________________
? ||
जाव सीलं न खंडेइ ताव देवेहिं थुव्वइ ।। [११८२] कंटगं चेव पाए मे खत्तं आगासागासियं ।
एएणं जं अहं चक्का तं मे लाभं महंतियं ।। [११८३] सत्त वि साहाउ पायाले इत्थी जा मनसा वि य ।
सीलं खंडेइ सा नेइ कहियं जननीए मे इमं ।। [११८४] ता जं न निवडई वज्जं पंसु-विट्ठी ममोवरिं ।
सय-सक्करं न फुट्टइ वा हिययं तं महच्छेरगं ।। [११८५] नवरं जई एयमालोयं ता लोगो एत्थ चिंतिही |
जहा-अमुगस्स धूयाए इयं मनसा अज्झवसियं ।। [११८६] तं नं तह वि पओगेणं परववएसेनालोइमो ।
जहा-जइ कोइ एयं अज्झवसइ पच्छित्तं तस्स होइ किं [११८७] तं चिय सोऊण काहामि तवेणं तत्थ कारणं ।
जं पुण भयवयाऽऽइडं घोरं अच्चंत-निद्रं ।। [११८८] तं तवं सील-चारित्तं तारिसं जाव नो कयं । तिविहं तिविहेण नीसल्लं ताव पावं न खीयए ।। [११८९] अह सा पर-ववएसेणं आलोइत्ता तवं चरे ।
पायच्छित्तं निमित्तेणं पन्नासं संवच्छरे ।। [११९०] छट्ठ-दुम-दसम-दुवालसेहिं लयाहिं नेइ दस वरिसे ।
अकयमकारियमसंकप्पिएहिं परिभूयभिक्ख-लद्धेहिं ।। [११९१] चनगेहिं दुन्नि वे भुज्जिएहिं सोलसय मासखमणेहिं ।
वीसं आयामायंबिलेहिं आवस्सगं अछड्डेती ।। [११९२] चरई य अदीनमनसा अह सा पच्छित्त-निमित्तं ।
ताहे गोयम सा चिंते- जं पच्छित्तं तयं कयं ।। [११९३] ता किं तमेव न कयं मे जं मनसा अज्झवसियं ।
तया इयरहे वि उ पच्छित्तं इयरहे व उ मे कयं ।। [११९४] ता किं तं न समायरियं चिंतेंती निहणं गया । उग्गं कटुं तवं घोरं दुक्करं पि चरित्तु सा ||
अज्झयणं-६, उद्देसो
[११९५] सच्छंद-पायच्छित्तेणं सकलुस-परिणाम-दोसओ ।
कुच्छिय-कम्मा समुप्पन्ना वेसाए पडिचेडिया ।। [११९६] खंडोट्ठा-नाम चडुगारी मज्ज-खडहडग-वाहिया । विनीया सव्व-वेसाणं थेरीए य चउग्गुणं ।। [११९७] लावण्णं कंती-रूवं नत्थि भवने वि तारिसं |
अन्नया थेरी चिंतेइ मज्झं बोडाए जारिसं ।। [११९८] लावण्णं कंती-रूवं नत्थि भुवने वि तारिसं ।
दीपरत्नसागर संशोधितः]
[106]
[३९-महानिसीह
