Page Text
________________
वक्खारो-५
हिणं करेइ करेत्ता जाव एवं वयासी-नमोत्थू ते रयणकच्छिधारिए एवं जहा- दिसाकुमारीओ जाव धण्णासि पुन्नासि तं कयत्थासि अहण्णं देवाणुप्पिए सक्के नामं देविंदे देवराया भगवओ तित्थयरस्स जम्मणमहिम करिस्सामि तण्णं तुब्भाहिं न भाइव्वंतिकट्ट ओसोवणिं दलयइ दलइत्ता तित्थयरपडिरूवगं विउव्वइ विउवित्ता तित्थयरमाउयाए पासे ठवेइ ठवेत्ता पंच सक्के विउव्वइ विउव्वित्ता एगे सक्के भगवं तित्थयरं करयलपुडेणं गिण्हइ एगे सक्के पिट्टओ आयवत्तं धरिए दुवे सक्काओ उभओ पासिं चामरुक्खेवं करेंति एगे सक्के पुरओ वज्जपाणी पगड्ढइ तए णं से सक्के देविंदे देवराया अण्णेहिं बहुहिं भवणवइ-वाणमंतरजोइसवेमाणिएहिं देवेहिं देवीहि य सद्धिं संपरिवुडे सव्विड्ढीए जाव दुंदुहिणिग्धोसणाइयरवेणं ताए उक्किट्ठाए जाव देवगईए वीईवयमाणे-वीईवयमाणे जेणेव मंदरे पव्वए जेणेव पंडगवने जेणेव अभिसेयसिला जेणेव अभिसेयसीहासणे तेणेव उवागच्छइ उवागच्छित्ता सीहासणवरगए पुरत्थाभिमुहे सण्णिसण्णे ।
[२३०] तेणं कालेणं तेणं समएणं ईसाणे देविंदे देवराया सूलपाणी वसभवाहणे सुरिंदे उत्तरड्ढलोगाहिवई अट्ठावीसविमाणावससयसहस्साहिवई अरयंबरवत्थधरे एवं जहा- सक्के इमं नाणत्तंमहाघोसा घंटा लहुपरक्कमो पायत्ताणियाहिवई पुप्फओ विमाणकारी दक्खिणा निज्जाणभूमी उत्तरपुरत्थिमिल्लो इकरगपव्वओ मंदरे समोसरिओ जाव यावत्पदात् भगवंत तित्थयरं तिक्खुत्तो आयाहिणपयाहिणं करेइ करित्ता वंदइ नमसइ वंदित्ता नमंसित्ता नच्चासण्णे नाइदूरे सुस्सूसमाणे नमंसमाणे अभिम्हे विणएणं पंजलिउडे इति पज्जुवासइ एवं अवसिट्ठावि इंदा भाणियव्वा जाव अच्चुओइमं नाणत्तं- ।
[२३१] चउरासीइ असीई बावत्तरि सत्तरी य सट्ठी य ।
पन्ना चत्तालीसा तीसा वीसा दस सहस्सा । [२३२] बत्तीसट्ठावीसा बारस अट्ठ चउरो सयसहस्सा ।
पन्ना चत्तालीसा छच्च सहस्सा सहस्सारे । [२३३] आणयपाणयकप्पे चत्तारि सयारणच्चे तिण्णि एए विमाणा णं इमे जाणविमाणकारी देवा [तं जहा]- |
[२३४] पालय पुप्फय सोमनसे सिरिवच्चे य नंदियावत्ते ।
कामगमे पीइगमे मनोरमे विमल सव्वओभद्दे । [२३५] सोहम्मगाण सणंकुमारगाणं बंभलोयगाणं महासुक्कगाणं पाणयगाणं इंदाणं सुघोसा घंटा हरिनेगमेसी पायत्तणीयाहिवई उत्तरिल्ला निज्जाणभूमी दाहिणपुरत्थिमिल्ले रइकर-गपव्वए ईसाणगाणं माहिंद-लंतग-सहस्सार-अच्चुयगाण य इंदाणं महाघोसा घंटा लहुपरक्कमो पायत्ताणीयाहिव दक्खिणिल्ले निज्जाणमग्गे उत्तरपुरथिमिल्ले रइकरगपव्वए परिसाओ णं जहा- जीवाभिगमे आयरक्खा सामाणिय-चउग्गुणा महिंदज्झया सव्वेसिं जोयणसाहस्सिया सक्कवज्जा मंदरे समोसरंति जाव पज्जुवासंति
___ [२३६] तेणं कालेणं तेणं समयएणं चमरे असुंरिंदे असुरराया चमरचंचाए रायहाणीए सभाए सुहम्माए चमरंसि सीहासणंसि चउसट्टीए सामाणियसाहस्सीहिं तायत्तीसाए तावत्तीसेहिं चउहिं लोगपालेहि पंचहिं अग्गमहिसीहिं सपरिवाराहिं तायत्तीसाए तावत्तीसेहिं चउहिं लोगपालेहिं पंचहिं अग्गमहिसीहिं सपरिवाराहिं तिहिं परिसाहिं सत्तहिं अणिएहिं सत्तहिं अणियाहिवईहिं चउहिं चउसट्ठीहिं आयरक्खदेव
दीपरत्नसागर संशोधितः]
[93]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |