Page Text
________________
साहस्सीहिं अण्णेहिं य जहा- सक्के नवरं-इमं नाणत्तं-दुमो पावत्तणीयाहिवई ओघस्सरा घंटा विमाणं पन्नासं वक्खारो-५
जोयणसहस्साइं महिंदज्झओ पंचजोयणसयाइं विमाणकारी आभिओगिओ देवो अवसिडें तं चेव जाव मंदरे समोसरइ पज्जुवासइ तेणं कालेणं तेणं समएणं बली असुरिंदे असुरराया एवमेव नवरं-सट्ठी सामाणियसाहस्सीओ चउगुणा आयरक्खा महादुमो पायत्ताणीयाहिवई महाओहस्सरा घंटा सेसं तं चेव परिसाओ जहा- जीवाभिगमे तेणं कालेणं तेणं समएणं धरणे तहेव नाणत्तं-छ सामाणियसाहस्सीओ छ अग्गमहिसीओ चउग्गुणा आयरक्खा मेघस्सरा घंटा भद्दसेणो पायत्ताणीयाहिवई विमाणं पणवीसं जोयणसहस्साई महिंदज्झओ अड्ढाइज्जाइं जोयणसयाइं एवमसुरिंदवज्जियाणं भवणवासिइंदाणं नवरंअसुराणं ओघस्सरा घंटा नागाणं मेघस्सरा सुवण्णाणं हंसस्सरा विज्जूणं कोंचस्सरा अग्गीणं मंजुस्सरा दिसाणं मंजुघोसा उदहीणं सुस्सरा दीवाणं महरस्सरा वाऊणं नंदिस्सरा थणियाणं नंदिधोसा ।
। [२३७] चउसट्ठी सट्ठी खलु छच्च सहस्सा उ असुरवज्जाणं ।
सामाणिया उ एए चउग्गुणा आयरक्खा उ । [२३८] दाहिणिल्लाणं पायत्ताणीयाहिवई भद्दसेणो उत्तरिल्लाणं दक्खो, वाणमंतरजोइसिया नेयव्वा एवं चेव नवरं-चत्तारि सामाणियसाहस्सीओ चत्तारि अग्गमहिसीओ सोलस आयरक्खसहस्सा विमाणा सहस्सं महिंदज्झया पणवीसं जोयणसयं घंटा दाहिणाणं मंजुस्सरा उत्तराणं मंजुघोसा पायत्ताणीयाहिवई विमाणकारी य आभिओगा देवा जोइसियाणं सुस्सरा सुस्सरणिग्धोसा घंटाओ मंदरे समोसरणं जाव पज्जुवासंति ।
[२३९] ते णं से अच्चुए देविंदे देवराया महं देवाहिवे आभिओग्गे देवे सद्दावेइ सद्दावेत्ता एवं वयासी-खिप्पामेव भो देवाणुप्पिया महत्थं महग्धं महरिहं विउलं तित्थयराभिसेयं उवद्ववेह तए णं ते आभिओग्गा देवा हद्वतुट्ठ-चित्तमाणंदिया जाव पडिसुणित्ता उत्तरपुरत्थिमं दिसीभागं अवक्कमंति अवक्कमित्ता वेठव्वियसमग्धाएणं जाव समोहणित्ता अट्ठसहस्सं सोवण्मियकलसाणं एवं रुप्पमयाणं मणिमयाणं सुवण्णरुप्पमयाणं सुवण्णमणिमयाणं रुप्पमणिमयाणं सुवण्णरुप्पमणिमयाणं अट्ठसहस्सं भोमेज्जाणं अट्ठसहस्सं वंदणकलसाणं एवं भिंगाराणं आयंसाणं थालाणं पातीणं सुपइट्ठाणं चित्ताणं रयणकरंडगाणं वायकरगाणं पुप्फचंगेरीणं जहा- सूरियाभस्स सव्वचंगेरीओ सव्वपडलगाइं विसेसियतराइं भाणियव्वाइं विउव्वंति विउव्वित्ता सीहासण-छत्त-चामर-तेल्लसमग्गा जाव सरिसवसमुग्गा तालियंटा जाव अट्ठसहस्सं कडुच्छुयाणं विउव्वंति विउव्वित्ता साहाविए वेउव्विए य कलसे जाव कडुच्छुए य गिण्हित्ता जेणेव खीरोट
गेव आगम्म कीरोदगं गिण्हंति जाई तत्थ उप्पलाई पउमाइं जाव सहस्सपत्ताई ताई गिण्हंति एवं पक्खरोदाओ जाव भरहेरवयाणं मागहाइतित्थाणं उदगं मट्टियं च गिण्हति एवं गंगाई महामनईणं जाव चुल्लहिमवंताओ सव्वतुवरे सव्वपुप्फे सव्वगंधे सव्वमल्ले जाव सव्वोसही सिद्धत्थए य गिण्हंति गिण्हित्ता पउमद्दहाओ उदोहगं उप्पलाईणि य एवं सव्वकुलपव्वएसु वट्टवेयड्ढेसु सव्वमहद्दहेसु सव्ववासेसु सव्वतचक्कवट्टिविजएसु वक्खारपव्वएसु अंतरनईसु विभासिज्जा जाव उत्तरकुरुसु जाव सुदंसणभद्दासालवने सव्वतुवरे जाव सिद्धत्थए य गिण्हंति एवं नंदनवनाओ सव्वतुवरे जाव सिद्धत्थए य सरसं च गोसीसचंदणं दिव्वं च समुणदामं गेहंति एवं सोमनस्पंडगणवाओ य सव्वतुवरे जाव सुमणदामं
दीपरत्नसागर संशोधितः]
[94]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |