Page Text
________________
चउरासीणं आयरक्खदेवसाहस्सीणं एवमाइ विभासियव्वं सूरियाभगमेणं जाव पच्चप्पिणति |
[२२९] तए णं से सक्के देविंदे देवराया हद्वतुट्ठ-चित्तमाणंदिए जाव हरिसवसविसप्पमाणहियए दिव्वं जिणिंदाभिगमणजोग्गं सव्वालंकारविभूसियं उत्तरवेउव्वियं रूवं विउव्वइ विउव्वित्ता अट्ठहिं अग्गमहिसीहिं सपरिवाराहिं नट्टाणीएणं गंधव्वाणीएणं य सद्धिं तं विमाणं अनुप्पयाहिणीकरेमाणेअनुप्पयाहिणीकरेमाणे पुव्विल्लेणं तिसोमाण-पडिरूवएणं दुरुहइ दुरुहित्ता जाव साहीसणंसि पुरत्थाभिमुहे सण्णिसण्णे एवं चेव सामाणियावि उत्तरेणं तिसोमाणपडिरूवाणं दुरुहित्ता जाव निसीयंति अवसेसा देव य देवीओ य दाहिणिल्लेणं तिसोमाण-पडिरूवएणं दुरुहित्ता पत्तेयं-पत्तेयं पुव्वण्णत्थेसु भद्दासणेसु निसीयंति तए णं तस्स सक्कस्स देविंदस्स देवरण्णो तंसि दुरुढस्स समाणस्स इमे अट्ठमंगलगा पुरओ अहाणुपुव्वीए संपट्ठिया तयणंतरं च णं पुन्नकलसभिंगारं दिव्वा य छत्तपडागा सचामरा य दंसणरइयआलोयदरिसणिज्जा वाउद्ध्यविजयवेजयंति य समूसिया गगणतलमणुलिहंति पुरओ अहाणुपुव्वीए संपट्ठिया तयणंतरं छत्तभिंगारं तयणंतरं च णं वइरामयवट्टलट्ठसंठिय सुसिलिट्ठपरिघट्टमहसुपइट्ठिए विसिट्टे अणेगवरपंचवण्मकुडभीसहस्सपरिमंडियाभिरामे वाउछुयविजयवेजयंतीपडागा-छत्ताइच्छत्तकलिए तुंगे गयणतलमणुलिहंतसिहरे जोयणसहस्सभूसिए महइमहालए महिंदज्झए पुरओ अहाणुपुव्वीए संपढ़िए तयणंतरं च णं सरूवणेवत्थ-परिच्छिया सुसज्जा सव्वालंकारविभूसिया पंच अणिया पंच अणिया-हिवइणो पुरओ अहाणुपुव्वीए संपट्ठिया तयणंतरं च णं बहवे आभिओगिया देवा य देवीओ य सएहिं-सएहिं रूवेहिं जाव निओगेहिं सक्कं देविंदं देवरायं पुरओ य मग्गओ य पासओ य अहाणपुव्वीए संपट्ठिया तयणंतरं च णं बहवे सोहम्म-कप्पवासी देवा य देवीओ य सव्विड्ढीए जाव दुरुढा समाणा पुरओ य मग्गओ य पासओ य अहाणपुव्वे संपट्ठिया तए मं से सक्के देविंदे देवराया तेणं पंचाणिय-परिक्खित्तेणं जाव महिंदज्झएणं पुरओ पकड्ढिज्जमाणेणं चउरासीए सामाणियसाहस्सीहिं जाव परिवुड़े सव्विड्ढीए जाव नाइयरवेणं सोहम्मस्स कप्पस्स मज्झंमज्झेणं तं दिव्वं देविढिं जाव उवदंसेमाणे-उवदंसेमाणे जेणेव सोहम्मस्स कप्पस्स उत्तरिल्ले निज्जाणमग्गे तेणेव उवागच्छइ उवागच्छित्ता जोयणसयसाहस्सिएहिं विग्गेहि ओवयमाणे वीतियवयमाणे ताए उक्किट्ठाए जाव देवगईए वीईवयमाणे-वीईवयमाणे तिरियमसंखेज्जाणं दीवसमुद्दाणं मज्झमज्झेणं जेणेव नंदीसरवरे दीवे जेणेव दाहिणपुरत्थिमिल्ले रइकरगपव्वए तेणेव उवागच्छड उवागच्छित्ता तं दिव्वं देविड़ढिं जाव दिवं जाणविमाणं पडिसाहरेमाणे-पडिसाहरेमाणे जेणेव भगवओ तित्थयरस्स जम्मणनगरे जेणेव भगवओ तित्थगरस्स जम्मणभवणे तेणेव उवागच्छड़ उवागच्छित्ता भगवओ तित्थगरस्स जम्ममणभवणं तेणं दिव्वेणं जाणविमाणेणं तिक्खुत्तो आयाहिणपयाहिणं करेइ करेत्ता भगवओ तित्थयरस्स जम्मणभवणस्स उत्तरपुरत्थिमे दिसीभागे चउरंगुलमसंपत्तं धरणियले तं दिव्वं जाणविमाणं ठवेइ ठवेत्ता अट्ठहिं अग्गमहिसीहिं दोहिं अणीएहिंगंधव्वाणीएण य नट्टा-णीएण य सद्धिं ताओ दिव्वाओ जाणविमाणाओ पुरथिमिल्लेणं तिसोमाणपडिरूवएणं पच्चोरुएइ तए णं सक्कस्स देविंदस्स देवरण्मो चउरासीइं सामाणियसाहस्सीओ ताओ दिव्वाओ जाणविमाणाओ उत्तरिल्लेणं तिसोमाणपडिरूवेणं चोचरुहंति अवसेसा देवा य देवीओ य ताओ दिव्वाओ जाणविमाणाओ दाहिणिल्लेणं तिसोमाणपडिरूवएणं पच्चोरुहंति तए मं से सक्के देविंदे देवराया चउरासीए सामाणियसाहस्सीहिं जाव सद्धिं संपरिवुडे सव्विड्ढीए जाव दुंदुहिणिग्धोसणाइयरवेणं जेणेव भगवं तित्थयरे तित्थयरमाया य तेणेव उवागच्छइ उवागच्छित्ता आलोए चेव पणामं करेइ करेत्ता भगवं तित्थयरं तित्थयरमायरं
च तिक्खुत्तो
आयाहिण-पया
दीपरत्नसागर संशोधितः]
[92]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |