Page Text
________________
वयासी नमोत्थु णं अरहंताणं भगवंताणं आइगराणं तित्थयराणं सयंसंबुद्दाणं पुरिसोत्तमाणं पुरिससीहाणं पुरिसवरपुंडरीयाणं पुरिसवरगंधहत्थीणं लोगुत्तमाणं लोगनाहाणं लोगहियाणं लोगपईवाणं लोगपज्जोयगराणं अभयदयाणं चक्खुदयाणं मग्गदयाणं सरणदयाणं जीवदयाणं बोहिदयाणं धम्मदयाणं धम्मदेसयाणं धम्मनायगाणं धम्मसारहीणं धम्मवरचाउरंतचक्कवट्टीणं दीवो ताणं सरणं गई पइट्ठा अप्पडिहयवरनाणदंसणधराणं वियदृछउमाणं जिणाणं जावयाणं तिण्णाणं तारयाणं बुद्धाणं बोहयाणं मुत्ताणं मोयगाणं सव्वन्नूणं सव्वदरिसीणं सिवमयलमरुयमणंतमक्खय-मव्वाबाहमपुणरावित्ति सिद्दिगइनामधेयं ठाणं संपत्ताणं नोत्थु णं भगवओ तित्थगरस्स आइगरस्स जाव संपाविउकामस्स वंदामि णं भगवंतं तत्थगयं इहगए पासउ मे भयवं तत्थगए इहगयंतिकट्ट वंदइ नमसइ वंदित्ता नमंसित्ता सीहासणवरंसि पुरत्थाभिमुहे सण्णिसण्णे तए णं तस्स एक्कस्स देविंदस्स देवरण्णो अयमेयारूवे अज्झत्थिए चिंतिए पत्थिए मणोगए संकप्पे समुप्पज्जित्था-उप्पण्मे खलु भो जंबुद्दीवे दीवे भगवं तित्थयरे तं जीयमेयं तीयपच्चुप्पण्णमणा-गयाणं सक्काणं देविंदाणं देवराईणं तित्थयरायणं जम्मणमहिमं करेत्तए तं गच्छामि णं अहंपि भगवओ तित्थगरस्स जम्मणमहिमं करेमित्तिकट्ट एवं संपेहेइं संपेहेत्ता हरि-नेगमेसिं पायत्ताणीयाहिवड़ देवं सद्दावेइ सद्दावेत्ता एवं वयासी-खिप्पामेव भो देवाणुप्पिया सभाए सुहम्माए मेघोघरसियगंभीरमहरयसदं जोयण-परिमंडलं सुघोसं सूसरं घंटं तिक्खुत्तो उल्लालेमाणे-उल्लालेमाणे-महयामहया सद्देणं उग्घोसेमाणे-उग्घोसेमाणे एवं वयाहिं-आणवेइ णं भो सक्के देविंदे देवराया गच्छद जंबुद्दीवे दीवे भगवओ तित्थयरस्स जम्मणमहिमं करित्तए तं तुब्भेवि णं देवाणुप्पिया णं भो सक्के देविंदे देवराया सव्विड्ढीए सव्वजुईए सव्वबलेणं सव्वसमुदएणं सव्वायरेणं सव्वविभूईए सव्वविभूसाए सव्वसंभमेणं सव्वाणाडएहिं सव्वोरेहेहिं सव्वपुप्फगंधमल्लालंकारविभूसाए सव्वदिव्व तुडियसद्दसणिणाएणं महया इड्ढीए जाव दुंदुहिनिग्धोस-नाइयरवेणं निययपरियालसंपरिवुडा सयाइंसयाइं जाणविमाणवाहणाई दुरुढा समाणा अकालपरिहीणं चेव सक्कस्स देविंदस्स देवरण्णो अंतियं पाउब्भवह तए णं हरिनेगमेसी देवे पायत्ताणीयाहिवई सक्केणं देविदेणं देवरण्णा एवं वुत्ते समाणे हद्वतुट्ठ-चित्तमाणंदिए जाव एवं देवोत्ति आणाए विणएणं वयणं पडिसुणेइ पडिसुणेत्ता सक्कस्स देविंदस्स देवरण्णो अंतियाओ पडिणिक्खमइ पडिणिक्खमित्ता जेणेव सभाए सुहम्माए मेघोघरसियगंभीरमहरयरसदं जोयणपरिमंडला सुघोसा घंटा तेणेव उवागच्छइ उवागच्छित्ता तं मेघोघरसिय-गंभीरमहरयसदं जोयणपरिमंडलं सुघोसं घंटं तिक्खुत्तो उल्लालेइ तए णं तीसे मेघोघरसियगंभीरमहर-यरसद्दाए जोयणपरिमंडलाए सुघोसाए घंटाए तिक्खुत्तो उल्लालियाए समाणीए सोहम्मे कप्पे अण्णेहिं एगूणेहिं बत्तीसाए विमाणावाससयसहस्सेहिं अण्णाई एगूणाई बत्तीसं घंटासयसहस्साइं जमगसमगं कणकणरवं काउं पयत्ताई चावि हुत्था तए णं सोहम्मे कप्पे पासायविमाणणिक्खुडावडियसद्दघंटापडे-सुयासयसहस्सासंकुले जाए यावि होत्था तए णं तेसिं सोहम्मकप्पवासीणं बहूणं वेमाणियाणं देवाण य देवीण य एगंतरइपसत्त-निच्चप्पमत्त-विसयसुहमुच्छियाणं सूसरघंटारसियविउलबोल-तुरियचवलपडिबोहणे कए समाणे घोसणकोऊहलदिण्णकण्मएगग्गचित्तउवत्तमाणसाणं से पायत्ताणीयाहिवइ देवे तंसि घंटारवंसि निसंत-पसंतंसि समाणंसि तत्थ-तत्थ तहिं-तहिं देसे महया-महया सद्देणं उग्घोसेमाणे-उग्घोसेमाणे एवं वयासी-हंदि सुणंतु भगवंतो बहवे सोम्मकप्पवासी वेमाणिया देवा य देवीओ य सोहम्मकप्पवेइणो इणमो वक्खारो-५
दीपरत्नसागर संशोधितः]
[901
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |