Page Text
________________
[२१२] जया णं एक्कमेक्के चक्कवट्टिविजए भगवंतो तित्थयरा समुप्पज्जंति तेणं कालेणं तेणं समएणं अहेलोगवत्थव्वाओ अट्ट दिसाकुमारीओ महत्तरियाओ सएहि-सएहिं कूडेहिं सएहि-सएहिं भवणेहिं सएहिं-सएहिं पासायवडेंसएहिं पत्तेयं-पत्तेयं चउहिं सामाणियसाहस्सीहिं चउहि य महत्तरियाहिं सपरिवाराहिं सत्तहिं अणिएहिं सत्तहिं अणियाहिवईहिं सोलसेहिं आयरक्खदेवसाहस्सीहि अण्णेहिं य बहूहिं देवेहिं देवीहि य सद्धिं संपरिवुडाओ महयाहयनट्ट-गीय-वाइय जाव भोगभोगाइं भुंजमाणीओ विहरंति [तं जहा] ।
[२१३] भोगंकरा भोगवई सुभोगा भोगमालिणी ।
तोयधारा विचित्ता य पुप्फमाला अणिंदिया । [२१४] तए णं तासिं अहेलोगवत्थव्वाणं अट्ठण्हं दिसाकुमारीमहत्तरियाणं पत्तेयं-पत्तेयं आसणाइं चलंति तए णं ताओ अहेलगवत्थव्वाओ अट्ट दिसाकुमारीओ महत्तरियाओ पत्तेयं-पत्तेयं आसणाई चलियाई पासंति पासित्ता ओहिं पउंजंति पउंजित्ता भगवं तित्थयरं ओहिणा आभोएंति आभोएत्ता अण्णमण्णं सद्दावेंति सद्दावेत्ता एवं वयासी-उप्पन्ने
वे दीवे भयवं तित्थयरे तं जीवमेयं मतीयपच्चुप्पन्नमणागयाणं अहेलोगवत्थव्वाणं अटठण्हं दिसाकुमारीमहत्तरियाणं जम्मणमहिम करेत्तए तं गच्छामो णं अम्हेवि भगवओ जम्मणमहिमं करेमोत्तिकट्ट एवं वयंति वइत्ता पत्तेयं-पत्तेयं आभिओगिए देवे सद्दावेंति सद्दावेत्ता एवं वयासी-खिप्पामेव भो देवाणुप्पिया अणेगखंभसयण्णिविटे लीलट्ठिय-सालभंजियागे एवं विमाणवण्णओ भाणियव्वो जाव जोयणविच्छिण्णे दिव्वे जाणविमाणे विउव्वह विउव्वित्ता एयमाणत्तियं पच्चप्पिणह तए णं ते आभिओगिया देवा अणेगखंभसयसन्निविढे जाव पच्चप्पणंति तए णं ताओ अहेलोगवत्थव्वाओ अट्ठ दिसाकुमारीमहत्तरियाओ हहतुट्ठचित्तमाणंदियाओ पत्तेयं-पत्तेयं चउहिं सामाणियसाहस्सीहिं चउहि महत्तरियाहिं जाव अण्णेहि य बहूहिं देवेहिं देवीहि य सद्धिं संपरिवुडाओ ते दिव्वे जाणविमाणे दुरूहंति दुरूहित्ता सव्विड्ढीए सव्वजुईए धणमुइंगपणवपवाइयरवेणं ताए उक्किट्ठाए जाव देवगईए जेणेव भगवओ तित्थगरस्स जम्मणनगरे जेणेव भगवओ तित्थयरस्स जम्मणभवणे तेणेव उवागच्छंति उवागच्छित्ता भगवओ तित्थयरस्स जम्मणभवणं तेहिं दिव्वेहिं जाणविमाणेहिं तिक्खुत्तो आयाहिण-पयाहिणं करेंति करेत्ता उत्तरपुरत्थिमे दिसीभाए ईसिं चउरंगुलमसंपत्ते धरणियले ते दिव्वे जाणविमाणे ठवेंति ठवेत्ता पत्तेयं-पत्तेयं चउहिं सामाणियसाहस्सीहिं जाव सद्धिं संपरिडाओ दिव्वेहिंतो जाणविमाणेहिंतो पच्चोरुहंति पच्चोरुहित्ता सव्विड्ढीए जाव दुंदुहिणिग्धोसनाइएणं
भगवं
तित्यरे
जेणेव
वक्खारो-५
तित्थयरमाया य तेणेव उवागच्छंति उवागच्छित्ता भगवं तित्थयरं तित्थयरमायं च तिक्खुत्तो आयाहिणपयाहिणं करेंति करेत्ता जाव एवं वयासी-नमोत्थु ते रयणकुच्छिधारिए जगप्पईवदाईए सव्वजगमंगलस्स चक्खुणो य मुत्तस्स सव्वजगजीववच्छलस्स हियकारग्ग-मग्गदेसिय-पागड्ढ-विभुपभुस्स जिणस्स नाणिस्स नायगस्स बुद्धस्स बोहागस्स सव्वलोगनाहस्स निम्ममस्स पवरकुलसमुब्भवस्स जाईए खत्तियस्स जंसि लोगुत्तमस्स जणणी धण्णासि पन्नासि तं कयत्थासि अम्हे णं देवाणुप्पिए अहेलोगवत्तव्वाओ अट्ठ दिसाकुमारी-महत्तरियाओ भगवओ तित्थगरस्स जम्मणमहिमं करिस्सामो तण्णं तुब्भाहिं न भाइयव्वंतिकटु उत्तरपुरत्थिमं दिसीभागं अवक्कमंति अवक्कमित्ता वेठव्वियसमुग्धाएणं समोहण्णंति समोहणित्ता दीपरत्नसागर संशोधितः]
( [86] -
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |