि चरण-करणेसुं सिढिलत्तं भवेज्जा, जे णं पुणो पुणो आहिंडेमो घोरं भवपरंपरं । तओ भणियं समइणा जहा-जइ एए कुसीले जई सुसीले तहा वि मए एएहिं समं गंतव्वं जाव एएसिं समं पव्वज्जा कायव्वा । जं पुण तुमं करेसि तमेव धम्मं नवरं को अज्ज तं समायरिउं सक्का ? ता मुयसु करं, मए एतेहिं समं गंतव्वं जाव णं नो दूरं वयंति से साहुणो त्ति । तओ भणियं नाइलेणं भद्दमुह ! सुमइ नो कल्लाणं एतेहिं समं गच्छमाणस्स तुज्झं ति । अहयं च तुब्भं हिय-वयणं भणामि एवं ठिए जं चेव बहु-गुणं तमेवानुसेवयं, नाहं ते दुक्खेणं धरेमि ।
अह अन्नया अनेगोवाएहिं पि निवारिज्जंतो न ठिओ, गओ सो मंद-भागो सुमती गोयमा ! अज्झयणं-४, उद्देसो
पव्वइओ य । अह अन्नया वच्चंतेणं मास-पंचगेणं आगओ महारोरवो दुवालस-संवच्छरिओ दुब्भिक्खो | तओ ते साहुणो तक्कालदोसेणं अनालोइय-पडिक्कंते मरिऊणोववन्ने भूय-जक्ख-रक्खस-पिसायादीणं वाणमंतरदेवाणं वाहणत्ताए | तओ वि चविऊणं मिच्छजातीए कणिमाहार-करज्झवसाय-दोसओ सत्तमाए, तओ उव्वविऊणं तइयाए चउवीसिगाए सम्मत्तं पाविहिंति । तओ य सम्मत्त-लंभ-भवाओ तइय-भवे चउरो सिज्झिहिंति | एगो न सिज्झिहिइ जो सो पंचमगो सव्व-जेट्ठो, जओ णं सो एगंत मिच्छदिट्ठी अभव्वो य | से भयवं! जे णं सुमती से भव्वे उयाहु अभव्वे ? गोयमा भव्वे । से भयवं ! जइ-णं भव्वे, ता णं मए समाणे कहिं समुप्पन्ने ? गोयमा ! परमाहम्मियासुरेसुं ।
[६७८] से भयवं किं भव्वेपरमाहम्मियासुरेसुं समुप्पज्जइ ? गोयमा ! जे केई घन-रागदोस-मोह-मिच्छत्तोदएणं सुववसियं पि परम-हिओवएसं अवमन्नेत्ताणं दुवालसंगं च सुय-नाणमप्पमाणी करीअ अयाणित्ता य समय-सब्भावं अनायारं पसंसिया णं तमेव उच्छपेज्जा जहा सुमइणा उच्छप्पियं । न भवंति एए कुसीले साहुणो, अहा णं एए वि कुसीले ता एत्थं जगे न कोई सुसीलो अत्थि, निच्छियं मए एतेहिं समं पव्वज्जा कायव्वा तहा जारिसो तं निबद्धीओ तारिसो सो वि तित्थयरो त्ति एवं उच्चारेमाणेणं से गं गोयमा महंतंपि तवमनुढेमाणे परमाहम्मियासुरेसु उववज्जेज्जा | से भयवं ! परमाहम्मिया सुरदेवाणं उव्वट्टे समाणे से सुमती कहिं उववज्जेज्जा ? गोयमा ! तेणं मंद-भागेणं अनायार-पसंसुच्छप्पनंकरेमाणेणं सम्मग्ग-पणासगं अभिनंदियं तक्कम्मदोसेणं-अनंत-संसारियत्तणमज्जियंतो केत्तिए उववाए तस्स साहेज्जा जस्स णं अनेग-पोग्गल-परियडेसु वि नत्थि चउगइ-संसाराओ अवसानं ति तहा वि संखेवओ सुणसु गोयमा !
इणमेव जंबुद्दीवे दीवं परिक्खिविऊणं ठिए जे एस लवणजलही एयस्स णं जं ठाम सिंधू महानदी पविट्ठा, तप्पएसाओ दाहिणेणं दिसा-भागेणं पणपण्णाए जोयणेसु वेड्याए मज्झंतरं अत्थि पडिसंताव-दायगं नाम अद्धतेरस-जोयण-पमाणं हत्थिकुंभायारं थलं । तस्स य लवण-जलोवरेणं अद्भुट्ठजोयणाणी उस्सेहो । तहिं च णं अच्चंत-घोर-तिमिसंधयाराओ घडियालगसंठाणाओ सीयालीसं गुहाओ, तासुं [दीपरत्नसागर संशोधितः]
[61]
[३९-महानिसीह