________________
च णं जुग जुगेणं निरंतरे जलयारीणो मनुया परिवसंति, ते य वज्ज-रिसभ-नाराय-संघयणे महाबलपरक्कमे अद्धतेरस-रयणी-पमाणेणं संखेज्ज-वासाऊ मह-मज्ज-मंसप्पिए सहावओ इत्थिलोले परम-दुव्वण्ण-सुउमालअनिट्ठ-खर-फरुसिय-तनू मायंगवइ-कयमुहे सीह-घोरदिट्ठी-कयंत-भीसणे अदाविय पट्ठी असणि व्व निद्रपहारी दप्पुद्धरे य भवंति ।
तेसिं ति जाओ अंतरंड-गोलियाओ ताओ गहाय चमरीणं संतिएहिं सेय-पुंछवालेहिं गुंथिऊणं जे केइ उभय-कण्णेसुं निबंधिऊण महग्घुत्तम-जच्च-रयणत्थी सागरमनुपविसेज्जा से णं जलहत्थि-महिसगोहिग-मयर-महामच्छ-तंतु-सुंसुमार-पभितीहिं दुट्ठ-सावतेहिं अभेसिए चेव सव्वं पि सागर-जलं आहिंडिऊण जहिच्छाए जच्च-रयण-संगहं करिय अहय-सरीरे आगच्छे, ताणं च अंतरंडगोलियाणं संबंधेणं ते वराए ! गोयमा अनोवमं सुघोरं दारुणं दुक्खं पुव्वज्जिय रोद्द-कम्म-वसगा अनुभवंति |
से भयवं केण अटेणं गोयमा ! तेसिं जीवमाणाणं कोस-मज्झे ताओ गोलियाओ गहे जे जया उण ते धिप्पंति तया बहुविहाहिं नियंतणाहिं महया साहसेणं सन्नद्ध-बद्ध-करवाल-कुंत-चक्काइपहरणाडोवेहिं बहु-सूर-धीर-पुरिसेहिं बुद्धीपुव्वगेणं सजीविय-डोलाए धेप्पंति । तेसिं च धेप्पमाणाणं जाई सारीर-माणसाइं दुक्खाइं भवंति ताई सव्वेसुं नारय-दुक्खेसु जइ परं उवमेज्जा | अज्झयणं-४, उद्देसो
से भयवं को उण ताओ अंतरंड-गेलियाओ गेण्हेज्जा ? गोयमा! तत्तेव लवण-समुद्दे अत्थि रयण-दीवं नाम अंतर-दीवं, तस्सेव पडिसंताव-दायगाओ थलाओ एगतीसाए जोयण-सएहिं तं निवासिणो मण्या भवंति । भयवं ! कयरेणं पओगेणं? खेत्त-सभाव-सिद्ध-पुव्वपुरिस-सिद्धेणं च विहाणेणं ?
से भयवं कयरे उ ण से पुव्व-पुरिस-सिद्धे विही तेसिं? ति गोयमा ! तहियं रयण-दीवे अत्थि वीसं-एगूण-वीसं अट्ठारस, दसट्ठ-सत्त-धनू-पमाणाइं घरट्ठसंठाणाई वरवइर-सिला-संपुडाइं ताइं च विघाडेऊणं ते रयणदीवनिवासिणो मनुया पुव्व-सिद्ध-खेत्त-सहाव-सिद्धेणं चेव जोगेणं पभूय-मच्छिया-महूए अब्भंतरओ अच्चंत-लेवाडाइं काऊणं तओ तेसिं पक्क-मंस-खंडाणि बहूणि जच्च-मह-मज्ज-भंडगाणि पक्खिवंति, तओ एयाई करिय सुरंद-दीह-महद्दुम-कट्टेहिं आरुभित्ताणं सुसाउ-पोराण-मज्ज-मच्छिगा महूओ य पडिपुन्ने बहूए लाउगे गहाय पडिसंतावदायग थलमागच्छंति जाव णं तत्थागए समाणे ते गुहावासिणो मनुया पेच्छंति ताव णं तेसिं रयणदीवग-निवासिमनुयाणं वहाय पडिधावंति तओ ते तेसिं य मह्पडिपुन्नं लाउगं पयच्छिऊणं अब्भत्थ पओगेणं तं कद्व-जाणं जइणयर-वेगं दुवं खेविऊणं रयणद्दीवाभिमुहं वच्चंति। इयरे य तं महमासादियं पुणो सुदुयरं तेसिं पिट्टीए धावंति, ताहे गोयमा ! जाव णं अच्चासण्णे भवंति ताव णं सुसाउ-महु-गंध-दव्व-सक्कारिय-पोराण-मज्जं लाउगमेगं पमोत्तूणं पुणो वि जइणयरवेगेण रयणदीव-हुत्तो वच्चंति, इयरे य तं सुसाउ-महु-गंध-दव्व-संसक्करिय पोराण-मज्जमासाइयं पुणो सुदक्खयरे तेसिं पिट्ठीए धावंति, पुणो वि तेसिं महपडिपन्नं लाउगमेगं मंचति ।
___ एवं ते गोयमा महु-मज्ज-लोलीए संपलग्गे तावाणयंति जाव णं ते घरट्ट-संठाणे वइरसिलासंपुडे । ता जाव णं तावइयं भू-भागं संपरावंति ताव णं जमेवासण्णं वइरसिला संपुडं जंभायमाणपुरिसमुहागारं विहाडियं चिट्ठइ, तत्थेव जाइं मह-मज्ज-मंस-पडिपुन्नाइं समुद्धरियाई सेस-लाउगाई ताइं तेसि पिच्छमाणाणं ते तत्थ मोत्तूणं निय-निय-निलएसु वच्चंति । इयरे य मह-मज्ज-लोलीए जाव णं तत्थ पविसंति ताव णं गोयमा ! जे ते पुव्व-मुक्के पक्क-मंस-खंडे जे य ते मह-मज्ज-पडिपुन्ने भंडगे जं च महए चेवालित्तं सव्वं तं सिला-संपडं पेक्खंति ताव णं तेसिं महंतं परिओसं महंतं तुहिँ महंतं पमोदं [दीपरत्नसागर संशोधितः]
[62]
[३९-महानिसीह