________________
ता विरंगामि एईए कण्णे नक्कं सहोद्वयं ।। [११९९] एसा उ न जाव विउप्पज्जे मम धूयं को वि नेच्छिही ।
अहवा हा हा ! न जुत्तमिणं धूया तुल्लेसा वि मे ।। [१२००] नवरं सुविनीया एसा विउप्पन्नत्थ गच्छिही ।
ता तह करेमि जहा एसा देसंतरं गया वि य ।। [१२०१] न लभेज्जा कत्थइ थामं आगच्छइ पडिल्लिया ।
देवेमि से वसी-करणं गुज्झ-देसं तु साडिमो || [१२०२] निगडाइं च से देमि भमडउं तहिं नियंतिया ।
एवं सा जुण्ण-वेसज्जा मनसा परितप्पिउं सुवे ।। [१२०३] ता खंडोढा सिमिणमि गुज्झं साडिज्जंतगं ।
पेच्छइ नियडे य दिज्जंते कण्णे नासं च वढियं ।। [१२०४] सा सिमिणत्थं वियारेउं नट्ठा जह कोई न याणइं ।
कह कह वि परिभमंती सा गाम-पुर-नगर-पट्टणे ।। [१२०५] छम्मासेणं त् संपत्ता संखडं नाम खेडगं ।
तत्थ वेसमण-सरिस-विहव-रंडा-पुत्तस्स सा जुया ।। [१२०६] परिणीया महिला ताहे मच्छरेण पज्जले दढं |
रोसेण फुरफुरंती सा जा दियहे केइ चिट्ठइ ।। [१२०७] निसाए निब्भरं सइयं खंडोट्ठी ताव पेच्छइ ।
तं दई धाइया चुल्लिं दित्तं घेत्तुं समागया ।। [१२०८] तं पक्खिविऊण गुज्झंते फालिया जाव हिययं ।
जाव दुक्ख-भरक्कंता चल-चल्लचेल्लिं करेंतो ।। [१२०९] ता सा पुणो विचिंतेइ जाव जीवं न उड्डए |
ताव देमी से दाहाइं जेण मे भव-सएस् वि ।। [१२१०] न तरड़ पियमं काउं इणमो पडिसंभरंतिया ।
ताहे गोयम ! आणेउं चक्किय-सालाओ अयमयं ।। [१२११] तावित्तु फुलिंग मेल्लंतं जोणिए पक्खित्तंकुस । एवं दुक्ख-भरक्कंता तत्थ मरिऊण गोयमा
अज्झयणं-६, उद्देसो
[१२१२] उववन्ना चक्कवट्टिस्स महिला-रयणत्तेण सा |
इओ य रंडा-पुत्तस्स महिला तं कलेवरं ।। [१२१३] जीवुडज्झियं पि रोसेणं छेत्तुं छेत्तुं सुसंमयं ।
साण-काग-मादीणं जाव धत्ते दिसोदिसिं ।। [१२१४] तावं रंडा-पुत्तो व बाहिरभूमीओ आगओ ।
सो य दोसगुणे नाउं बहं मनसा वियप्पियं ।
गंतूण साहु-पामूलं पव्वज्जं काउ निव्वुडो ।। [दीपरत्नसागर संशोधितः]
[107]
[३९-महानिसीह
