Page Text
________________
मज्जावेंति तं जहा- गंधोदएणं पुप्फोदएणं सुद्धोदएणं मज्जावेत्ता सव्वालंकारविभूसियं करेंति करेत्ता भगवं तित्थयरं करयलपुडेणं तित्थयरमायरं च बाहाहिं गिण्हंति गिण्हित्ता जेणेव उत्तरिल्ले कयलीहरए जेणेव चाउस्सलाए जेणेव सीहासणे तेणेव उवागच्छंति उवागच्छित्ता भगवं तित्थयरं तित्थयरमायरं च सीहासणे नीसीयाविति नीसीयीवित्ता आभिओगे देवे सद्दावेंति सद्दावेत्ता एवं वयासी-खिप्पामेव भो देवाणुप्पिया चुल्लहिमवंताओ वासहरपव्वयाओ सरसाइं गोसीसचंदणकट्ठाई साहरह तए णं ते आभिओगा देवा ताहिं रुयगमज्झ-वत्थव्वाहिं चउहिं दिसाकमारीमहत्तरियाहिं एवं वत्ता समाणा हट्टतद्वचित्तमाणंदिया जाव विणएणं वयणं पडिच्छंति पडिच्छित्ता खिप्पामेव चुल्लहिमवंताओ वासहरपव्वयाओ सरसाइं गोसीसचंदणकट्ठाइं साहरंति तए णं ताओ मज्झिमरुयगवत्थव्वाओ चत्तारि दिसाकुमारीमहत्तरियाओ सरगं करेंति करेत्ता अरणिं घडेंति घडेत्ता सरएणं अरणिं महिंति महित्ता अग्गिं पाडेंति पाडेत्ता अग्गिं संधुक्खंति संधुक्खित्ता गोसीसचंदणकट्टे पक्खिवंति पक्खिवित्ता अग्गिं उज्जालंति उज्जालित्ता अग्गिहोम करेंति करेत्ता भूतिकम्मं करेंति करेत्ता रक्खापोट्टलियं बंधंति बंधेत्ता नानामणिरयणभत्तिचित्ते दुविहे पाहाणवट्टगे गहाय भगवओ तित्थयरस्स कण्णमूलंसि टिट्टियावेंति-भवउ भयवं पव्वयाउए तए णं ताओ रुयगमज्झवत्थव्वाओ चत्तारि दिसाकुमारीमहत्तरियाओ भयवं तित्थयरं करयलपुडेणं तित्थयरमायरं च बाहाहिं गिण्हंति गिण्हित्ता जेणेव भगवओ तित्थयरस्स जम्मणभवणे तेणेव उवागच्छंति उवागच्छित्ता तित्थयरमायरं सयणिज्जंसि निसीयाति निसीयावेत्ता भयवं तित्थयरं माऊए पासे ठवेंति आगायमाणीओ परिगायमाणीओ चिट्ठति ।
[२२७] तेणं कालेणं तेणं समएणं सक्के नामं देविंदे देवराया वज्जपाणी पुरंदरे सयक्कऊ सहस्सक्खे मघवं पागसासणे दाहिणड्ढलोगाहिवई बत्तीसविमाणवाससयसहस्साहिवई एरावण-वाहणे सुरिंदे अरयंबरवत्थधरे आलइयमालउडे नवहेमचारुचित्त-चंचलकुंडलविलिहिज्जमाणगल्ले भासुरबोंदी पलंबवणमाले महिड्ढीए जाव महासोक्खे सोहम्मे कप्पे सोहम्मवडेंसए विमाणे समाए सुहम्माए सक्कंसि सीहासणंसि से णं तत्थ बत्तीसाए विमाणावाससयसाहस्सीणं चउरासीए सामाणियसाहस्सीणं तायत्तीसाए तावत्तीसगाणं चउण्ह लोगपालाणं अट्ठण्हं अग्गमहिसीणं सपरिवाराणं तिण्हं परिसाणं सत्तण्हं अणियाणं सत्तण्हं अणियाहिवईणं चउण्हं चउरासीणं आयरक्खदेवसाहस्सीम अण्णेसिं च बहणं सोहम्मकप्पवासीणवेमाणियाणं देवाण य देवीण य अण्णे पढंति अण्णेसिं च बहूणं देवाणं य देवीण य आभिओगउववण्णगाणं आहेवच्चं पोरेवच्चं सामित्तं भट्टित्तं महत्तरगत्तं आणा-ईसर-सेणावच्चं कारेमाणे पालेमाणे महयाहयन-जाव दिव्वाइं भोगभोगाइं भुजंमाणे विहरइ तए णं तस्स सक्कस्स देविंदस्स देवरण्णो आसणं चलइ ते णं से सक्के देविंदे देवराया] आसणं चलियं पासइ पासित्ता ओहिं पउंजइ पउंजित्ता भगवं तित्थयरं ओहिणा आभोएड आभोएत्ता हहतुट्ठचित्ते जाव हियए धाराहयनीवसुरभिकुसुम-चंचुमालइय-ऊसविय-रोमकूवे वियसियवरकमल-नयणवयणे पयलियवरकडग-तुडिय-केऊर-मउड-कुडंल-हारविरायंतवच्छे पालंबपलंबमाणघोलंतभूसणधरे ससंभमं तरियं चवलं सुरिंदे सीहासणाओ अब्भुढेइं अब्भुढेत्ता वेरुलिय-वरिट्ठ-रिट्ठ-अंजणनिउणोविय-मिसिमिसिंतमणिरयणमंडियाओ पाउयाओ ओमयइ ओमुइत्ता एगसाडियं उत्तरासंगं करेइ करेत्ता अंजलि-मउलियग्गहत्थे तित्थयराभिमुहे सत्तट्ठ पयाइं अनुगच्छड़ अनुगच्छित्ता वामं जाणुं अंचेइ वक्खारो-५
अंचेत्ता दाहिणं जाणुं धरणीतलंसि निह१ तिक्खुत्तो मुद्धाणं धरणितलंसि निवाडेइ निवेसेत्ता ईसिं पच्चुण्णमइ पच्चुण्णमित्ता कडग-तुडिय-थंभियाओ भुयाओ साहरइ साहरित्ता करयलपरिग्गहियं जाव एवं [दीपरत्नसागर संशोधितः]
[१८-जंबूद्दीवपन्नत्ति]
[89]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |