Page Text
________________
वयणं हियसुहत्थं-आणवेइ णं भो सक्के तं चेव जाव अंतियं पाउब्भवह तए णं ते देवा य देवीओ य एयमट्ठे सोच्चा हट्ठतुट्ठ जाव हियया अप्पेगइया वंदणवत्तियं एवं पूयणवत्तियं सक्कारवत्तियं सम्माणवत्तियं दंसणवत्तियं कोऊहलवत्तियं अप्पेगइया सक्क्स्स वयणमणुवत्तमाणा अप्पेगइया अण्णमण्णमणुवत्तमाणा अप्पेगइया जीयमेयं एवमाइत्तिकट्टु सव्विड्ढीए जाव अकालपरिहीणं चेव सक्कस्स देविंदस्स देवरण्णो अंतियं पाउब्भवंति तए णं से सक्के देविंदे देवराया ते वेमाणिए देवे य देवीओ य अकालपरिहीणं चेव अंतियं पाउब्भवमाणे पासइ पासित्ता हट्ठतुट्ठ- चित्तमाणंदे पालयं नामं आभिओगियं देवं सद्दावेइं सद्दावेत्ता एवं वयासी- खिप्पामेव भो देवाणुप्पिया अणेगखंभसयसण्णिविट्टं लीलट्ठियसाल-भंजियाकलिय ईहामिय-उसभ-तुरग-नर-मगर- विहग वालग - किण्णर-रुरु
सरभ-चमर-कुंजर-वणलय-पउमलयभत्तिचित्तं
खंभुग्गयवइवेइयापरिगयाभिरामं विज्जाहरजमलजुयलजंतजुत्तंपिव अच्चीसहस्स मालणीयं रूवगसहस्सकलियं भिसमाणं भिब्भिसमाणं चक्खुल्लोयणलेसं सुहफासं सस्सिरीयरूवं घंटावलि - चलिय-महुर-मनहरसरं सुहं कंतं दरिसणिज्जं निउणोविय- मिसिमिसेंत मणिरयणघंटियाजाल-परिक्खित्तं जोयणसयसहस्सविच्छिण्णं पंचजोयणसयमुव्विद्धंसिग्ध-तुरिय- जइण- निव्वाहिं दिव्वं जाणविमाणं विउव्वाहि विउव्वित्ता एयमाणत्तियं पच्चप्पिणाहि ।
[२२८] तए णं से पालए देवे सक्केणं देविंदेणं देवरण्णा एवं वुत्ते समाणे हट्टतुट्ठचित्तमाणंदिए जाव वेउव्वियसमुग्धाएमं समोहणित्ता तहेव करेइ तस्स णं दिवस्स जाणविमाण तिदिसिं तओ तिसोवाणपडिरूवगा वण्णओ तेसिं णं पडिरूवगाणं पुरओ पत्तेयं-पत्तेयं तोरणे वणओ पडिरूवा तस्स णं जाणविमाणस्स अंतो बहुसमरमणिज्जे भूमिभागे से जहाणामए - आलिंगपुक्खरेइ वा दीवियचम्मेइ वा अणेगसंकुकीलगसहस्सवितते आवड- पच्चावड- सेढी -प्पसेढि - सोत्थिय-सोवत्थिय-पूसमाणववद्धमाणग-मच्छंडग-मगरंडग-जार-मार-फुल्लावलि-पम-पत्त-सागरतरंग-वसंतलय-पउमलयभत्तिचित्तेहिं
सच्छाएहिं सप्पभेहिं समरीइएहिं सउज्जोएहिं नाणाविहपंचवण्णेहिं मणीहिं उवसोभिए तेसि णं मणीणं वण्णे गंधे फासे य भाणियव्वे जहा - रायप्पसेणइज्जे तस्स णं भूमिभागस्स मज्झदेसभाए पेच्छाघरमंडवे - अणेगखंभसयसण्णिविट्टे वण्णओ जाव पडिरूवे तस्स उल्लोए पउमलयभत्तिचित्ते जाव सव्वतवणिज्जमए जाव पडिरूवे तस्स णं मंडवस्स बहुसमरमणिज्जस्स भूमिभागस्स मज्झदेसभागंसि महेगा मणिपेढिया-अट्ठ जोयणाइं आयाम-विक्खंभेणं चत्तारि जोयणाइं बाहल्लेणं सव्वमणिमई वण्णओ तीए उवरिं महेगे सीहासणे वण्णओ तस्सुवरिं महेगे विजयसे सव्वरयणामए वण्णओ तस्स मज्झदेसभाए एगे वइरामए अंकुसे थ णं महेगे कुंभिक्के मुत्तादामे से णं अण्णेहिं तद्धुच्चत्तप्पमाणमित्तेहिं चउहिं अद्धकुंभिक्केहिं मुत्तादामेहिं सव्वओ समंता संपरिक्खित्ते ते णं दामा तवणिज्जलंबूसगा सुवण्णपरयरगमंडिया नानामणिरयणविविहहारद्धहारउवसोभियसमुदया ईसिं अण्णमण्णसंपत्ता पुव्वाइएहिं वाएहिं मंद-मंद एज्जमाणा-एज्जमाणा जाव निव्वुइकरेणं सद्देणं ते पएसे सव्वो समंता आपूरेमाणा- आपूरेमाणा सिरीए अतीव अतीव उवसोभेमाणा-उवसोभेमाणा चिट्ठति तस्स णं सीहासणस्स अवरुत्तरेणं उत्तरेणं उत्तरपुरत्थिमेणं एत्थ णं सक्क्स्स देविंदस्स देवरण्णो चउरासीए सामाणि-यसाहस्सीणं चउरासीइं भद्दासणसाहस्सीओ पुरत्थिमेणं अट्ठण्हं अग्गमहिसीणं एवं दाहिणपुरत्थिमेणं अब्भिंतरपरिसाए दुवालसहं देवसाहस्सीणं दाहिणेणं मज्झिमपरिसाए चउदसण्हं देवसाहस्सीणं दाहिणपच्चत्थिमेणं बाहिरपरिसाए सोलसण्हं देवसाहस्सीणं पच्चत्थिमेणं सत्तण्हं अणियाहिवईणं तए णं तस्स सीहासणस्स चउद्दिसिं चउन्हं वक्खारो-५
[ दीपरत्नसागर संशोधितः ]
[91]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |