Page Text
________________
हेरण्णवए मणिकंचणे य रुप्पिम्मि कडाइं । [२११] सव्वेवि एए पंचसइया रायहाणीओ उत्तरेणं से केणटेणं भंते एवं वुच्चइ-रुप्पी वासहरपव्वए रुप्पी वासहरपव्वए गोयमा रुप्पी णं वासहरपव्वए रुप्पी रुप्पवट्टे रुप्पिओभासे सव्वरुप्पमए रुप्पी य इत्थ देवे पलिओवमट्ठिईए परिवसइ से तेणटेणं, कहि णं भंते जंबुद्दीवे दीवे हेरण्णवए वासे पन्नत्ते गोयमा रुप्पिस्स उत्तरेणं सिहरिस्स दक्खिणेणं पुरत्थिमलवणससमुदस्स पच्चत्थिमेणं पच्चत्थिमेणं पच्चत्थिमलवणसमुद्दस्स पुरत्थिमेणं एत्थ णं जंबुद्दीवे दीवे हेरण्णवए वासे पन्नत्ते एवं जह चेव हेमवयं तह चेव हेरण्णवयंपि भाणियव्वं नवरं-जीवा दाहिणेणं उत्तरेणं धणु अवसिडें तं चेव, कहि णं भंते हेरण्णवए वासे मालवंतपरियाए नामं वट्टवेयड्ढपव्वए पन्नत्ते गोयमा सुवण्णकूलाए पच्चत्थिमेणं रुप्पकूलाए पुरत्थिमेणं एत्थ णं हेरण्णवयस्स वासस्स बहुमज्झदेसभाए मालवंतपरियाए नामं वट्टवेयड्ढे पन्नत्ते जह चेव सद्दावई तह चेव मालवंतपरियाए अट्ठो उप्पलाइं पउमाई मालवंतप्पभाई मालवंतवण्णाई मालवंतवण्णाभाई पभासे य इत्थ देवे महिड्ढीए पलिओवमट्टिईए परिवसइ से एएणतुणं रायहाणी उत्तरेणं, से केणटेणं भंते एवं वुच्चइ-हेरण्णवए वासे हेरण्णवए वासे गोयमा हेरण्णवए णं वासे रुप्पि-सिहरीहिं वासहरपव्वएहिं दुहओ समवगूढे निच्चं हिरण्णं दलयइ निच्चं हिरण्णं पगासइ हेरण्णवए य इत्थ देवे परिवसइ से एएणतुणं कहि णं भंते जंबुद्दीवे दीवे सिहरी नामं वासहरपव्वए पन्नत्ते गोयमा हेरण्णवयस्स उत्तरेणं एरावयस्स दाहिणेणं पुरत्थिमलवणसमुदस्स पच्चत्थिमेणं पच्चत्थिमलवणसमुद्दस्स पुरत्थिमेणं एवं जह चेव चुल्लहिमवंतो तह चेव सिहरीवि नवरं-जीवा दाहिणेणं धणं धणुपटुं उत्तरेणं अवसिटुं तं चेव पुंडरीए दहे सुवण्णकूला महानई दाहिणेणं नेयव्वा जहा- रोहियंसा पुरत्थिमेणं गच्छड़ एवं जह चेव गंगासिंधूओ तह चेव रत्ता-रत्तवईओ नेयव्वाओ-पुरत्थिमेणं रत्ता पच्चत्थिमेणं रत्तवई अवसिडें तं चेव अपरिसेसं नेयव्वं, सिहरिम्मि णं भंते वासहरपव्वए कइ कूडा पन्नत्ता गोयमा इक्कारस कूडा पन्नत्ता तं जहा- सिद्धाययणकूडे सिहरिकूडे हेरण्णवयकूडे सुवण्णकूलाकूडे सुरोदेवी कूडे रत्ताकूडे लच्छूकूडे रत्तवईकूडे इलादेवी कूडे एरवयकूडे तिगिच्छकूडे एवं सव्वेवि एते कूडे पंचसइया रायहाणीओ उत्तरेणं से केणट्टेणं भंते एवं वुच्चइ-सिहरिवासहरपव्वए सिहरिवासहरपव्वए गोयमा सिहरिम्मि वासहरपव्वए बहवे कूडा सिहरिसंठाणसंठिया सव्वरयणामया सिहरी य इत्थ देवे जाव परिवसइ से तेणटेणं, कहि णं भंते जंबुद्दीवे दीवे एरावए नामं वासे पन्नत्ते गोयमा सिहरिस्स उत्तरेणं उत्तरलव-णसमुदस्स दक्खिणेणं
पुरत्थिमलवणवक्खारो-४
समुद्दस्स पच्चत्थिमेणं पच्चत्थिमलवणसमुद्दस्स पुरत्थिमेणं एत्थ णं जंबुद्दीवे दीवे एरावए नामं वासे पन्नत्ते-खाणुबहुले कंटकबहले एवं जच्चेव भरहस्स वत्तव्वया सच्चेव सव्वा निरवसेसा नेयव्वा सओयवणा सपरिनिव्वाणा नवरं-एरावओ चक्कवडी एरावओ देवो से तेणदेणं एरावए वासे-एरावए वासे ।
० चउत्थो वक्खारो समत्तो . ० मुनि दीपरत्नसागरेण संशोधितः सम्पादित्तश्च चउत्थो वक्खारो समत्तो ०
। पंचमो-वक्खारो ।
दीपरत्नसागर संशोधितः]
[85]
[१८-जंबूद्दीवपन्नत्ति]
| SR No. | 003735 |
| Book Title | Agam 18 Jambudivpannatti Sattam Uvvangsuttam Mulam PDF File Without Correction |
| Original Sutra Author | N/A |
| Author | Dipratnasagar, Deepratnasagar |
| Publisher | Deepratnasagar |
| Publication Year | 2013 |
| Total Pages | 122 |
| Language | Prakrit |
| Classification | Book_Devnagari, Agam, Canon, Agam 18, & agam_jambudwipapragnapti |
| File Size | 2 MB |